విశాఖలో ఘనంగా హోలీ సెలబ్రేషన్ ... రంగుల్లో మునిగిన ఎంపి జివిఎల్ దంపతులు

విశాఖపట్నం :బీచ్ సిటీ విశాఖలో హోలీ సంబరాలు అంబరాన్నంటాయి. బిజెపి ఎంపీ  జివిఎల్ నరసింహారావు సతీమణి మైథిలితో కలిసి పాండురంగపురం బీచ్ రోడ్డులోని నివాసంలో హోలీ సంబరాలు జరుపుకున్నారు. ఉత్తరాది ప్రజలతో కలిసి జివిఎల్ దంపతులు ఈ రంగుల పండగను జరుపుకున్నారు. ఒకరిపై ఒకరు రంగులు చల్లుకుంటూనే హిందీ పాటలకు డ్యాన్సులు, కేరింతల నడుమ జివిఎల్ దంపతులు ఈసారి హూలీ పండగను వైభవంగా జరుపుకున్నారు. ఇదిలావుంటే విశాఖలో హోలీ సందర్భంగా ప్రత్యేక ఈవెంట్స్ నిర్వహించారు. వీటిలో పాల్గొన్న యువతీయువకులు ఒళ్లంతా రంగులు పూసుకుని రెయిన్ డ్యాన్సులు చేసారు. ముఖ్యంగా ఉత్తరాది ప్రజలు హోలీ వేడుకలను ఘనంగా నిర్వహించుకున్నారు.