మునుగోడులో త్రిముఖ పోటీ.. 2023 అసెంబ్లీ ఎన్నికలను ప్రభావితం చేయనుందా?
By Mahesh Rajamoni | First Published Oct 18, 2022, 2:25 PM ISTMunugodu by-election: మునుగోడు ఉప ఎన్నికలో విజయం సాధించేందుకు అన్ని ప్రధాన రాజకీయ పార్టీలు తమ తమ అభ్యర్థులతో పోటీలో ఉన్నాయి. గెలుపు కోసం అన్ని ర‌కాల ప్ర‌య‌త్నాలుచేస్తున్నాయి. అయితే, మునుగోడులో ఉన్న త్రిముఖ పోటీ.. 2023 అసెంబ్లీ ఎన్నికలను ప్రభావితం చేయనుందా? భ‌విష్య‌త్తు రాజ‌కీయాల‌పై ఎలాంటి ప్ర‌భావం చూప‌బోతున్న‌ది?
2023 Assembly polls: తెలంగాణ రాజకీయాలు గత కొన్ని నెల‌లుగా దేశం దృష్టిని ఆక‌ర్షిస్తున్నాయి. ఉప ఎన్నిక కావ‌చ్చు.. సాధార‌ణ ఎన్నికల కావ‌చ్చు అది ఏదైనా రాష్ట్రంలో పొలిటిక‌ల్ హీట్ ముదురుతూనే ఉంది. రాజకీయ యుద్ధం కొత్త కొణాల‌ను బ‌య‌ట‌కు తీస్తోంది. ప్ర‌స్తుతం మునుగోడు ఉప ఎన్నిక.. కేవలం ఒక్క సీటే అయినా.. రాష్ట్రంలోని ప్రధాన పార్టీలు ఆ స్థానాన్ని కైవ‌సం చేసుకోవ‌డానికి వ్యూహ‌ర‌చ‌న‌ల‌తో ముందుకు సాగుతున్నాయి. అధికార పార్టీ టీఆర్ఎస్, ప్రతిపక్ష కాంగ్రెస్, బీజేపీలు నువ్వా-నేనా అనే విధంగా విమ‌ర్శ‌లు ఆరోప‌ణ‌లు గుప్పించుకుంటున్నాయి. ఒక్క సీటు కోసం రాజకీయ పార్టీలు ఈ స్ఠాయిలో ర‌ణ‌రంగాన్ని ఎందుకు సృష్టిస్తున్నాయి? మునుగోడులో ఉన్న త్రిముఖ పోటీ.. 2023 అసెంబ్లీ ఎన్నికలను ప్రభావితం చేయనుందా? భ‌విష్య‌త్తు రాజ‌కీయాల‌పై ఎలాంటి ప్ర‌భావం చూప‌బోతున్న‌ది? అనే ప్ర‌శ్న‌లు స్తున్నాయి. అయితే, ప్ర‌స్తుతం రాష్ట్రంలో కొన‌సాగుతున్న రాజకీయ ప‌రిణామాలు, భ‌విష్య‌త్తు అంచ‌నాలు గ‌మ‌నిస్తే... మునుగోడు ఉప ఎన్నిక రానున్న 2023 తెలంగాణ అసెంబ్లీ ఎన్నిక‌ల‌పై ప్ర‌భావం మాత్రం చూడం ఖాయం.
న‌వంబ‌ర్ 3న మునుగోడు ఉప ఎన్నికల పోలింగ్ జ‌ర‌గ‌నుంది. రాష్ట్రంలో వచ్చే ఏడాది అసెంబ్లీ ఎన్నికలకు ముందు దీని ఫలితం కీలకం కానుంది. ఈ ఉప ఎన్నిక మూడు ప్రధాన పోటీదారులైన తెలంగాణ రాష్ట్ర సమితి, ప్రతిపక్ష పార్టీలైన కాంగ్రెస్, భారతీయ జన పార్టీలకు ప్రతిష్టాత్మక పోరు. కాంగ్రెస్‌ను వీడి కాషాయ గూటికి చేరిన చేరిన కోమటిరెడ్డి రాజగోపాల్‌రెడ్డి రాజీనామా చేయడంతో ఆ అసెంబ్లీ స్థానం ఖాళీ అయింది. ఉపఎన్నికల్లో విజయం 2023 పోరుకు ముందు మానసిక ప్రయోజనాన్ని ఇస్తుందని భావిస్తున్నందున, అన్ని పార్టీలు గెలుపు అన్ని విధాలుగా ప్ర‌య‌త్నాలు చేస్తున్నాయి. గత రెండేళ్లలో దుబ్బాక, హుజూరాబాద్‌లలో గెలుపొందిన బీజేపీ ఉప ఎన్నికల్లో హ్యాట్రిక్ విజయాలు సాధించాలని చూస్తోంది. హుజూర్‌నగర్‌ నుంచి గెలిచి నాగార్జునసాగర్‌ను నిలుపుకున్న అధికార పార్టీ కాషాయపు ఉప్పెనను అడ్డుకోవడానికి ఏ మాత్రం పట్టు వదలడం లేదు. ఇక 2018 ఎన్నికల తర్వాత తొలి ఉపఎన్నిక విజయాన్ని నమోదు చేసేందుకు మునుగోడును నిలబెట్టుకోవాలని కాంగ్రెస్ తహతహలాడుతోంది.
Latest Videos
undefined
2014 ఎన్నికల్లో గెలిచి 2018లో రాజగోపాల్ రెడ్డి చేతిలో ఓడిపోయిన కె ప్రభాకర్ రెడ్డిని బ‌రిలోకి దింపింది. కాంగ్రెస్ మహిళను రంగంలోకి దింపింది. పాల్వాయి స్రవంతి మాజీ ఎంపీ పాల్వాయి గోవర్ధన్ రెడ్డి కుమార్తె కాంగ్రెస్ నుంచి పోటీ చేస్తున్నారు. ఇక బీజేపీ నుంచి రాజగోపాల్ రెడ్డి పోటీ ప‌డుతున్నారు. సోమవారంతో నామినేషన్ల ఉపసంహరణ గడువు ముగియడంతో మొత్తం 47 మంది అభ్యర్థులు బరిలో నిలిచారు. 130 మంది అభ్యర్థులు తమ నామినేషన్లు దాఖలు చేయగా అందులో 47 మందిని సాంకేతిక కారణాలతో ఎన్నికల అధికారి తిరస్కరించారు. మిగిలిన 83 మంది అభ్యర్థుల్లో సోమవారంతో గడువు ముగియకముందే 36 మంది తమ నామినేషన్లను ఉపసంహరించుకున్నారు. తమ నామినేషన్లను ఉపసంహరించుకున్న 36 మంది స్వతంత్ర అభ్యర్థులుగా తమ పత్రాలను దాఖలు చేశారు. మూడు ప్రధాన రాజకీయ పార్టీల అభ్యర్థులతో పాటు 11 చిన్న పార్టీల నుంచి పోటీలో ఉన్నారు. ప్ర‌భావం చూపే అంచ‌నాలున్న ఇతర పార్టీలలో తెలంగాణ జన సమితి (TJS), బహుజన్ సమాజ్ పార్టీ (BSP) ఉన్నాయి.
మిగిలిన వారు స్వతంత్రులు. వీరిలో ఉస్మానియా యూనివర్సిటీకి చెందిన కొందరు నిరుద్యోగ విద్యార్థులు, చెర్లగూడెం రిజర్వాయర్ కారణంగా నిర్వాసితులైన వారు కూడా ఉన్నారు. అలాగే, క్రైస్తవ మత ప్రచారకుడు, ప్రజాశాంతి పార్టీ వ్యవస్థాపకుడు కేఏ పాల్ కూడా స్వతంత్ర అభ్యర్థిగా పోటీ చేస్తున్నారు. మాజీ మావోయిస్టు సిద్ధాంతకర్త, విప్లవ బల్లధీరుడు గద్దర్ తమ పార్టీ అభ్యర్థిగా ఉంటారని గతంలో ఆయన ప్రకటించినప్పటికీ, రెండో అభ్యర్థిని తిరస్కరించినట్లు సమాచారం. ఇదిలావుండగా, అధిక సంఖ్యలో అభ్యర్థులు ఉన్నందున ప్రతి పోలింగ్ బూత్‌లో మూడు ఎలక్ట్రానిక్ ఓటింగ్ మిషన్లు (ఈవీఎంలు) ఉపయోగించాల్సి ఉంటుందని పోల్ అధికారులు తెలిపారు. ఒక్కో ఈవీఎం లేదా బ్యాలెట్ యూనిట్‌లో కేవలం 16 మంది అభ్యర్థులు మాత్రమే కూర్చునే అవకాశం ఉన్నందున అధికారులు మూడు ఈవీఎంలను అమర్చాల్సి ఉంటుంది. అయితే, మొత్తంగా మునుగోడు ఉప ఎన్నిక గెలుపుతో 2023 అసెంబ్లీ ఎన్నికలకు దూకుడుగా ముందుకు సాగాల‌ని అన్ని ప్రధాన పార్టీలు భావిస్తున్నాయి. ఈ గెలుపు పార్టీ శ్రేణుల‌ను ఉత్సాహంగా ముందుకు న‌డిపేలా ఉండ‌టంతో పాటు టీఆర్ఎస్, కాంగ్రెస్ పార్టీలకు జ‌లక్ ఇచ్చే సొంత నాయ‌కుల‌ను క‌ట్టేప‌డేసేందుకు కూడా మునుగోడును గెలుపు ఉప‌యోగ‌ప‌డుతుందని భావిస్తున్న ప‌రిస్థితులు ఉన్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి