కొత్త జంటకు భయంకర అనుభవం.. పోస్ట్ వెడ్డింగ్ షూట్ చేస్తుండగా ఆగ్రహంతో గందరగోళం చేసిన ఏనుగు.. వీడియో వైరల్

ఓ కొత్త జంట పోస్ట్ వెడ్డింగ్ షూట్ చేసుకునేందుకు కేరళలోని ప్రసిద్ధ ఆలయానికి వెళ్లింది. ఫొటో గ్రాఫర్ ఫొటోలు తీయడం మొదలు పెట్టగానే అక్కడే ఉన్న ఏనుగు రెచ్చిపోయింది. ఆ ప్రాంతమంతా గందరగోళం సృష్టించింది.

పెళ్లంటే ఇప్పుడు ఫొటో షూట్ తప్పనిసరిగా ఉంటోంది. ప్రీ వెడ్డింగ్, పోస్ట్ వెడ్డింగ్ షూట్ అంటూ ఇలా కొత్త జంటలు తమ మధుర స్మృతులను కెమెరాల్లో బంధించుకుంటోంది. దీని కోసం ఆహ్లాదకరైమన, అందమైన ప్రదేశాలను ఎంచుకుంటోంది. అయితే ఓ జంట ఆలయ ప్రాంగణంలో పోస్ట్ వెడ్డింగ్ షూట్ చేయాలని భావించింది. ప్లాన్ ప్రకారమే అంతా సిద్ధమయ్యింది. కానీ షూట్ నిర్వహిస్తున్న సమయంలో ఆ జంటకు ఓ భయంకరమైన అనుభవం ఎదురైంది.

కేరళలోని గురువాయూర్ ఆలయాన్ని ఓ కొత్తగా పెళ్లయిన జంట సందర్శింది. ఈ సమయంలో వీడియో, ఫొటో షూట్ నిర్వహించాలని భావించింది. అయితే షూట్ ప్రారంభమైన తరువాత అక్కడ ఓ ఏనుగు నిలబడి ఉంది. ఆ ఫొటోగ్రాఫర్ ఏనుగును కూడా ఫ్రేమ్ లోకి తీసుకొచ్చేందుకు ప్రయత్నించారు. అయితే ఏనుగు ఒక్క సారిగా ఆగ్రహంతో రెచ్చిపోయింది. ఆ ప్రాంతమంతా గందరగోళం సృష్టించింది. దీంతో ఆ జంట పరిగెత్తుకుంటూ అక్కడి నుంచి తప్పించుకుంది. ఆలయ ముఖద్వారం దగ్గర ఉన్న భక్తులు కూడా పరుగులు పెట్టారు. 

ఏనుగు తన తొండాన్ని ఉపయోగించి అటుగా వెళ్తున్న ఓ మనిసి లాగేసి కిందపేడేసింది. కానీ అతడు వెంటనే లేచి తప్పించుకున్నాడు. అతడి పట్టబట్టలు కూడా అక్కడే పడిపోయాయి. అయితే ఏనుగుపై కూర్చున్న మావటి దానిని నియత్రించాడు. దీనికి సంబంధించిన వీడియో ఇప్పుడు సోషల్ మీడియాలో వైరల్ గా మారింది.

ఈ వీడియోను వెడ్డింగ్ మోజిటో అనే ఫోటోగ్రాఫర్ ఇన్‌స్టాగ్రామ్‌లో పోస్ట్ చేశారు. ఈ ఘటన త్రిస్సూర్‌లోని గురువాయూర్ నవంబర్ 10న జరిగిందని ‘మాతృభూమి’ కథనం నివేదించింది. ఏడు రోజుల క్రితం ఈ వీడియోను పోస్ట్ చేశారు. ఇప్పటి వరకు ఈ క్లిప్ ను 1,200 కంటే ఎక్కువ మంది వినియోగదారులు ఇష్టపడ్డారు.

వరుడు ఈ ఘటనను గుర్తుచేసుకున్నాడు. ఓ వీడియోలో తన అనుభవాన్ని చెప్పాడు. ‘‘ మేము ఫోటో కోసం పోజులిస్తున్నాము. అకస్మాత్తుగా అందరూ అరుస్తూ పరిగెత్తడం ప్రారంభించారు. నా భార్య కూడా నా చేయి పట్టుకొని పరిగెత్తింది’’ అని తెలిపాడు. కాగా.. ఈ జంట ఫొటో షూట్ నిర్వహించిన గురువాయూర్ దేవాలయం హిందూ వివాహ ఆచారాలకు చాలా ప్రసిద్ధి చెందింది.

ఇదిలా ఉండగా.. కొన్ని నెలల క్రితం కేరళలోని కొల్లాం అటవీ ప్రాంతంలో ఓ వ్యక్తిని అడవి ఏనుగులు తొక్కి చంపిన సంగతి తెలిసిందే. 50 ఏళ్ల మధ్య వయసున్న వ్యక్తి దట్టమైన అడవి గుండా వెళ్లే రోడ్డుపై నడుచుకుంటూ వెళ్తుండగా మూడు ఏనుగుల గుంపు దాడి చేసిందని పోలీసులు తెలిపారు.