ఏపీలో ఎమ్మెల్సీ ఎన్నికల పోలింగ్... ఇప్పటికే ఓటేసిన రాజకీయ ప్రముఖులు వీరే..!

విశాఖపట్నం : ఆంధ్ర ప్రదేశ్ లో ఇవాళ ఉదయం 8గంటల నుండి ఎమ్మెల్సీ ఎన్నికల పోలింగ్ జరుగుతోంది. విశాఖపట్నం-విజయనగరం‌-శ్రీకాకుళం, ప్రకాశం-నెల్లూరు-చిత్తూరు, కడప-అనంతపురం-కర్నూలు పట్టభధ్రుల ఎమ్మెల్సీ నియోజకవర్గాలతో పాటు 2 ఉపాధ్యాయ, 3 స్థానిక సంస్థల ఎమ్మెల్సీ స్థానాల్లో ఎన్నికలు జరుగుతున్నాయి. ఇప్పటికే గ్రాడ్యుయేట్లు, ఉపాధ్యాయులు, స్థానిక సంస్థల ప్రతినిధులు పోలింగ్ లో జోరుగా పాల్గొంటున్నారు. టిడిపి అభ్యర్థి చిరంజీవి రావుతో పాటు  బిజెపి ఎంపి జివిఎల్ నరసింహారావు, మాజీ మంత్రి గంటా శ్రీనివాసరావు, ఎమ్మెల్యే వెలగపూడి రామకృష్ణ తదితరులు తమ ఓటుహక్కును వినియోగించుకున్నారు. సాయంత్రం నాలుగు గంటల వరకు పోలింగ్ కొనసాగనుంది.