ఈ రోజుల్లో గంజి వార్చి అన్నం వండేవారు ఎవరైనా ఉన్నారా అంటే చాలా అరుదు అనే చెప్పొచ్చు. కుక్కర్ లో బియ్యం పెడితే.. పావు గంటలో అన్నం అయిపోతుంది. కానీ.. పూర్వం గంజి వార్చి మరీ అన్నం వండేవారు. ఆ గంజిని తాగి ఒక పూట కడుపు నింపుకునేవారు. గంజిలో చాలా పోషకాలు ఉంటాయి కాబట్టి.. దానిని తీసుకోవడం ఆరోగ్యానికి మంచిది అని నిపుణులు కూడా చెబుతున్నారు. అయితే.... ఇప్పుడు మనం ఆరోగ్యం కోసం గంజి వార్చకపోయినా.. అందం కోసం మాత్రం వాడాల్సిందే. మీరు చదివింది నిజమే, గంజి నీటిని ముఖానికి రెగ్యులర్ గా రాయడం వల్ల మన అందం పెరుగుతుందట. వేరే ఖరీదైన క్రీముల అవసరం కూడా రాదట. మరి, అదెలాగో తెలుసుకుందామా...
28
ముఖానికి ఎలా వాడాలి?
కాటన్ గుడ్డ లేదా టిష్యూ పేపర్ను గంజి నీళ్లలో లేదా వార్చిన నీళ్లలో ముంచి ముఖం మీద పెట్టుకోవాలి. దీన్ని మాస్క్ లాగా 20 నిమిషాలు పెట్టుకుని తీసేయొచ్చు. ఇలా చేయడం వల్ల కొరియన్స్ లాంటి గ్లాసీ స్కిన్ లుక్ మీ సొంతమౌతుంది. అయితే.. క్రమం తప్పకుండా రోజూ చేస్తూ ఉండటం మాత్రం చాలా అవసరం.
38
గంజి నీళ్లు ఎలా తయారు చేయాలి?
వండిన అన్నాన్ని వంపినప్పుడు వచ్చే నీటిని వేడిగా తాగొచ్చు. ఇది మంచిది. చల్లారిన తర్వాత జెల్లీలా అయ్యాక ముఖానికి రాసుకోవచ్చు. దీనికంటే గంజి నీళ్లు ఇంకా ఎక్కువ మంచిది. అది తయారు చేయడానికి వండిన అన్నాన్ని ఒక గ్లాసులో కొంచెం వేసి నీళ్లు పోసి ఒక రాత్రంతా లేదా 2 నుంచి 3 రోజులు పులియబెట్టి గంజి నీళ్లు తయారు చేసుకోవచ్చు. దీనికి కొంచెం నల్ల ఉప్పు కలిపి ఉదయం తాగొచ్చు. ఈ నీళ్లలో చాలా లాభాలున్నాయి.
48
డీహైడ్రేషన్ నివారణ:
రోజు గంజి నీళ్లు తాగితే శరీరం డీహైడ్రేట్ అవ్వకుండా ఉంటుంది. శరీరంలో నీటి శాతం తగ్గకుండా ఉండాలంటే ఈ నీళ్లు తాగడం అలవాటు చేసుకోవచ్చు. ఎండాకాలంలో సరిపడా నీళ్లు తాగక డీహైడ్రేట్ అయితే గంజి నీళ్లు తాగొచ్చు. ఇది మామూలు నీళ్లు కాదు, ఇందులో చాలా పోషకాలున్నాయి. శరీరంలోని వ్యర్థాలను బయటకు పంపడానికి సహాయపడుతుంది.
58
జీర్ణక్రియ:
జీర్ణక్రియను మెరుగుపరచడానికి గంజి నీళ్లు తాగొచ్చు. ఇందులో ఉండే స్టార్చ్ జీర్ణక్రియకు సహాయపడుతుంది. కడుపు ఉబ్బరం, జీర్ణ సమస్య లేదా గ్యాస్ సమస్య ఉంటే రోజు ఒక గ్లాసు గంజి నీళ్లు తాగొచ్చు. ఇది ప్రోబయోటిక్ డ్రింక్. పేగు ఆరోగ్యాన్ని కాపాడుతుంది. రోగనిరోధక శక్తిని పెంచడానికి కూడా సహాయపడుతుందని చెబుతారు.
68
శరీర వేడి తగ్గుతుంది!
గంజి నీళ్లు శరీరాన్ని చల్లగా ఉంచుతాయి. శరీర వేడి వల్ల చేతులు లేదా కాళ్లు మంటగా అనిపించేవాళ్లు గంజి నీళ్లు తాగొచ్చు. హార్మోన్ల అసమతుల్యతను సరి చేయడానికి సహాయపడుతుంది. ఆడవాళ్లకు ఈ సమస్య ఎక్కువగా ఉంటుంది. దీన్ని సరి చేయడానికి గంజి నీళ్లు సహాయపడతాయి. ఈ సమస్య ఉన్నవాళ్లు గంజి నీళ్లు తాగితే ఉపశమనం కలుగుతుంది.
78
మూత్ర సంబంధిత సమస్యలు తగ్గుతాయి!
డీహైడ్రేషన్ వల్ల కొందరికి మూత్ర సంబంధిత సమస్యలు వస్తాయి. శుభ్రంగా లేని టాయిలెట్ వాడటం, మూత్రం ఆపుకోవడం వల్ల కూడా మూత్ర సంబంధిత సమస్యలు వస్తాయి. మూత్రం వస్తే మంటగా అనిపించవచ్చు. నొప్పిగా ఉండొచ్చు. గంజి నీళ్లు తాగితే ఈ సమస్య తగ్గుతుంది. అది తాగడం వల్ల త్వరగా నయమవుతుంది.
88
నెలసరి నొప్పి నివారణ:
చాలామంది ఆడవాళ్లకు నెలసరి సమయంలో ప్రాణం పోయేంత నొప్పి వస్తుంది. ఇలాంటి నొప్పితో బాధపడేవాళ్లు గంజి నీళ్లు తాగితే తేలికగా ఉంటుంది. ఎక్కువ రక్తస్రావం, కడుపు నొప్పికి గంజి నీళ్లు మంచిది. నొప్పి నుంచి ఉపశమనం లభిస్తుందని చాలామంది నమ్ముతారు.
