కొబ్బరి నూనెను ముఖానికి రాస్తే ఏమౌతుందో తెలుసా?

కొబ్బరి నూనెలో ఎన్నో ఔషదగుణాలుంటాయి. ఇవి మనకున్న ఎన్నో సమస్యలను తగ్గించడానికి సహాయపడతాయి. కానీ మనలో ప్రతి ఒక్కరూ కొబ్బరి నూనెను జుట్టుకు మాత్రమే ఉపయోగిస్తారు. కానీ దీన్ని చర్మానికి కూడా ఉపయోగించొచ్చు. దీనివల్ల ఎన్ని లాభాలు ఉన్నాయో తెలుసా? 

చలికాలం స్టార్ట్ అయ్యింది. ఇంకేంటి ఈ చలి తీవ్రత రోజు రోజుకు పెరిగిపోతూనే ఉంటుంది. అయితే ఈ చలికాలంలో మన శరీరంలో చాలా మార్పులు వస్తాయి. ఇది చాలా సహజం. అయితే ఈ సీజన్ లో  ఎన్నో రకాల చర్మ సమస్యలు ఎక్కువగా వస్తుంటాయి. వీటిని తగ్గించడానికి రకరకాల క్రీములను పెడుతుంటారు. అయినా అవి అస్సలు తగ్గవు. 

చలికాలంలో పాదాల పగుళ్లు, చర్మంలో ముడతలు, పెదాల పగుళ్లు, స్కిన్ డెడ్ స్కిన్ సెల్స్ ను తొలగించలేకపోవడం వంటి చర్మ సమస్యలు ఎక్కువగా వస్తుంటాయి. ఈ సమస్యల నుంచి బయటపడటానికి చాలా మంది మాయిశ్చరైజర్, సన్స్క్రీన్ వంటి ఎన్నో రకాల బ్యూటీ ప్రొడక్ట్స్ ను వాడుతుంటారు.

అయినా స్కిన్ అలాగే ఉంటుంది. అయితే ఈ సీజన్ లో మన చర్మాన్ని ఆరోగ్యంగా ఉంచడానికి కొబ్బరి నూనె ఎంతో బాగా ఉపయోగపడుతుందని నిపుణులు చెబుతున్నారు. అసలు చర్మానికి కొబ్బరి నూనెను రాయడం వల్ల ఎలాంటి లాభాలు కలుగుతాయో ఇప్పుడు తెలుసుకుందాం పదండి. 

స్కిన్ లైటనింగ్

వానాకాలం, ఎండాకాలం కంటే ఒక్క చలికాలంలోనే మన చర్మం ఎక్కువగా పొడిబారుతుంటుంది. కానీ ఇలా మన చర్మం పొడిబారినప్పుడు పీలింగ్, పగుళ్లు వంటి ఎన్నో సమస్యలను ఫేస్ చేయాల్సి వస్తుంది. ఈ సమస్యలను తగ్గించడానికి కొబ్బరి నూనె చాలా ఎఫెక్టీవ్ గా పనిచేస్తుంది. 

ఇందుకోసం గ్లిజరిన్ ను కొబ్బరి నూనెలో మిక్స్ చేసి చర్మానికి పెట్టాలి. ఈ గ్లిజరిన్, కొబ్బరి నూనె రెండూ మన చర్మాన్ని తేమగా ఉంచుతాయి. అలాగే డీహైడ్రేషన్ సమస్యను తగ్గిస్తాయి. ఇది చలికాలంలో మీ చర్మాన్ని ప్రకాశవంతంగా ఉంచడానికి కూడా సహాయపడుతుంది. కొబ్బరి నూనెలో విటమిన్లు, ఖనిజాలు పుష్కలంగా ఉంటాయి. ఇవి మన చర్మానికి మంచి పోషణను అందిస్తాయి. 

చలికాలంలో చర్మ సమస్యలు రాకుండా ఉండాలంటే కొబ్బరినూనెను ఖచ్చితంగా ఉపయోగించండి. ఈ సీజన్ లో మీ ముఖం అందంగా ఉండాలంటే కొబ్బరి నూనెలో కాఫీ పౌడర్, పెసరపప్పుతో ఫేస్ మాస్క్ తయారుచేసి ముఖానికి అప్లై చేయండి. 15 నిమిషాల తర్వాత  ముఖాన్ని నీట్ గా కడగండి. ఈ ఫేస్ట్ మాస్క్ ముఖంపై ఉన్న డెడ్ స్కిన్ సెల్స్ ను తొలగించి మీ చర్మాన్ని ఆరోగ్యంగా ఉంచడానికి సహాయపడుతుంది. అలాగే ఈ ఫేస్ మాస్క్ మీ చర్మాన్ని సాఫ్ట్ గా చేస్తుంది. 

ఒక్క చలికాలంలోనే కాదు వేసవికాలంలో కూడా చర్మంలో తేమ తగ్గుతుంది. దీనివల్ల మీకు ఎన్నో రకాల చర్మ సమస్యలు వస్తాయి. కాబట్టి రాత్రిపూట మాత్రమే చర్మం హైడ్రేషన్ కు సహాయపడే బ్యూటీ ప్రొడక్ట్స్ ను ఉపయోగించండి. చలికాలంలో ముఖాన్ని సబ్బుతో ఎక్కువగా కడగకూడదు. ఎందుకంటే కొన్ని రకాల సబ్బుల్లో కెమికల్స్ ఉంటాయి. ఇవి చర్మాన్ని త్వరగా డీహైడ్రేట్ చేస్తాయి. 

అలాగే మీ  చర్మం ఈ సీజన్ లో కూడా తేమగా ఉండాలంటే మీరు నీళ్లను పుష్కలంగా తాగాలి. చాలా మంది చలికాలంలో దాహం ఎక్కువగా కావట్లేదని తాగకుండా ఉంటారు. కానీ ఇలా అస్సలు చేయకూడదు. దీనివల్ల బాడీ, చర్మం డీహైడ్రేట్ అయ్యి సమస్యలు వస్తాయి. కాబట్టి నీళ్లను పుష్కలంగా తాగితే మీ చర్మం హైడ్రేట్ గా ఉంటుంది. వీటితో పాటుగా మీ చర్మం హెల్తీగా ఉండాలంటే మీరు తినే ఆహారంలో విటమిన్ ఎ, విటమిన్ డి, ఐరన్, కాల్షియం, జింక్ వంటి పోషకాలు ఎక్కువగా ఉండేలా చూసుకోవాలి.