హైదరాబాద్ కు భారీ వర్ష సూచ‌న.. ఐఎండీ ఎల్లో అలర్ట్ జారీ
By Mahesh Rajamoni | First Published Jul 3, 2023, 2:44 PM ISTHyderabad: ఈ ఏడాది నైరుతి రుతుపవనాలు ఆలస్యంగా, బలహీనంగా ఉండటంతో తెలంగాణలో జూన్ నెలలో 45 శాతం లోటు (సాధారణం కంటే తక్కువ) వర్షపాతం నమోదైందని రిపోర్టులు పేర్కొంటున్నాయి. తెలంగాణ స్టేట్ డెవలప్‌మెంట్ ప్లానింగ్ సొసైటీ (TSDPS) నివేదిక ప్రకారం, జూన్ 1 నుండి ఇప్పటి వరకు రాష్ట్రవ్యాప్తంగా సగటు వర్షపాతం 144.5 మిల్లీమీటర్లకు గాను 79 మిల్లీమీటర్లు అంటే మైనస్ 45 శాతం తేడా నమోదైంది.
Heavy rains Alert: హైదరాబాద్ లో మంగ‌ళ‌వార నుంచి రెండు రోజుల పాటు భారీ వర్షాలు కురుస్తాయ‌ని భార‌త వాతావరణ శాఖ (ఐఎండీ) అంచ‌నా వేసింది. ఈ నెల 4, 5 తేదీల్లో భారీ వర్షాలు కురిసే అవకాశం ఉందని పేర్కొంటూ.. హైదరాబాద్ కు వాతావరణ శాఖ కూడా ఎల్లో అలర్ట్ జారీ చేసింది. హైదరాబాద్ లోని చార్మినార్, ఖైరతాబాద్, కూకట్ పల్లి, ఎల్బీనగర్, సికింద్రాబాద్, శేరిలింగంపల్లి జోన్లలో ఆకాశం మేఘావృతమై ఉంటుందని తెలిపింది. దీనికితోడు నగరంలో సాయంత్రం లేదా రాత్రి వేళల్లో ఓ మోస్తరు నుంచి భారీ వర్షాలు కురిసే అవకాశం ఉందని వాతావరణ శాఖ తెలిపింది.
కాగా, గడిచిన 24 గంటల్లో వికారాబాద్ లో అత్యధికంగా 163.3 మిల్లీమీటర్ల వర్షపాతం నమోదైంది. హైదరాబాద్ లోని జూబ్లీహిల్స్ లో అత్యధికంగా 28.5 మిల్లీమీటర్ల వర్షపాతం నమోదైనట్లు తెలంగాణ స్టేట్ డెవలప్ మెంట్ ప్లానింగ్ సొసైటీ (టీఎస్ డీపీఎస్ ) తెలిపింది. నిన్న హైదరాబాద్ తో పాటు రాష్ట్రంలోని పలు జిల్లాల్లో ఉష్ణోగ్రతలు తగ్గుముఖం పట్టాయి. చాలా జిల్లాల్లో గరిష్ఠ ఉష్ణోగ్రత 35 డిగ్రీల సెల్సియస్ కంటే దిగువకు పడిపోయింది. హైదరాబాద్లో గరిష్ఠ ఉష్ణోగ్రతలు 33.1 డిగ్రీలు, కనిష్ఠ ఉష్ణోగ్రతలు 22.7 డిగ్రీలకు చేరుకున్నాయి. ఐఎండీ హైదరాబాద్, టీఎస్ డీపీఎస్ చేసిన అంచనాలను పరిగణనలోకి తీసుకుని ప్రజలు తగిన జాగ్రత్తలు తీసుకోవాలని, తదనుగుణంగా తమ ప్రయాణాన్ని ప్లాన్ చేసుకోవాలని సూచించారు.
Latest Videos
undefined
లోటు వర్షపాతం..
ఇదిలావుండ‌గా, ఈ ఏడాది నైరుతి రుతుపవనాలు ఆలస్యంగా, బలహీనంగా ఉండటంతో తెలంగాణలో జూన్ నెలలో 45 శాతం లోటు (సాధారణం కంటే తక్కువ) వర్షపాతం నమోదైందని రిపోర్టులు పేర్కొంటున్నాయి. తెలంగాణ స్టేట్ డెవలప్‌మెంట్ ప్లానింగ్ సొసైటీ (TSDPS) నివేదిక ప్రకారం, జూన్ 1 నుండి ఇప్పటి వరకు రాష్ట్రవ్యాప్తంగా సగటు వర్షపాతం 144.5 మిల్లీమీటర్లకు గాను 79 మిల్లీమీటర్లు అంటే మైనస్ 45 శాతం తేడా నమోదైంది. రాష్ట్రంలోని 33 జిల్లాల్లో కేవలం ఏడు జిల్లాల్లో మాత్రమే సాధారణ వర్షపాతం నమోదు కాగా, మిగిలిన జిల్లాల్లో లోటు వర్షపాతం నమోదైంది.
టీఎస్‌డీపీఎస్‌ తాజా నివేదిక ప్రకారం.. జగిత్యాల, పెద్దపల్లి, జయశంకర్‌, వరంగల్‌, హనుమకొండ, కరీంనగర్‌, రాజన్న సిరిసిల్ల, ఖమ్మం, ములుగు జిల్లాల్లో జూన్‌లో అతి తక్కువ వర్షపాతం నమోదైంది. మరోవైపు నల్గొండ, వికారాబాద్, నారాయణపేట, రంగారెడ్డి, నాగర్‌కర్నూల్, సంగారెడ్డి, యాదాద్రి భువనగిరి, మెదక్ సహా ఎనిమిది జిల్లాల్లో మాత్రమే 19 శాతం సాధారణ వర్షపాతం నమోదైంది. పెద్దపల్లిలో అత్యల్ప వర్షపాతం (-77 శాతం లోటు), నల్గొండలో గత నెలలో అత్యధికంగా (1.0 శాతం) వర్షాలు కురిశాయి.
వర్షాలు ఆలస్యమై, తక్కువగా పడిపోవడంతో రాష్ట్రంలో పగటి ఉష్ణోగ్రతలు కూడా పెరిగాయి. అయితే, వికారాబాద్‌లోని దౌల్తాబాద్‌లో అత్యధిక వర్షపాతం నమోదైన ఆదివారం రాష్ట్రంలో మోస్తరు వర్షాలు కురిశాయి. టీఎస్‌డీపీఎస్‌ నివేదిక ప్రకారం హైదరాబాద్, జూబ్లీహిల్స్‌లో అత్యధిక వర్షపాతం నమోదైంది. రాష్ట్రంలో వర్షాభావ పరిస్థితులు నెలకొనడంతో రాష్ట్రంలో కరువు పరిస్థితులు తలెత్తకుండా కృష్ణా, గోదావరి నదుల నుంచి నీటిని ఎత్తిపోసేలా చర్యలు తీసుకోవాలని ముఖ్యమంత్రి కేసీఆర్ సంబంధిత అధికారులను ఆదివారం ఆదేశించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి