బీజేపీ తెలంగాణ రాష్ట్ర కార్యాలయం ముందు రెండు రోజులుగా పార్క్ చేసిన నానో కారుపై అనుమానంతో ఆ పార్టీ నేతలు పోలీసులకు ఫిర్యాదు చేశారు. ఈ కారు మహారాష్ట్ర రిజిస్ట్రేషన్ తో ఉంది.
హైదరాబాద్: బీజేపీ తెలంగాణ రాష్ట్ర కార్యాలయం ముందు రెండు రోజులుగా పార్క్ చేసిన నానో కారుపై అనుమానంతో ఆ పార్టీ నేతలు పోలీసులకు ఫిర్యాదు చేశారు. ఈ నానో కారు మహారాష్ట్ర రిజిస్ట్రేషన్ తో ఉంది. రెండు రోజులుగా బీజేపీ కార్యాలయం వద్దే ఈ కారు పార్క్ చేసి ఉండడంతో అనుమానంతో బీజేపీ శ్రేణులు ఆబిడ్స్ పోలీసులకు సమాచారం ఇచ్చారు. కారులో పెద్ద సూట్ కేసు లభ్యమైంది. ఈ సూట్ కేసు డాగ్ స్క్వాడ్ బృందం పరిశీలిస్తుందని ప్రముఖ తెలుగు న్యూస్ చానెల్ ఎన్టీవీ కథనం ప్రసారం చేసింది. కారు లోపల కూడ డాగ్ స్క్వాడ్ బృందం పరిశీలించనుంది. అయితే కారు తాళం వేసి ఉన్నందున ఈ కారు తాళం పగులగొట్టి కారు లోపల తనిఖీలు చేయనున్నారు పోలీసు సిబ్బంది.