దేశ రాజకీయాల్లో స‌త్తా చాటుతాం.. తెలంగాణలో హ్యాట్రిక్ విజయం సాధిస్తాం.. : కేటీఆర్
By Mahesh Rajamoni | First Published Jun 29, 2023, 4:41 PM ISTHyderabad: జాతీయ రాజకీయాల్లో భార‌త రాష్ట్ర స‌మితి (బీఆర్ఎస్) కీలక పాత్ర పోషిస్తుందని ఆ పార్టీ వర్కింగ్ ప్రెసిడెంట్, తెలంగాణ మంత్రి కేటీఆర్ అన్నారు. సుపరిపాలన కొనసాగడం ముఖ్యమనీ, తెలంగాణ విజయాలను అన్ని వర్గాల ప్రజలు కోరుకుంటున్నార‌ని అన్నారు. కాంగ్రెస్, బీజేపీల గురించి ప్ర‌స్తావిస్తూ రాష్ట్రంలో విద్యుత్, తాగు, సాగు నీటి సమస్యలను పరిష్కరించడంలో గత ప్రభుత్వాలు ఎలా విఫలమయ్యాయని ప్రశ్నించారు.
BRS working president & IT Minister KTR: తెలంగాణ అసెంబ్లీలో 95 నుంచి 100 సీట్లతో బీఆర్ఎస్ మూడోసారి అధికారంలోకి వస్తుందని ధీమా వ్యక్తం చేసిన బీఆర్ఎస్ వర్కింగ్ ప్రెసిడెంట్, ఐటీ శాఖ మంత్రి కేటీఆర్ ఇతర రాష్ట్రాల్లోనూ తమ పార్టీ తన ఆధిపత్యాన్ని చాటుకుంటుందనీ, జాతీయ రాజకీయాల్లో కీలక పాత్ర పోషిస్తుందని అన్నారు. గుజరాత్ నేతలే కాదు జాతీయ రాజకీయాల్లో బీఆర్ఎస్ కూడా కీలక పాత్ర పోషిస్తుందన్నారు. తెలంగాణ కంటే మెరుగైన పనితీరు కనబరిచే రాష్ట్రాన్ని చూపించాలని రాష్ట్రంలోని విపక్షాలకు కేటీఆర్ సవాల్ విసిరారు. అలా చేస్తే తాను రాజకీయాల నుంచి తప్పుకుంటానని అన్నారు. ఫైనాన్షియల్ డిస్ట్రిక్ట్ లో క్రెడాయ్ తెలంగాణ నూతన కార్యాలయాన్ని ప్రారంభించిన అనంతరం కేటీఆర్ మాట్లాడుతూ.. 2014లో బీఆర్ఎస్ (అప్పటి టీఆర్ఎస్ ) 63 స్థానాలు గెలుచుకున్నప్పుడు ప్రజాస్వామ్యబద్ధంగా ఎన్నికైన ప్రభుత్వాన్ని గద్దె దించి తెలంగాణను విఫల ప్రయోగంగా చిత్రీకరించేందుకు కుట్రలు పన్నారని ఆరోపించారు.
ప్రతిపక్షాలకు స్పష్టత లేకపోయినా, హామీలు నెరవేర్చే మంచి ప్రభుత్వాన్ని ప్రజలు కోల్పోవాలని కోరుకుంటున్నారనీ, అధికారంలోకి రావాలని చాలా మంది తహతహలాడుతున్నారని ప్ర‌తిప‌క్షాల‌పై విమ‌ర్శ‌లు గుప్పించారు. సుపరిపాలన కొనసాగడం ముఖ్యమనీ, తెలంగాణ విజయాలను అన్ని వర్గాల ప్రజలు కోరుకుంటున్నారు. ముఖ్యమంత్రి కే చంద్రశేఖర్ రావు నాలుగేళ్లలో ప్రపంచంలోనే అతిపెద్ద ఎత్తిపోతల పథకాన్ని నిర్మించారు. దేశంలోనే అత్యధిక తలసరి ఆదాయం ఉన్న రాష్ట్రం తెలంగాణ. మహారాష్ట్ర, కర్ణాటక, ఇతర రాష్ట్రాల్లో అడుగుపెడితే తెలంగాణ సాధించిన విజయాలను ప్రజలు అర్థం చేసుకుంటారన్నారు. కొన్ని రాష్ట్రాల్లో ఒక బిల్డర్ 5 లక్షల చదరపు అడుగుల భవనాన్ని నిర్మించాలంటే అధికార, ప్రతిపక్ష పార్టీలకు చదరపు అడుగు చొప్పున కొంత కోత చెల్లించాల్సి ఉంటుంది. తెలంగాణలో అలా జరుగుతుందా? అని ప్రశ్నించారు.
Latest Videos
ఈ ఏడాది సెప్టెంబర్ నాటికి 100 శాతం మురుగునీటి శుద్ధి చేసిన తొలి నగరంగా హైదరాబాద్ అవతరిస్తుందని చెప్పారు. మెట్రో సేవలను 71 కిలోమీటర్ల నుంచి 250 కిలోమీటర్లకు పెంచుతామన్నారు. ఐటీ రంగాన్ని ద్వితీయ శ్రేణి నగరాలకు విస్తరిస్తున్నారు. ద్వితీయ శ్రేణి నగరాల్లో 50,000 ఐటీ ఉద్యోగాలు కల్పించాలని లక్ష్యంగా పెట్టుకున్నామని, ఇప్పటికే 12000 ఉద్యోగాలు ఇచ్చామని తెలిపారు. "సర్క్యులర్ ఎకానమీపై కొత్త పాలసీని తీసుకొస్తున్నాం. ఎస్టీపీల నుంచి ఉత్పత్తయ్యే శుద్ధి చేసిన నీటిని భవన నిర్మాణ కార్యకలాపాలు, ల్యాండ్ స్కేపింగ్ తదితర పనులకు వినియోగించేలా చూడడానికే ఈ నిర్ణయం తీసుకున్నామని, తెలంగాణ, ముఖ్యంగా హైదరాబాద్ ప్రయాణం ఇప్పుడే ప్రారంభమైందని" కేటీఆర్ అన్నారు. రాష్ట్ర అభివృద్ధికి ముఖ్యమంత్రి కే చంద్రశేఖర్ రావుకు ఇంకా ఎన్నో ప్రణాళికలు ఉన్నాయన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి