శృంగారానికి నిరాకరించిందని భార్యను చంపిన భర్త.. పదేళ్ల కఠిన కారాగార శిక్ష విధించిన చెన్నై కోర్టు

శృంగారానికి నిరాకరించిందని తమిళనాడుకు చెందిన ఓ భర్త భార్యను హతమార్చాడు. అయితే భార్య రెచ్చగొట్టడం వల్లే ఇది జరిగిందని, ముందస్తు ప్రణాళికలో భాగంగా జరగలేదని కోర్టు భావించింది. దీంతో అతడికి పదేళ్ల కఠిన కారాగార జైలు శిక్షను విధించింది. 

శృంగారానికి నిరాకరించిందని భార్యను భర్త హత్య చేశాడు. అయితే భార్య రెచ్చగొట్టడం వల్లే భర్త అలాంటి దుశ్చర్యకు పాల్పడ్డాడని కోర్టు భావించింది. దీంతో అతడు జీవిత ఖైదు నుంచి తప్పించుకున్నాడు. కానీ పదేళ్ల కఠిన కారాగార శిక్ష, రూ.5 వేల జరిమానా విధిస్తూ చెన్నై కోర్టు తీర్పు వెలువరించిందని ‘టైమ్స్ ఆఫ్ ఇండియా’ నివేదించింది. నిందితుడి తన భార్య అమ్ముతో సెక్స్ లో శ్రీనివాసన్ (34) పాల్గొనాలని భావించినప్పుడు ఆమె దానిని తిరస్కరించిందని, వివాహేతర సంబంధం ఉన్న వ్యక్తితో మాత్రమే పాల్గొంటానని అతడికి చెప్పిందని కోర్టు భావించింది. 

‘‘లైంగిక సంపర్కానికి నిరాకరించడం, వేరే వ్యక్తితో మాత్రమే పాల్గొంటానని చెప్పి రెచ్చగొట్టడం వల్లే, నిందితుడు భార్యను కిందకు తోసేసి, కత్తితో పొడిచాడని చెప్పడానికి ఈ కోర్టుకు ఎలాంటి సంకోచం లేదు.’’ అని మహిళా కోర్టు న్యాయమూర్తి మహ్మద్ ఫరూక్ బుధవారం వ్యాఖ్యానించారు. డిఫెన్స్ వాదనను అంగీకరించిన న్యాయమూర్తి.. శ్రీనివాసన్ చేసింది ఐపీసీలోని హత్య (సెక్షన్ 304 పార్ట్ 1) కింద హత్య కాదని నిర్ధారించారు. దీంతో అతడికి 10 ఏళ్ల కఠిన కారాగార శిక్ష, హత్య కేసులో కనీస శిక్షతో పాటు 5 వేల జరిమానా విధించారు.

కాగా.. ఘటన జరిగినప్పుడు ఎనిమిదేళ్ల వయసున్న శ్రీనివాసన్ 12 ఏళ్ల కుమారుడి వాంగ్మూలం అతడికి శిక్ష పడటంలో కీలక పాత్ర పోషించింది. తల్లి అమ్ముకు శరవణన్ అనే వ్యక్తితో సంబంధం ఉందనే విషయంపై బాలుడు పెద్దగా చెప్పనప్పటికీ.. 2018 ఆగస్టు 27 రాత్రి తన తండ్రి తల్లిని అన్నా నగర్ వెస్ట్ నివాసంలో కత్తితో పొడిచాడని, ఈ విషయాన్ని తాను చూశానని బాలుడు స్పష్టంగా గుర్తు చేసుకున్నాడు. అయితే హత్య అనంతరం ఎందుకో శ్రీనివాసన్ తన భార్య శరీరంపై దోమల నివారణ మందు చల్లి నిద్రపోయాడు.

ఈ ఘటనపై బాధితురాలి తల్లి పోలీసులకు ఫిర్యాదు చేసింది. దీంతో పోలీసులు అతడి కోసం వచ్చారు. అయితే నిందితుడితో వారితో ఎలాంటి వాగ్వాదం పెట్టుకోకుండా సైలెంట్ గా పోలీస్ స్టేషన్ కు వెళ్లాడు. కాగా..  శ్రీనివాసన్ తన భార్యను హత్య చేయడానికి ఎలాంటి ముందస్తు ప్లాన్ చేయలేదని, ఆమె తీవ్ర రెచ్చగొట్టడం వల్లే ఈ దారుణం జరిగిందని విచారణ సందర్భంగా అతడి తరఫు న్యాయవాదులు వాదించారు. భార్య రెచ్చగొట్టడంతో కోపంతో ఆమెను కత్తితో పొడిచి చంపాడని, దీంతో ఆమె మృతి చెందిందని వారు తెలిపారు. వీరి వాదనను కోర్టు అంగీకరించింది.

అమ్ము, శ్రీనివాసన్ కు 2008లో వివాహం అయ్యింది. అయితే అమ్ము శరవణన్ ను వ్యక్తితో వివాహేతర సంబంధం పెట్టుకున్నాడని శ్రీనివాసన్ అనుమానించాడు. ఇదే విషయాన్ని ప్రస్తావిస్తూ ప్రాసిక్యూషన్ వాదనలు కొనసాగించింది. శ్రీనివాసన్ అమ్ము పట్ల దురుద్దేశం పెంచుకున్నాడని, అందుకే ఇది ప్రణాళికాబద్ధంగా జరిగిన హత్య అని పేర్కొంది. ఐపీసీ సెక్షన్ 302 కింద శ్రీనివాసన్ పై హత్య, సెక్షన్ 498ఏ క్రూరత్వం కింద ఛత్రం పోలీసులు కేసు నమోదు చేశారు. అయితే శ్రీనివాసన్ పై వచ్చిన క్రూరత్వ ఆరోపణలను న్యాయమూర్తి తోసిపుచ్చారు. బాలుడికి జరిగిన వేదనకు, తల్లిని కోల్పోయినందుకు తగిన నష్టపరిహారం చెల్లించాలని ప్రభుత్వాన్ని ఆదేశించారు.