స్ట్రాబెర్రీ దంతాలను తెల్లగా చేస్తుందా?

ఎంత సేపు తోమినా కొందరి దంతాలు అలాగే పచ్చగా ఉంటాయి. దంతాలను తెల్లగా చేయడానికి ఎంతో తిప్పలు పడుతుంటారు. అయితే స్ట్రాబెర్రీలు ఇందుకు బాగా ఉపయోగపడతాయంటున్నారు నిపుణులు.   

దంతాలు పసుపు పచ్చ రంగులో ఉంటే నలుగురిలో మాట్లాడటానికి, నవ్వడానికి కూడా ఇబ్బందిగానే ఉంటుంది. అయితే కొంతమంది దంతాలను తెల్లగా చేయడానికి షాపుల్లో కొన్న టూత్ పేస్ట్ లను ఉపయోగిస్తుంటారు. మరికొందరు దంతాలపై మచ్చలను ఏర్పరిచే ఆహారాన్ని తినడం మానేస్తారు. అయితే కొన్ని హోం రెమిడీస్ తో కూడా దంతాలను తెల్లగా మార్చొచ్చని కొందరు చెబుతుంటారు. కానీ అన్నింటినీ గుడ్డిగా నమ్మేయకూడదు. అవన్నీ పనిచేయకపోవచ్చు. అంతేకాదు మీ సమస్యలను మరింత పెంచొచ్చు. అయితే ఆరోగ్య నిపుణుల ప్రకారం.. దంతాలు తెల్లబడటానికి స్ట్రాబెర్రీలు బాగా ఉపయోగపడతాయి. ఈ పండు నోటి ఆరోగ్యానికి కూడా మేలు చేస్తుంది. ఈ నోటి ఆరోగ్యం కోసం స్ట్రాబెర్రీని ఉపయోగించేటప్పుడు మీరు పెద్దగా ఏం చేయాల్సిన పనిలేదు. జ్యూసీ ఫ్రూట్ ను ముక్కలుగా చేసి  వాటిని మీ దంతాలపై రుద్దాలి. దంతాలు తెల్లబడటానికి ఈ హోం రెమెడీ ఉపయోగపడుతుందో లేదో ఇప్పుడు తెలుసుకుందాం..

స్ట్రాబెర్రీల ఆరోగ్య ప్రయోజనాలు

స్ట్రాబెర్రీ మన ఆరోగ్యానికి ఎంతో మేలు చేస్తుంది. ఎందుకంటే ఈ పండులో విటమిన్లు, ఖనిజాలు, ఫైబర్స్ పుష్కలంగా ఉంటాయి. యాంటీ ఆక్సిడెంట్, యాంటీ ఇన్ఫ్లమేటరీ లక్షణాలు కూడా ఈ పండులో ఉంటాయి. ఈ పండులో కాటెచిన్, ఆంథోసైనిన్స్, క్వెర్సెటిన్, కెంప్ఫెరోల్ వంటి ఫైటోకెమికల్స్, ఫ్లేవనాయిడ్లు కూడా ఉంటాయి. ఇవి హృదయ సంబంధ వ్యాధుల నుంచి రక్షించడానికి, మంచి ప్రేగు కదలికలను ప్రోత్సహించడానికి, రక్తపోటును నియంత్రణలో ఉంచడానికి, రక్తంలో చక్కెరను నియంత్రించడానికి సహాయపడతాయి.

దంతాలు తెల్లబడటానికి స్ట్రాబెర్రీ

స్ట్రాబెర్రీలో మాలిక్ ఆమ్లం ఉంటుంది. అయితే స్ట్రాబెర్రీలో మాలిక్ యాసిడ్ గాఢత చాలా తక్కువగా ఉంటుందని నిపుణులు చెబుతున్నారు. అంటే మీ దంతాలను తెల్లగా చేయడానికి ఈ పండ్లను ఎక్కువగా తీసుకోవాల్సి ఉంటుంది. ఈ తీపి పండులోని చక్కెర కంటెంట్ దంతాలకు హానికరం. ముఖ్యంగా దీన్ని ఎక్కువ మొత్తంలో తీసుకుంటే ఎన్నో సమస్యలు వస్తాయి.  స్ట్రాబెర్రీలు తిన్న తర్వాత మీ నోటిని నీళ్లతో కడగాలి. లేదా మీ దంతాలలో మిగిలిన చక్కెర లేదా ఆమ్లాన్ని తొలగించడానికి దంతాలను వేళితో రుద్ది నీటితో క్లీన్ చేయాలని నిపుణులు చెబుతున్నారు. 

స్ట్రాబెర్రీ కొన్ని మీ దంతాలు కొద్దిగా తెల్లబడటానికి సహాయపడతాయని నిపుణులు అంటున్నారు. కానీ స్ట్రా బెర్రీలే దంతాలను పూర్తిగా తెల్లగా చేయవు. క్రమం తప్పకుండా బ్రష్ చేయడం, ఫ్లోసింగ్ చేయడం వంటి నోటి పరిశుభ్రత అలవాట్లను పాటిస్తే మీ దంతాలు తలతల మెరిసిపోతాయి. 

స్ట్రాబెర్రీలను ఎక్కువగా ఉపయోగిస్తే దంతాలు దెబ్బతింటాయి కాబట్టి.. కొన్ని స్ట్రాబెర్రీలను తీసుకుని వాటిలో కొన్ని పదార్థాలను కలిపి దంతాలపై రుద్దినా దంతాలు తెల్లగా మెరిసిపోతాయి. అదెలాగో ఇప్పుడు తెలుసుకుందాం.. 

బేకింగ్ సోడా

కొన్ని స్ట్రాబెర్రీలను తీసుకుని వాటిని గుజ్జు చేయండి. దీనిలో కొద్దిగా బేకింగ్ సోడాను కలపండి. ఇది మీ దంతాలను సహజంగా తెల్లబరుస్తుంది. కొద్దిగా చిరాకు కలిగించే బేకింగ్ సోడా దంతాలపై ఉన్న మచ్చలను తొలగించడానికి సహాయపడుతుంది. 

కొబ్బరి నూనె

కొబ్బరి నూనె మీ చర్మం, జుట్టును సహజంగా తేమ చేయడమే కాదు ఇంకా ఎన్నో ఆరోగ్య ప్రయోజనాలను కలిగిస్తుంది. దంతాలను తెల్లగా మార్చే మౌత్ వాష్ ను తయారుచేయడానికి స్ట్రాబెర్రీల గుజ్జులో కొద్దిగా కొబ్బరి నూనెను కలపండి. కొబ్బరి నూనెలో లారిక్ ఆమ్లం ఉంది. ఇది ఫలకం నిర్మాణాన్ని తగ్గించడానికి సహాయపడుతుంది. అలాగే దంతాలను అందంగా మారుస్తుంది. నోటిని శుభ్రంగా ఉంచుతుంది. 

దంతాలను తెల్లగా మార్చడానికి సహజ మార్గాలు

• నువ్వుల నూనెను నోట్లో వేసి 10 నుంచి 15 నిమిషాల పాటు అటూ ఇటూ అనండి. దీనివల్ల దంతాల నుంచి క్రిములు, ఫలకం తొలగిపోతాయి. 
• ఆపిల్ సైడర్ వెనిగర్ లోని ఎసిటిక్ యాసిడ్ మీ దంతాలపై ఉన్న మచ్చలను తొలగించడానికి సహాయపడుతుంది. కానీ దీన్ని ఎక్కువగా ఉపయోగించకూడదు. ఎందుకంటే ఇది దంత ఎనామెల్ ను దెబ్బతీస్తుంది.