హైద్రాబాద్ ఫిలింనగర్‌లో దారుణం: వివాహిత కిడ్నాప్‌‌నకు యత్నం, అడ్డుకున్న భర్త హత్య

హైద్రాబాద్ ఫిలింనగర్ లో  దారుణం చోటు చేసుకుంది.  వివాహిత భర్తపై  ఓ వ్యక్తి దాడి చేయడంతో అతను మృతి చెందాడు.

హైదరాబాద్: నగరంలోని ఫిలింనగర్ లో  ప్రేమోన్మాది  దారుణానికి పాల్పడ్డాడు.  వివాహిత భర్తను దారుణంగా హత్య చేశాడు. ఫిలింనగర్ లో  వివాహిత భర్తతో కలిసి నివసిస్తుంది.  వివాహిత  లండన్ లో చదువుకునే సమయంలో  ఓ యువకుడితో పరిచయం ఏర్పడింది. దీంతో వివాహం చేసుకోవాలని  యువతిని   వేధించాడని బాధిత కుటుంబం ఆరోపిస్తుంది.

అయితే  చదువు పూర్తైన తర్వాత వేరే యువకుడితో యువతికి వివాహం జరిగింది.అయితే  వివాహం జరిగినా కూడ తనతో రావాలని యువతిని  ఆ యువకుడు వేధించాడని బాధితురాలు ఆరోపిస్తుంది.అయితే తాను  రాలేనని ఆ యువతి తెగేసి చెప్పినట్టుగా బాధితురాలు చెబుతున్నారు.

బుధవారంనాడు ఉదయం యువతి ఇంటికి వచ్చిన యువకుడు  ఆమెను కిడ్నాప్ చేసేందుకు ఆ యువకుడు యత్నించాడని  బాధితులు ఆరోపిస్తున్నారు. ఈ సమయంలో యువతి భర్త అడ్డుకున్నాడు. యువతి భర్తపై ఆ యువకుడు దాడికి దిగాడని బాధితులు చెబుతున్నారు.ఈ దాడిలో యువతి భర్త తీవ్రంగా గాయపడి మృతి చెందాడని బాధిత కుటుంబ సభ్యులు చెబుతున్నారు. ఈ ఘటనకు పాల్పడిన యువకుడితో పాటు అతడికి సహకరించిన మరొకరిని పోలీసులు అదుపులోకి తీసుకున్నారు.