వాషింగ్ మెషీన్ లో షూస్ ను క్లీన్ చేయొచ్చా? చేస్తే ఎలా చేయాలి?

వాషింగ్ మెషిన్ లో షూస్ ను క్లీన్ చేస్తారన్న ముచ్చట చాలా మందికి తెలియదు. కానీ వాషింగ్ మిషెన్ లో కూడా షూస్ ను ఉతకొచ్చు. కానీ కొన్ని జాగ్రత్తలు తీసుకోవాలి. లేదంటే షూస్ పగిలిపోయే ప్రమాదం ఉంది. 

vastu tips for shoes

ఎంత ఖరీదైన షూస్ తీసుకున్నా, ఎంత చౌకైనా షూస్ అయినా వాడితుంటే దుమ్ము, ధూళి, బురద అంటుకుంటాయి. కానీ వీటివల్ల బూట్లు తొందరగా పాతబడతాయి. మురికిగా మారిన బూట్లను వేసుకోవడం ఎవ్వరికీ నచ్చదు. కానీ వీటిని చేతులతో క్లీన్ చేయడం చాలా కష్టం. 

కానీ ఎంతటి మురికి బూట్లనైనా వాషింగ్ మెషీన్ లో చాలా ఈజీగా క్లీన్ చేయొచ్చు. అవును బూట్లను కూడా వాషింగ్ మెషిన్ లో ఉతకొచ్చు. కానీ కొన్నిసార్లు లేస్ లేదా ఏదైనా కారణం వల్ల బూట్లు దెబ్బతింటాయి. కానీ వాషింగ్ మెషీన్ లో షూస్ ను ఉతికేటప్పుడు కొన్ని చిట్కాలను పాటిస్తే మీ పాత బూట్లైనా కొత్తగా అవుతాయి. వాషింగ్ మెషిన్ లో షూస్ ను ఎలా క్లీన్ చేయాలో ఇప్పుడు తెలుసుకుందాం పదండి. 

మొండి మరకలను శుభ్రం చేయండి

బూట్లను వాషింగ్ మెషీన్ లో వేసే ముందు బూట్లకు అంటిన మొండి మరకలను శుభ్రం చేయాలి. ఆ తర్వాతే షూస్ ను వాషింగ్ మెషిన్ లో వేయాలి. దీనివల్ల వాషింగ్ మెషిన్ లో షూస్ ను ఎక్కువ సేపు ఉంచాల్సిన అవసరం ఉండదు. దీనివల్ల షూస్ పాడయ్యే అవకాశం తగ్గుతుంది. షూస్ కు అంటిన మొండి మరకలను పోగొట్టడానికి వెనిగర్ మీకు బాగా సహాయపడుతుంది.

షూస్ ను క్లీన్ చేయడానికి కాటన్ ను వైట్ వెనిగర్ లో నానబెట్టండి. ఆ తర్వాత బూట్లకు అంటిన మరకలకు పెట్టండి. తర్వాత టూత్ బ్రష్ తో మరకను నెమ్మదిగా క్లీన్ చేయండి. అయితే మీరు వెనిగర్ కు బదులుగా బేకింగ్ సోడాను కూడా ఉపయోగించొచ్చు.

అయితే వాషింగ్ మెషీన్ లో షూస్ ను చేతులతో క్లీన్ చేయాలి. అంటే షూస్ కు అంటిన దుమ్మును, ధూళిని బ్రష్ తో క్లీన్ చేయండి. ఆ తర్వాత బూట్ల లేసులను తీసేయండి. లేసులు ఉంటే షూస్ వాషింగ్ మెషిన్ లో చిక్కుకోకుండా, షూస్ చిరిగిపోకుండా ఉంటాయి. 

బూట్లను, లేసులను సాఫ్ట్ దిండు కవర్ లేదా నెట్ బ్యాగ్ లో వేసి కట్టండి. ఆ తర్వాత వాషింగ్ మెషిన్ లో వేయండి. ఇది బూట్లు వాషింగ్ మెషిన్ ను ఢీకొనకుండా నిరోధిస్తుంది. అలాగే బూట్లు వాషింగ్ మెషిన్ లో ఇరుక్కుపోకుండా చేస్తుంది. 

జెంటిల్ మోడ్: వాషింగ్ మెషీన్ లో షూస్ ను వేసినప్పుడు ఎప్పుడూ కూడా జెంటిల్ మోడ్ నే సెలక్ట్ చేయండి. ఇది మీ బూట్లు దెబ్బతినకుండా చేస్తుంది. అలాగే వాషింగ్ మెషిన్ కూడా దెబ్బతినదు.

మీరు వాషింగ్ మెషిన్ లో ఒక్క బూట్లను మాత్రమే ఉతుకుతున్నట్టైతే.. దాంట్లో బరువు ఉండటానికి కొన్ని పాత బట్టలు లేదా టవల్స్ ను వాషింగ్ మెషిన్ లో వేయండి. అయితే వాషింగ్ మెషిన్ లో వేసే బట్టలు లేదా టవల్స్ పాతవై ఉండాలి. అలాగే రంగు లేకుండా ఉండాలి. అలా అయితేనే మీ బూట్లు దెబ్బతినకుండా ఉంటాయి. 

అయితే షూస్ తెల్లగా కావాలని డిటర్జెంట్ పౌడర్ ను ఎక్కువగా వేయకండి. డిటర్జెంట్ ఎక్కువ వాడితే బూట్ల రంగు మసకబారే అవకాశం ఉంది. అంతే కాదు ఎక్కువ డిటర్జెంట్ బూట్లను జిగటగా చేస్తుంది.

డ్రైయర్ లో ఆరబెట్టొద్దు: వాషింగ్ మెషీన్ లో షూస్ ను వాష్ చేసిన తర్వాత వాటిని అస్సలు డ్రయ్యర్ లో పెట్టకూడదు. ఎందుకంటే ఇది మీ బూట్ల ఆకారాన్ని పాడు చేస్తుంది. అలాగే వాషింగ్ మెషింగ్ కూడా దెబ్బతినకుండా ఉంటుంది. బూట్లను వాష్ చేసిన తర్వాత వాటిని 24 గంటల పాటు బయట గాలికి ఉంచండి. అయితే బూట్లను నేరుగా ఎండలో ఉంచకూడదు. ఎండవల్ల బూట్ల రంగు మారుతుంది.