సేమ్ టు సేమ్ పవన్ వారాహే..! సరికొత్త టెక్నాలజీతో నడిచే అద్భుత వాహనం

గుంటూరు : జనసేన పార్టీ అధినేత పవన్ కల్యాణ్ పై ‌తన అభిమానాన్ని వినూత్నంగా చాటుకున్నాడు చీరాల యువకుడు.జనసేన పార్టీ ప్రచారం కోసం పవన్ 'వారాహి'పేరిట ఓ వాహనాన్ని ప్రత్యేకంగా తయారుచేయించిన విషయం తెలిసిందే. ఇవాళ  జనసేన పార్టీ పదో ఆవిర్భావ సభకు ఇదే వాహనంలో పవన్ వెళ్ళనున్నారు.ఇలా ఎన్నో ప్రత్యేకతలు కలిగిన వారాహి వాహనాన్ని పోలిన చిన్న వాహనాన్ని ఇంజనీరింగ్ కాలేజీ యువకుడు ప్రాజెక్ట్ వర్క్ గా రూపొందించాడు. అచ్చం వారాహి మాదిరిగానే రూపొందించిన ఈ వాహనం వైఫై సహాయంతో నడుస్తుంది. ఇలా చిన్నసైజు వారాహిని సరికొత్త టెక్నాలజీతో నడిచేలా రూపొందించి పవన్ పై అభిమానాన్ని చాటుకున్నాడు చీరాల యువకుడు.