Mar 12, 2023, 2:55 PM IST
గుంటూరు : వైఎస్ వివేకానంద రెడ్డి హత్య ఆస్తుల కోసమే జరిగిందంటూ కడప ఎంపీ అవినాష్ రెడ్డి చేసిన వ్యాఖ్యలపై టిడిపి నేత ధూళిపాళ్ళ నరేంద్ర ఘాటుగా స్పందించారు.సొంత బాబాయ్ ని లేపేసి అప్పట్లో నారాసుర చరిత్ర అంటూ నాటకాలాడి అధికారంలోకి వచ్చారని వైసిపి అధ్యక్షుడు, సీఎం వైఎస్ జగన్ పై ఆరోపణలు చేసారు ధూళిపాళ్ల. ఇప్పుడు జైలుకు వెళ్లే పరిస్థితి వచ్చింది కాబట్ట సొంత చెల్లిపైనే నేరం మోపుతూ సునీతాసుర చరిత్ర అంటున్నారని మండిపడ్డారు. సొంత కూతురే తండ్రిని చంపిందంటూ కొత్త నాటకాన్ని రక్తికట్టించేందుకు ప్రయత్నిస్తున్నారని అన్నారు.ఏ కుటుంబంలోనూ ఇంత దిగజారుడుతనం వుండదని ధూళిపాళ్ల మండిపడ్డారు.