40 ల్లోనూ 20ల్లా కనిపించేలా చేసే బ్యూటీ డ్రింక్ ఇది..!

మీ వయసు 40 దాటినా... మీరు మాత్రం 20 ఏళ్ల యూత్ లా కనిపించవచ్చు. మరి, ఆ డ్రింక్ ఏంటి..? దానిని ఎలా తయారు చేసుకోవాలి..? ఎలా తాగాలి అనేది ఇప్పుడు తెలుసుకుందాం..  

వయసు పెరిగే కొద్దీ మన అందం తగ్గుతూ వస్తుంది. అది అందరికీ  తెలిసిన సత్యమే. కానీ.. మనం తీసుకునే ఆహారం, లైఫ్ స్టైల్ మార్పులతో మన ఏజ్ ని రివర్స్  చేసుకోవచ్చు. అది కూడా సింపుల్ గా రోజూ ఒక డ్రింక్ తాగడం వల్ల అది సాధ్యం అవుతుందని మీకు తెలుసా? మీ వయసు 40 దాటినా... మీరు మాత్రం 20 ఏళ్ల యూత్ లా కనిపించవచ్చు. మరి, ఆ డ్రింక్ ఏంటి..? దానిని ఎలా తయారు చేసుకోవాలి..? ఎలా తాగాలి అనేది ఇప్పుడు తెలుసుకుందాం..

మన వయసు పెరుగుతోంది అనే విషయం మొదట మన ఫేస్ నుంచే తెలుస్తుంది. నెమ్మదిగా ముఖంపై ముడతలు రావడం మొదలౌతాయి. అంతేనా.. చర్మం టైట్ నెస్ తగ్గుతుంది. సాగిపోయినట్లుగా అవుతుంది. ఇలాంటివి రావడం మొదలవ్వగానే.. మన వయసు పెరుగుతుందని అని టెన్షన్ పడిపోతూ ఉంటాం. అందుకే.. అలా రాకముందు నుంచే స్కిన్ కేర్ విషయంలో జాగ్రత్తలు తీసుకోవాలి. ఒకవేళ  ముందు నుంచి ఎలాంటి జాగ్రత్తలు తీసుకోకపోయినా.. ఇప్పటి నుంచి..  ఒక హెల్దీ డ్రింక్ తాగడం అలవాటు చేసుకుంటే చాలు.

ఆహారం మన స్కిన్ పై చాలా ప్రభావం చూపిస్తుంది. మనం ఎంత మంచి ఆహారం తీసుకుంటే.. అది మన చర్మాన్ని అందంగా కనిపించేలా చేస్తుంది. స్కిన్ ని యాంటీ ఏజినింగ్ గా కనిపించడంలో సహాయం చేస్తుంది.దాని కోసం మన డైట్ లో... ఏమేమి భాగం చేసుకోవాలో తెలుసుకుందాం..

గుమ్మడికాయ గింజలు: జింక్ సమృద్ధిగా ఉంటుంది, ఇది కొల్లాజెన్ సంశ్లేషణకు దోహదం చేస్తుంది.
కొబ్బరి: చర్మానికి పోషణనిచ్చే ఆరోగ్యకరమైన కొవ్వులు , యాంటీఆక్సిడెంట్లను అందిస్తుంది.
ఖర్జూరం: అవసరమైన విటమిన్లు , ఖనిజాలను అందించే సహజ స్వీటెనర్.
పొద్దుతిరుగుడు విత్తనాలు: విటమిన్ E తో ప్యాక్ చేసి ఉంటుంది, ఇది చర్మాన్ని దెబ్బతినకుండా కాపాడుతుంది.

ఈ పానీయం చేయడానికి... 1 tsp గుమ్మడి గింజలు, 1 tsp తురిమిన కొబ్బరి, 2 తురిమిన ఖర్జూరాలు , 1 tsp పొద్దుతిరుగుడు విత్తనాలను ఒక కప్పు నీటిలో కలపండి. మంచిగా బ్లెండ్ చేసుకొని తాగేయడమే. రెగ్యులర్ గా తాగుతూ ఉంటే.. ఫలితం మీకు క్లియర్ గా కనపడుతుంది. అందంగా కనిపించడానికి మాత్రమే కాదు.. జుట్టు పెరుగుదలకు కూడా సహాయపడుతుంది.