మసాలా దినుసుల నుంచి, చట్నీలు, అల్లం వెల్లుల్లి పేస్ట్ ఇలా.. నూరాల్సి వచ్చిన ప్రతి దాన్ని మనం మిక్సీలో వేస్తుంటాం. ఇక మిక్సీ జుస్ట్ నిమిషంలోనే మెత్తగా చేసేస్తుంది. కానీ కొన్ని ఆహారాలను మాత్రం మిక్సీలో అస్సలు వేయకూడదు. అవేంటంటే?
ఒకప్పుడు అయితే రోలు, రోకలితో చట్నీలను రుబ్బేవారు. కానీ ప్రస్తుతం పిండి, చట్నీల నుంచి ఎన్నో పదార్థాలను మెత్తగా రుబ్బడానికి మిక్సీలనే వాడుతున్నారు. మిక్సీలు వచ్చిన తర్వాత రోలు, రోకలిని వాడేవారు లేకుండా పోయారు. మిక్సీల రకాతో ఆడవారికి చాలా శ్రమ తగ్గింది. ఇవి సెకన్లు, నిమిషాల్లోనే మనకు కావాల్సిన పదార్థాలను మెత్తగా రుబ్బుతాయి. అందుకే ఇప్పుడు దాదాపుగా ప్రతి ఒక్కరి ఇంట్లో మిక్సీలు కనిపిస్తాయి.
నిజానికి ఈ మిక్సీల వాడకం ఆడవాళ్లకు ఎంతో ఉపయోగపడుతుంది. కానీ మనం చేసే పొరపాట్ల వల్ల మిక్సీలో చాలా తొందరగా పాడవుతాయి. అవును మనం అన్ని రకాల పదార్థాలను మిక్సీలో గ్రైండ్ చేస్తుంటాం. కానీ కొన్ని వస్తువలును మిక్సీలో వేయకూడదు. ఈ విషయం చాలా మందికి తెలియదు. ఇంకేముంది వేయకూడని వాటిని వేసేస్తూ మిక్సీలను తొందరగా పాడుచేస్తున్నారు. అసలు మిక్సీలో వేయకూడని పదార్థాలేంటో ఇప్పుడు తెలుసుకుందాం పదండి.
కూరగాయలు
నిజానికి కూరగాయలను మిక్సీలో గ్రైండ్ చేసుకోవచ్చు. కానీ వీటిని చిన్న చిన్న ముక్కలుగా కోసి గ్రైండ్ చేయాలి. అలాగే ఫైబర్ ఎక్కువగా ఉండే కూరగాయలను మిక్సీలో ఎప్పుడూ కూడా గ్రైండ్ చేయకూడదు. ఎందుకంటే ఫైబర్ మిక్సర్ బ్లేడ్ లో ఇరుక్కుపోయి మిక్సర్ మోటార్ పాడైపోతుంది.
వేడి పదార్థాలు
వేడి వేడి పదార్థాలను కూడా మిక్సీలో వేసి గ్రైండ్ చేసే అలవాటు చాలా మందికి ఉంటుంది. కానీ ఇలాంటి వేడి పదార్థాలను మిక్సీలో వేస్తే వాటి ఒత్తిడి కారణంగా మిక్సర్ జార్ పేలిపోయే ప్రమాదం ఉంది. అందుకే వేడి పదార్థాలను పొరపాటున కూడా మిక్సీలో వేయకండి. వేడి పదార్థాలు చల్లారిన తర్వాత వాటిని మిక్సీలో వేసి గ్రైండ్ చేసుకోండి.
ఐస్ క్యూబ్
కొంతమంది షేక్స్, స్మూతీలు తయారు చేసినప్పుడు వాటిలో ఐస్ క్యూబ్స్ ను వేసి గ్రైండ్ చేస్తుంటారు. కానీ దీనివల్ల మిక్సీలో బ్లేడ్లు, మోటారు దెబ్బతింటాయి. మరీ ముఖ్యంగా చల్లని, ఎక్కువ పదార్థాలను మిక్సీలో గ్రైండ్ చేయకూడదు.
మసాలా దినుసులు
చాలా మంది మసాలా దినుసులను వేయించి మిక్సీలో గ్రౌండ్ చేస్తుంటారు. కానీ మీరు మాత్రం ఈ పొరపాటును చేయకండి. కానీ ఇలా చేస్తే మిక్సర్ బ్లేడ్ పాడవుతుంది. అందుకే ఇకనుంచి మసాలా పొడిని రోట్లో వేసి మెత్తగా రుబ్బంది. లేదా కొద్దిగా చూర్ణం చేసి తర్వాత మిక్సీలో వేసి మెత్తగా గ్రైండ్ చేయండి.
చిక్కుళ్లు
చిక్కుళ్లు చాలా గట్టిగా ఉంటాయి. కానీ వీటిని కూడా చాలా మంది మిక్సీలో వేసి గ్రైండ్ చేస్తుంటారు. కానీ వీటిని పొరపాటున కూడా మిక్సీలో వేయకూడదు. లేదంటే మీ మిక్సర్ బ్లేడ్ తొందరగా పాడవుతుంది.
దుంపలు
కొంతమంది దుంపలను కూడా మిక్సీలో వేసి గ్రైండ్ చేస్తుంటారు. కానీ దుంపలను మిక్సీలో మాత్రం వేయకూడదు. ఎందుకంటే దుంపలకు నీళ్లు కలిపితే పిండి అంటుకుంటుంది. ఫలితంగా మిక్సర్ జార్ లోని బ్లేడ్ కూడా త్వరగా అరిగిపోతుంది.
కాఫీ గింజలు
కొంతమంది కాఫీ గింజలను మిక్సీ జార్ లో వేసి గ్రైండ్ చేస్తుంటారు. కానీ ఇలా మాత్రం చేయకూడదు. ఎందుకంటే కాఫీ గింజలు మిక్సీలో ఇరుక్కుపోతాయి. కాబట్టి వీటిని మిక్సీ జార్లో ఎప్పుడూ కూడా వేయకండి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి