నేడే చంద్రయాన్-2: అందరి దృష్టి ఇస్రోపైనే

చంద్రయాన్ -2 ప్రయోగానికి ఇస్రో సర్వం సిద్దం చేసింది. ఈ నెల 14వ తేదీన  చంద్రయాన్-2 ప్రయోగం కోసం  అన్ని రకాల ఏర్పాట్లు చేశారు.. ఆదివారం సాయంత్రం 6:43 గంటలకు చంద్రయాన్ -2  ప్రయోగానికి కౌంట్ డౌన్ ప్రారంభమైంది.

నెల్లూరు: చంద్రయాన్-2కు కౌంట్ డౌన్ ప్రారంభమైంది. సోమవారం నాడు మధ్యాహ్నం 2:43 గంటలకు చంద్రయాన్ ను ప్రయోగించనున్నారు. చంద్రయాన్‌-2కు ఆదివారం సాయంత్రం 6:45 గంటలకు కౌంట్ డౌన్ ప్రారంభమైంది.

ఈ నెల 14వ తేదీన  చంద్రయాన్ -2 ప్రయోగం సాంకేతిక సమస్యలతో వాయిదా పడింది. ఈ ప్రయోగంలో తలెత్తిన సాంకేతిక సమస్యలను శాస్త్రవేత్తలు సరిచేశారు.  
సాంకేతిక సమస్యలను అధిగమించి చంద్రయాన్-2  ప్రయోగం కోసం  సర్వం సిద్దం చేసింది. జీఎస్ఎల్‌వీ- మార్క్3 ఎం1 నింగిలోకి వెళ్లనుంది. వాహక నౌక 3.8 టన్నుల బరువు గల చంద్రయాన్-2 ఉపగ్రహాన్ని నిర్ణీత కక్ష్యలోకి ప్రవేశపెట్టనుంది.

ప్రయోగ వేదిక సతీష్ ధావన్ ప్రయోగ కేంద్రం నండి రాకెట్‌ బయలుదేరిన తరువాత 16.13 నిమిషాలపాటు ప్రయాణించనుంది. నిర్ణీత కక్ష్యలోకి ప్రవేశించిన తర్వాత చంద్రయాన్ -2 రాకెట్ నుండి విడిపోతుంది. క్రయోజనిక్ ఇంజన్ లో సాంకేతిక లోపంతో  ఈ నెల 14వ తేదీన ప్రయోగం వాయిదా పడింది.

చంద్రుడిపై క్లిష్టమైన సాఫ్ట్‌ ల్యాండింగ్‌ కోసం చేస్తున్న మొదటి ప్రయత్నం ఇది. ఆర్బిటర్ నుండి ల్యాండర్, రోవర్ విడిపోయిన తర్వాత 15 నిమిషాలు అత్యంత కీలకమని ఇస్రో శాస్త్రవేత్తలు ప్రకటించారు.

సంబంధిత వార్తలు