నెయిల్ పాలిష్ వేసుకోవడం ఇష్టమా..? ఈ విషయాలు తెలుసుకోండి..!

అందమైన రంగులను గోళ్లకు వేస్తూ ఉంటారు. కానీ.. వీటి వల్ల కలిగే సమస్య గురించి మీకు తెలుసా? నమ్మసక్యంగా లేకపోయినా ఇది నిజం. అందంగా గోళ్లను మార్చే నెయిల్ పాలిష్ తో చాలా ప్రమాదమే ఉంది.  

ఆడవారు అందానికి ఎక్కువ ప్రాధాన్యత ఇస్తారు అనేది అక్షర సత్యం. తమ ముఖం దగ్గర నుంచి  జుట్టు, గోళ్లు ఇలా ప్రతిదీ అందంగా కనిపించాలని అనుకుంటారు. దాని కోసం  రూ.వేలకు వేలు ఖర్చుపెట్టేవారు కూడా ఉన్నారు.  స్త్రీలు మరింత ఎక్కువ ప్రాధాన్యత ఇచ్చే వాటిలో.. చేతి వేళ్లు.. ముఖ్యంగా గోళ్లు ఉంటాయి.. ఆ గోళ్లు అందంగా కనిపించడం కోసం.. కొందరైతే ఏకంగా నెయిల్ ఎక్స్ టెన్షన్స్ చేయించుకొని.. అందంగా నెయిల్ పాలిష్ వేయించుకుంటూ ఉంటారు. కొందరు ఖరీదైన ఎక్స్ టెన్షన్స్ చేయించకపోయినా..  అందమైన రంగులను గోళ్లకు వేస్తూ ఉంటారు. కానీ.. వీటి వల్ల కలిగే సమస్య గురించి మీకు తెలుసా? నమ్మసక్యంగా లేకపోయినా ఇది నిజం. అందంగా గోళ్లను మార్చే నెయిల్ పాలిష్ తో చాలా ప్రమాదమే ఉంది.

సాధారణంగా చాలా మంది మహిళలు తమ చేతులను అందంగా మార్చుకోవడానికి నెయిల్ పాలిష్‌ను ఉపయోగిస్తారు. ముఖ్యంగా దుస్తుల రంగుకు తగ్గట్టుగా నెయిల్ పాలిష్ వేస్తారు. ఇలా రకరకాల రంగుల్లో నెయిల్ పాలిష్ వేసుకుని చేతులను అందంగా తీర్చిదిద్దుకుంటున్నారు.

అయితే నెయిల్ పాలిష్ చేతులు అందంగా కనిపించడమే కాకుండా అనారోగ్య సమస్యలను కూడా కలిగిస్తుందని మీకు తెలుసా.? అవును, ఈ అందమైన నెయిల్ పాలిష్‌లలో ఆరోగ్య ప్రమాదాలు ఉన్నాయి. ఎందుకంటే వాటిలో చాలా హానికరమైన రసాయనాలు ఉంటాయి. అవి ప్రమాదకరమైనవి..

Image: Getty

నెయిల్ పాలిష్ వేయడం ప్రమాదకరం: నెయిల్ పాలిష్ వాడటం ఆరోగ్యానికి హానికరం అంటున్నారు ఆరోగ్య నిపుణులు. నెయిల్ పాలిష్‌లో చాలా హానికరమైన రసాయనాలు ఉంటాయి. అవి ఆరోగ్యంపై చెడు ప్రభావం చూపుతాయి. వాటి నిరంతర, సుదీర్ఘమైన ఉపయోగం అలెర్జీలు, మంట మరియు ఎరుపు వంటి చర్మ సమస్యలను కలిగిస్తుంది.

Image: Getty

నెయిల్ పాలిష్ రిమూవర్లను కూడా హానికరమైన రసాయనాలతో తయారు చేస్తారు. వీటిని ఉపయోగించడం వల్ల చర్మం డ్రైగా, రఫ్ గా మారుతుంది. చర్మం సహజ నూనె బ్రేక్అవుట్, ఇన్ఫెక్షన్ , బ్యాక్టీరియా ప్రమాదాన్ని పెంచుతుంది.

Image: Getty

శ్వాసకోశ సమస్యలు: అదేవిధంగా నెయిల్ పాలిష్‌లోని రసాయనాలు శ్వాసకోశ సమస్యలకు దారితీస్తాయి. కాబట్టి నెయిల్ పాలిష్ వేసేటప్పుడు లేదా తొలగించేటప్పుడు మాస్క్ ధరించడం చాలా ముఖ్యం. నెయిల్ పాలిష్‌లోని ట్రిఫినైల్ ఫాస్ఫేట్ ఊపిరితిత్తులకు కూడా హాని కలిగిస్తుంది. ఇది ఊపిరితిత్తులలో మంటను కలిగిస్తుంది. దీంతో శ్వాస తీసుకోవడంలో ఇబ్బంది ఏర్పడుతుంది. ఆస్తమా వంటి వ్యాధులు కూడా రావచ్చు.

Image: Getty

బ్రెయిన్ డ్యామేజ్: నెయిల్ పాలిష్‌లోని టోలున్, ఫార్మాల్డిహైడ్ , డైథైల్ థాలేట్ వంటి రసాయనాలు శరీరంలోని ఇతర భాగాల మాదిరిగానే మెదడుకు చేరుతాయి. ఈ రసాయనాలు మెదడు కణాలను దెబ్బతీస్తాయి. మెదడుకు రక్త ప్రసరణకు అంతరాయం కలిగిస్తాయి. ఇది తీవ్రమైన తలనొప్పిని కలిగిస్తుంది. నెయిల్ పాలిష్ చాలా మందికి వికారం , వాంతులు కలిగిస్తుంది.

nail polish

గర్భిణీ స్త్రీలకు ప్రమాదం: నెయిల్ పాలిష్‌లోని రసాయనాలు గర్భిణీ స్త్రీలకు చాలా ప్రమాదకరమైనవి. ఎందుకంటే అవి పిండాన్ని చేరుకుంటాయి. ఇది పుట్టబోయే బిడ్డ శరీరంలో లోపాలను కలిగిస్తుంది. కాబట్టి, గర్భధారణ సమయంలో నెయిల్ పాలిష్ వాడకాన్ని తగ్గించాలి.