హైద్రాబాద్‌లో టైర్ బ్లాస్ట్‌తో అదుపు తప్పి లారీని ఢీకొన్న కారు: గాయాలు
By narsimha lode | First Published Jul 26, 2023, 2:44 PM ISTహైద్రాబాద్ నగరంలోని మైలార్ దేవ్ పల్లిలో రోడ్డు ప్రమాదం చోటు చేసుకుంది.
హైదరాబాద్: నగరంలోని మైలార్‌దేవ్ పల్లి వద్ద రోడ్డు ప్రమాదం జరిగింది. ఆల్టో కారు టైర్ పేలింది. దీంతో కారు అదుపు తప్పి కుడి వైపు నుండి వెళ్తున్న లారీ ముందుకు కారు వెళ్లింది. ఆకస్మాత్తుగా కారు ఎదురు రావడంతో లారీని డ్రైవర్ అదుపు చేయలేకపోయాడు. దీంతో కారును లారీ కొద్దిదూరం రోడ్డుపై ఈడ్చుకెళ్లింది. దీంతో కారులోని ప్రయాణీకులు స్వల్పంగా గాయపడ్డారు. గాయపడిన వారిని స్థానికంగా ఉన్న ఆసుపత్రికి తరలించారు.
కారు టైర్ పేలి యాక్సిడెంట్.. తప్పిన భారీ ప్రమాదం.. (సీసీ ఫుటేజీ)
హైదరాబాద్ - మైలార్ దేవ్‌పల్లి పరిధిలోని దుర్గానగర్లో ఆల్టో కారు టైర్ ఒక్కసారిగా పేలడంతో పక్కన వెళుతున్న లారీని ఢీకొట్టింది. కారును లారీ ఈడ్చుకుంటూ వెళ్లడంతో కారులో ప్రయాణిస్తున్న వ్యక్తులకు తీవ్రగాయాలయ్యాయి. pic.twitter.com/vbkb5wcB1b
Latest Videos
దుర్గానగర్ నుండి చాంద్రాయణ్ గుట్ట వైపు వెళ్తున్న కారు టైర్ పేలడంతో ఈ ఘటన చోటు చేసుకుంది. కారులో ప్రయాణీస్తున్న వారంతా స్వల్పగాయాలతో బయటపడడంతో అంతా ఊపిరి పీల్చుకున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి