పొంగిపొర్లుతున్న వాగులువంక‌లు: తెలంగాణకు భారీ వ‌ర్ష సూచ‌న‌.. రెడ్ అల‌ర్ట్ జారీ

Hyderabad: రానున్న 24 గంటల్లో మంచిర్యాల, నిజామాబాద్ జగిత్యాల జిల్లాల్లో భారీ నుంచి అతిభారీ వర్షాలు కురిసే అవకాశం ఉందనీ, ఆదిలాబాద్, కొమురం భీం ఆసిఫాబాద్, నిర్మల్, రాజన్న సిరిసిల్ల, ములుగు, భద్రాద్రి కొత్తగూడెం, సిద్దిపేట, రంగారెడ్డి, సంగారెడ్డి, మెదక్, కామారెడ్డి జిల్లాల్లో భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. హైద‌రాబాద్ న‌గ‌రంలో భారీ వ‌ర్షాలు కురుస్తాయంటూ ఐఎండీ రెడ్ అల‌ర్ట్ ప్ర‌క‌టించింది.   

Heavy rains-IMD Red Alert: రాగల 24 గంటల్లో తెలంగాణలో విస్తారంగా వర్షాలు కురిసే అవకాశం ఉందని హైదరాబాద్ వాతావరణ కేంద్రం రెడ్ అలర్ట్ ప్రకటించింది. రాగల 24 గంటల్లో హైదరాబాద్ నగరంలో ఓ మోస్తరు నుంచి భారీ వర్షాలు కురిసే అవకాశం ఉందన్నారు. రానున్న 24 గంటల్లో హైదరాబాద్ కు ఆరెంజ్, రెడ్ అలర్ట్ జారీ చేసినట్లు హైదరాబాద్ వాతావరణ కేంద్రం డైరెక్టర్ డాక్టర్ కె.నాగరత్న తెలిపారు. హైదరాబాద్ లో ఓ మోస్తరు నుంచి భారీ వర్షాలు కురిసే అవకాశం ఉందన్నారు.

రానున్న 24 గంటల్లో మంచిర్యాల, నిజామాబాద్ జగిత్యాల జిల్లాల్లో భారీ నుంచి అతిభారీ వర్షాలు కురిసే అవకాశం ఉందనీ, ఆదిలాబాద్, కొమురం భీం ఆసిఫాబాద్, నిర్మల్, రాజన్న సిరిసిల్ల, ములుగు, భద్రాద్రి కొత్తగూడెం, సిద్దిపేట, రంగారెడ్డి, సంగారెడ్డి, మెదక్, కామారెడ్డి జిల్లాల్లో భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. తెలంగాణలోని పలు ప్రాంతాల్లో శుక్రవారం భారీ వర్షాలు కురిశాయి, ముఖ్యంగా ఉత్తర జిల్లాల్లో గోదావరి నదిలోకి భారీగా నీరు వచ్చి పలు వాగులు పొంగిపొర్లుతున్నాయి. భారీ వర్షాల నేపథ్యంలో రాష్ట్ర ప్రభుత్వం శనివారం విద్యాసంస్థలు, ప్రభుత్వ కార్యాలయాలకు సెలవులను ప్ర‌క‌టించింది. ఎలాంటి అవాంఛనీయ నష్టాలను తగ్గించడానికి అవసరమైన చర్యలు తీసుకోవాలని అన్ని జిల్లాల్లోని పరిపాలన యంత్రాంగాన్ని అప్రమత్తం చేసింది.

ప‌శ్చిమ మధ్య బంగాళాఖాతం వెంబడి దక్షిణ ఒడిశా, ఉత్తరాంధ్ర తీరంలో ఏర్పడిన అల్పపీడనం, సముద్ర మట్టానికి 7.6 కిలోమీటర్ల ఎత్తు వరకు విస్తరించిన ఉపరితల ఆవర్తనం కారణంగా తెలంగాణలో విస్తారంగా వర్షాలు కురిసే అవకాశం ఉందన్నారు. ఉత్తర చత్తీస్ గఢ్ ప్రాంతం, తూర్పు-పశ్చిమ విండ్ షీర్ జోన్ లో 20 డిగ్రీల ఉత్తర అక్షాంశంలో ఉపరితల ఆవర్తనం ఏర్పడింది. వీటి ప్రభావంతో రానున్న 24 గంటల్లో తెలంగాణలో విస్తారంగా వర్షాలు కురిసే అవకాశం ఉందనీ, పలు జిల్లాల్లో తేలికపాటి నుంచి ఒక మోస్తరు వర్షాలు కురిసే అవకాశం ఉందని, ఉత్తరాది జిల్లాల్లో ఒకటి రెండు చోట్ల 7 సెంటీమీటర్ల నుంచి 12 సెంటీమీటర్లు, 12 సెంటీమీటర్ల కంటే ఎక్కువ వర్షపాతం నమోదయ్యే అవకాశం ఉందన్నారు.

ఆదిలాబాద్, నిర్మల్, నిజామాబాద్, కొమురం భీం, మంచిర్యాల జిల్లాల్లో ఒకటి రెండు చోట్ల 12 సెంటీమీటర్ల నుంచి 20 సెంటీమీటర్లు లేదా 20 సెంటీమీటర్ల కంటే ఎక్కువ వర్షపాతం నమోదయ్యే అవకాశం ఉంది. జగిత్యాల, కరీంనగర్, పెద్దపల్లి, దాని అనుబంధ జిల్లాల్లో భారీ నుంచి అతి భారీ వర్షాలు కురిసే అవకాశం ఉందని, తేలికపాటి నుంచి ఓ మోస్తరు వర్షాలు కురిసే అవకాశం ఉందన్నారు.