ఈ ప్రీ వెడ్డింగ్ వేడుకలో నీతా అంబానీ, ఇషా అంబానీ ధరించిన జ్యూవెలరీ ధరలు వింటే.. ఎవరికైనా కళ్లు తిరగాల్సిందే. ఈ ఈవెంట్ లో భాగంగానే నీతా అంబానీ పచ్చలు పొదిగిన ఓ డైమండ్ నక్లెస్ ధరించారు.
మన దేశంలో అంబానీ కుటుంబానికి ఎంత విలువ ఉందో స్పెషల్ గా చెప్పాల్సిన అవసరం లేదు. ముకేష్ అంబానీ తన చిన్న కుమారుడు పెళ్లిని అత్యంత ఘనంగా నిర్వహిస్తున్నాడు. జులైలో పెళ్లి జరగనుండగా.. ఇప్పటికే.. ఎంగేజ్మెంట్, ప్రీ వెడ్డింగ్ వేడుకలు అత్యంత ఘనంగా జరిపించారు. రెండు నెలల క్రితం నిర్వహించిన ప్రీ వెడ్డింగ్ వేడుకకు అందరి మతులు పోయాయి.
ఇక.. ఈ ప్రీ వెడ్డింగ్ వేడుకలో నీతా అంబానీ, ఇషా అంబానీ ధరించిన జ్యూవెలరీ ధరలు వింటే.. ఎవరికైనా కళ్లు తిరగాల్సిందే. ఈ ఈవెంట్ లో భాగంగానే నీతా అంబానీ పచ్చలు పొదిగిన ఓ డైమండ్ నక్లెస్ ధరించారు. దాని ఖరీదు రూ.500 కోట్లు కాగా.. దానికి సంబంధించిన ఫోటోలు నెట్టింట ఫుల్ వైరల్ అయ్యాయి. అయితే... ఇప్పుడు ఆ నక్లెస్ కి రెప్లికా మోడల్ మార్కెట్లోకి అడుగుపెట్టింది.
రూ.500కోట్ల విలువచేసే నక్లెస్ కదా.. దాని రెప్లికా అంటే కనీసం ఏ లక్షల్లోనో, వేలల్లోనే ఉంటుంది అనుకుంటే మీరు పొరపడినట్లే. కేవలం రూ.178 కి ఓ వ్యక్తి ఆన్ లైన్ లో అమ్ముతుండటం విశేషం. దీనిని సంబంధించిన వీడియో నెట్టింట వైరల్ గా మారింది.
వీడియోలో, ఆభరణాల వ్యాపారి ఈ రెప్లికాలను ఉత్సాహంగా మార్కెట్ చేస్తున్నాడు, 'నీతా అంబానీ జీ నెక్లెస్ కేవలం రూ. 178కి అందుబాటులో ఉంది. వారు 'హోల్‌సేల్ మాత్రమే, రిటైల్ కాదు' అని చెబుతున్నారు.ఈ వీడియోకి దాదాపు , 3.15 మిలియన్లకు పైగా వ్యూస్ రావడం గమనార్హం. ఇక కామెంట్స్ గురించి అయితే స్పెషల్ గా చెప్పాల్సిన అవసరం లేదు.
తక్కువ ధరలకు లగ్జరీ వస్తువులను రూపొందించడంలో భారతీయుల నైపుణ్యాన్ని హైలైట్ చేస్తూ 'కాపీ చేయడంలో భారతదేశం అత్యుత్తమం' అని ఒక వినియోగదారు వ్యాఖ్యానించారు.
'పరీక్షలో సమాధానాలను కాపీ చేయడంతో ఈ కాపీయింగ్ వ్యసనం మొదలవుతుంది' అని మరొకరు కామెంట్ చేశారు. ఇంకొందరు, 'ఇందులో తప్పేముంది, ప్రతి ఒక్కరూ తమ ఇష్టం వచ్చినట్లు ఫ్యాషన్‌కు అర్హులు. అందుకు డబ్బు అడ్డు రాకూడదు' అని అన్నారు. మరొకరు, 'ఈ పనికి ధన్యవాదాలు, నేను నా భార్య పుట్టినరోజుకు తక్కువ ఖర్చుతో ఖరీదైన బహుమతిని ఇస్తాను' అని కామెంట్ చేయడం విశేషం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి