పెళ్లైతే మతిమరుపు గ్యారెంటీ! కారణమేంటో తెలుసా?

భద్రం బీ కేర్ ఫుల్ బ్రదరూ.. భర్తగ మారకు బ్యాచిలరూ.. సోలో బ్రతుకే సో బెటరూ అన్నాడో కవి. వినిపించుకుంటేగా.. అందరూ పెళ్లి చేసుకుంటున్నారు. మరి పెళ్లి చేసుకోకుండా బ్యాచిలర్గా ఉండిపోతే ఏంటి ప్రయోజనం అంటారా? పెళ్లైన వాళ్లతో పోలిస్తే మతిమరుపు తొందరగా రాదట. అదేంటి అంటారా.. అయితే వినుకోండి.

మతిమరుపు ప్రమాదం : పెళ్లి చేసుకున్నప్పుడు, జంటలు సుఖదుఃఖాలు పంచుకోవడానికి ప్రమాణం చేసుకుంటారు. ఒకరినొకరు సంతోషంగా ఉంచుకుంటామని మాట ఇస్తారు. ఇప్పటివరకు జరిగిన పరిశోధనల ప్రకారం పెళ్లయినవాళ్లు ఒంటరి వాళ్లకన్నా ఆరోగ్యంగా, సంతోషంగా ఉంటారని తేలింది. అంతేకాదు, వాళ్లకి వ్యాధులు సులభంగా రావని కూడా చెప్పారు. కానీ ఇటీవల జరిగిన ఓ అధ్యయనంలో పెళ్లయిన జంటలకి ఒంటరి వాళ్లకన్నా మతిమరుపు వచ్చే ప్రమాదం ఎక్కువగా ఉందని తేలింది. ఈ ప్రమాదం 50% వరకు పెరుగుతుందట.

ఒంటరిగా ఉన్నవాళ్లు, విడాకులు తీసుకున్నవాళ్లు, భార్య/భర్త చనిపోయిన వాళ్లలో మతిమరుపు ప్రమాదం 50% తక్కువగా ఉంటుందని, పెళ్లయిన వాళ్లలో అదే ప్రమాదం ఎక్కువగా ఉంటుందని ఓ అధ్యయనంలో తేలింది. ఈ అధ్యయనం 24,000 మందిపై జరిగింది.

మతిమరుపు అంటే ఏమిటి? :

మతిమరుపు అనేది మెదడుకి సంబంధించిన వ్యాధి. దీనివల్ల జ్ఞాపకశక్తి తగ్గిపోతుంది. ఇంటికి దారి గుర్తుండదు. వస్తువులు ఎక్కడ పెట్టామో మరిచిపోతారు. భ్రమలు కలుగుతాయి. నిర్ణయాలు తీసుకోలేరు. భారతదేశంలో 40 లక్షలకు పైగా ప్రజలు ఈ వ్యాధితో బాధపడుతున్నారు.

పెళ్లయిన వాళ్లలో ఈ ప్రమాదం ఎందుకు ఎక్కువ?

పెళ్లయిన జంటలు ఒకరి ఆరోగ్యాన్ని ఒకరు చూసుకుంటూ ఉంటారు. కలిసి ఉండటం వల్ల లక్షణాలు కనిపిస్తాయి. కానీ ఒంటరి వాళ్లు ఆరోగ్య పరీక్షలు చేయించుకోరు. వాళ్ల ప్రవర్తనలో వచ్చే మార్పులను ఎవరూ గమనించలేరు. అందుకే పెళ్లయిన వాళ్లలో మతిమరుపు ప్రమాదం ఎక్కువ.

పెళ్లయిన వాళ్లు సామాజికంగా ఉండరు

ఒంటరి వాళ్లు పార్టీలు చేసుకుంటారు, స్నేహితులతో తిరుగుతారు, వారాంతాలు ఎంజాయ్ చేస్తారు. కానీ పెళ్లయిన జంటలు అంత సామాజికంగా ఉండరు. వాళ్లు కుటుంబంలోనే మునిగిపోతారు. సెలవుల్లో కూడా కుటుంబంతోనే ఉంటారు. ప్రజలతో కలవకపోవడం వల్ల వాళ్ల మెదడు ఆరోగ్యంగా ఉండదు. దీనివల్ల వాళ్లకి త్వరగా మతిమరుపు వస్తుంది.

సంతోషంగా లేని జంటలకి ఇబ్బందులు

పెళ్లయినా సంతోషంగా లేని, ఒకరినొకరు గౌరవించుకోని, ఎప్పుడూ గొడవపడే, టెన్షన్‌లో ఉండే జంటలు ఇతర జంటలకన్నా త్వరగా అనారోగ్యానికి గురవుతారు. సంబంధంలో ఉండే ఒత్తిడి వల్ల చాలా వ్యాధులు వస్తాయి. దీనివల్ల వాళ్లకి మతిమరుపు వచ్చే ప్రమాదం కూడా ఉంది. ఒంటరి వాళ్లు టెన్షన్ లేకుండా ఉంటారు. వాళ్ల మానసిక ఆరోగ్యం బాగుంటుంది.