Operation Sindoor: తెల్ అవీవ్ ఫ్లైట్లు మే 25 వరకు నిలిపివేత :ఎయిర్ ఇండియా
తెల్ అవీవ్ ఫ్లైట్లు మే 25 వరకు నిలిపివేస్తున్నట్లు ఎయిర్ ఇండియా ప్రకటించింది. టికెట్లు మార్చుకోవడానికి లేదా పూర్తి డబ్బు తిరిగి పొందడానికి అవకాశం ఉంది.
)
న్యూఢిల్లీ: ఇండియా, పాకిస్తాన్ మధ్య ఉద్రిక్తతల నేపథ్యంలో తెల్ అవీవ్‌కు, అక్కడి నుంచి వచ్చే విమాన సర్వీసులను ఎయిర్ ఇండియా నిలిపివేసింది. ఈ నెల 25 వరకు ఈ నిలిపివేత కొనసాగుతుంది. అదే సమయంలో ఉత్తర భారతదేశంలో మూసివేసిన విమానాశ్రయాలపై నిషేధం మే 15 వరకు పొడిగించారు.
మే 25 వరకు తెల్ అవీవ్‌కు, అక్కడి నుంచి వచ్చే ఎయిర్ ఇండియా విమానాలకు టికెట్లు బుక్ చేసుకున్న వారికి ఒకసారి ఉచితంగా టికెట్లు రీషెడ్యూల్ చేసుకోవడం లేదా పూర్తి డబ్బు తిరిగి పొందడం ద్వారా టికెట్ రద్దు చేసుకునే అవకాశం ఉంది. ఎయిర్ ఇండియా అధికారిక వెబ్‌సైట్ లేదా కాంటాక్ట్ సెంటర్ (011-69329333, 011-69329999) ద్వారా మరిన్ని వివరాలు తెలుసుకోవచ్చు.
దేశంలోని పది విమానాశ్రయాలకు, అక్కడి నుంచి వచ్చే సర్వీసులను ఈరోజు రాత్రి 12 గంటల వరకు రద్దు చేసినట్లు ఇండిగో ఎయిర్‌లైన్స్ నిన్న ప్రకటించింది. శ్రీనగర్, జమ్మూ, అమృత్‌సర్, లేహ్, చండీగఢ్, ధర్మశాల, బికానెర్, జోధ్‌పూర్, కిషన్‌గఢ్, రాజ్‌కోట్ విమానాశ్రయాలకు, అక్కడి నుంచి ఇతర ప్రాంతాలకు వెళ్లే విమాన సర్వీసులను ఇండిగో రద్దు చేసింది.