ఇతరుల జోక్యం సహించం: కోమటిరెడ్డి ఇష్యూపై క్రమశిక్షణ సంఘం

ఎమ్మెల్సీ కోమటిరెడ్డి రాజగోపాల్‌ రెడ్డి సమాధానం కోసం వేచి చూడాలని కాంగ్రెస్ పార్టీ క్రమశిక్షణ సంఘం అభిప్రాయపడింది.

హైదరాబాద్:  ఎమ్మెల్సీ కోమటిరెడ్డి రాజగోపాల్‌ రెడ్డి సమాధానం కోసం వేచి చూడాలని కాంగ్రెస్ పార్టీ క్రమశిక్షణ సంఘం అభిప్రాయపడింది.కోమటిరెడ్డి రాజగోపాల్ రెడ్డికి జారీ చేసిన రెండో షోకాజ్ నోటీసుపై గడువు ముగిసినా కూడ రాజగోపాల్ రెడ్డి సమాధానం ఇవ్వలేదు.

ఎమ్మెల్సీ కోమటిరెడ్డి రాజగోపాల్ రెడ్డి వ్యవహారంలో రెండో షోకాజ్ నోటీసును  కాంగ్రెస్ పార్టీ క్రమశిక్షణ సంఘం జారీ చేసింది. మంగళవారం నాడు సాయంత్రానికి 24 గంటల గడువు ముగిసింది.

అయితే  ఈ గడువు ముగిసినా కూడ రాజగోపాల్ రెడ్డి క్రమశిక్షణ సంఘానికి  వివరణ ఇవ్వలేదు. అయితే  తమ సమీప బంధవులు మరణించడంతో  క్రమశిక్షణ సంఘానికి  రాజగోపాల్ రెడ్డి వివరణ ఇవ్వలేకపోయారని కుటుంబసభ్యులు క్రమశిక్షణ సంఘానికి సమాచారాన్ని ఇచ్చారు.

ఈ విషయాలపై కాంగ్రెస్ పార్టీ క్రమశిక్షణ సంఘం బుధవారం నాడు మధ్యాహ్నం చర్చించింది.  కాంగ్రెస్ పార్టీ క్రమశిక్షణ కమిటీ వ్యవహరాల్లో ఇతరులు తలదూర్చకూడదని సమావేశం అభిప్రాయపడింది.ఇతరుల జోక్యాన్ని కమిటీ సహించబోమని కమిటీ తేల్చి చెప్పింది.

ఎవరైనా కమిటీ ముందు వచ్చి వివరణ ఇవ్వాల్సిందేనని కమిటీ అభిప్రాయపడింది. రాజగోపాల్ రెడ్డి  విషయంలో ఆయన సమాధానం కోసం ఎదురు చూడాలని కమిటీ నిర్ణయం తీసుకొంది.

సంబంధిత వార్తలు