హైదరాబాద్ లో దారుణం... రోడ్డుపక్కన పార్కింగ్ చేసిన కారులో మృతదేహం
By Arun Kumar P | First Published Jun 5, 2022, 2:32 PM ISTతెెలంగాణ రాజధాని హైదరాబాద్ మహానగరంలో మరో ఘోరం వెలుగుచూసింది. రోడ్డుపక్కన పాార్క్ చేసిన కారులో కుళ్లిన స్థితిలో మృతదేహం లభించింది.
హైదరాబాద్: రోడ్డుపక్కన పార్క్ చేసిన కారులో కుళ్లిపోయిన స్థితిలో మృతదేహం తెలంగాణ రాజధాని హైదరాబాద్ నగరంలో కలకలం రేపుతోంది. చాలారోజులుగా నిలిపివుంచిన కారులోంచి దుర్వాసన రావడంతో పారిశుద్ద్య కార్మికులు చూడగా కుళ్లిన స్థితిలో మృతదేహం కనిపించింది.
వివరాల్లోకి వెళితే.... సికింద్రాబాద్ కంటోన్మెంట్ పరిధిలోకి తిరుమలగిరిలోని లాల్ బజార్ శ్రీనగర్ కాలనీలో పారిశుధ్ద్య కార్మికులు రోడ్డును శుభ్రం చేస్తున్నారు. ఈ క్రమంలోనే స్థానిక్ విద్యుత్ సబ్ స్టేషన్ వద్ద పార్క్ చేసిన ఓ కారులోంచి దుర్వాసన వస్తుండటంతో అనుమానం వచ్చి చూడగా పూర్తిగా కుళ్ళిన స్థితిలో మృతదేహం కనిపించింది. దీంతో భయాందోళనకు గురయిన వారు పోలీసులకు సమాచారమిచ్చారు.
Latest Videos
undefined
వెంటనే స్థానిక పోలీసులు అక్కడికి చేరుకున మృతదేహాన్ని పోస్టుమార్టం నిమిత్తం దగ్గర్లోని గాంధీ హాస్పిటల్ కు తరలించారు. కారులో వున్నది పురుషుడి మృతదేహాంగా పోలీసులు గుర్తించారు. ఎవరైనా హత్యచేసి మృతదేహాన్ని ఇలా కారులో వదిలివెళ్లారా లేక ఆత్మహత్య చేసుకున్నారా లేక సాధారణ మరణించారా అన్నది పోలీసుల విచారణలో తేలనుంది. కేసు నమోదు చేసుకుని దర్యాప్తు చేస్తున్నామని... కారు వివరాల ఆదారంగా మృతుడిని గుర్తించే ప్రయత్నం చేస్తున్నట్లు పోలీసులు తెలిపారు.
ఇదిలావుంటే ఇదే సికింద్రాబాద్ తిరుమలగిరిలో గతేడాది ఇలాగే కారులో ఓ రియల్ ఎస్టేట్ వ్యాపారి శవం కలకలం రేపింది. రియల్‌ఏస్టేట్ వ్యాపారి విజయభాస్కర్ రెడ్డిగా ఇంట్లోంచి బయటకు వెళ్లి తిరిగి కారులో శవంగా కనిపించాడు. ఈ ఘటన అప్పట్లో కలకలం రేపగా తాజాగా సేమ్ అలాగే కారులో మృతదేహం లభించడం మరోసారి కలకలం రేపింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి