మహిళా దినోత్సవం స్పెషల్... విశాఖ తీరంలో రైల్వే ఉద్యోగులు వాకథాన్

విశాఖపట్నం : అంతర్జాతీయ మహిళా దినోత్సవాన్ని పురస్కరించుకుని ఇవాళ(మంగళవారం) విశాఖ తీరంలో వాకథాన్ చేపట్టారు. ఈస్ట్ కోస్ట్ రైల్వే మహిళా సంక్షేమ సంఘం ఆధ్వర్యంలో భారీ ర్యాలీ నిర్వహించారు. ఈ ర్యాలీలో భారీగా వాల్తేరు డివిజన్ మహిళా ఉద్యోగులు, ఉన్నతాధికారులు, ఆర్పిఎఫ్, సివిల్ డిఫెన్స్ అధికారులు, స్థానిక క్రీడాకారులు పాల్గొన్నారు. ఈస్ట్ పాయింట్ రెస్ట్ హౌస్ దగ్గర మొదలై మత్స్యదర్శిని వరకు సాగిన ర్యాలీ తిరిగి ప్రారంభించిన చోటే ముగిసింది.