స్కార్పియో వాహనంలో 18 ప్రయాణం: ఇంటర్నెట్‌లో వైరలైన వీడియో

ఒక వాహనంలో  18 మంది ప్రయాణించిన వీడియో ఒకటి  సోషల్ మీడియాలో వైరల్ గా మారింది. 

న్యూఢిల్లీ:  మహింద్రా స్కార్పియో వాహనంలో 18 మంది ప్రయాణించిన వీడియో  ఇంటర్నెట్ లో వైరల్ గా మారింది.  ఈ వీడియో సోషల్ మీడియాలో పోస్టు చేసిన  వెంటనే  వందలాది మంది ఈ వీడియోను వీక్షించారు.  ఈ నెల  4న  ఓ నెటిజన్ సోషల్ మీడియాలో  ఈ వీడియోను పోస్టు చేశారు.

స్కార్పియో వాహనం నుండి  ప్రయాణీకులు దిగుతున్న సమయంలో  వాహనంలో ఎంతమంది ప్రయాణించారో  లెక్కించడం కన్పిస్తుంది.  వాహనంలో  మొత్తం 18 మంది  ప్రయాణించినట్టుగా ఈ వీడియోలో కన్పిస్తుంది. 18 మంది ఒకే వాహనంలో ప్రయాణించడంపై అందరూ నవ్వుకున్నారు.ఓ ఫంక్షన్ కు  ఈ స్కార్పియో వాహనంలో వీరంతా  ప్రయాణించారు.

ఈ వీడియో ఆన్‌లైన్ లో పోస్టు చేసిన వెంటనే  76 వేలకు పైగా మంది వీక్షించారు.  ఈ వీడియోను షేర్ చేశారు. లైక్ చేశారు.  ఈ వీడియోపై నెటిజన్లు ఎమోజీలతో  నింపారు. భారతదేశంలో ఏదైనా సాధ్యమేనని ఒకరు వ్యాఖ్యానించారు.  భారత దేశం ప్రారంభకులకు కాదు అని మరొక నెటిజన్ పేర్కొన్నారు.