అవీ.. ఇవి కాదు ముఖానికి తేనె పెట్టండి.. ఎన్నో లాభాలు పొందుతరు

తేనెలో ఎన్నో ఔషదగుణాలుంటాయి. ఇది మనల్ని ఆరోగ్యంగా ఉంచడమే కాదు.. అందంగా కూడా చేస్తుంది. అసలు ముఖానికి తేనె పెట్టడం వల్ల ఎన్నిలాభాలున్నాయో తెలుసా?   

తేనెలో మన ఆరోగ్యానికి మేలు చేసే ఎన్నో రకాల పోషకాలుంటాయి. దీనిలో నేచురల్ షుగర్స్ తో పాటుగా ఎన్నో రకాల ప్రోటీన్లు ఉంటాయి. దీన్ని తినడం వల్ల మన ఆరోగ్యం బేషుగ్గా ఉంటుంది. అంతేకాదు  ఇది మన చర్మానికి కూడా మంచి మేలు చేస్తుంది. 

అవును తేనెను ముఖానికి పెట్టడం వల్ల చర్మం కాంతివంతంగా అవుతుంది. అందంగా మెరిసిపోతుంది. చాలా మంది రెగ్యులర్ గా లేదా స్పెషల్ డేస్ కి ముఖానికి ఖచ్చితంగా తేనెను పెట్టుకుంటుంటారు. నిజానికి తేనెను ముఖానికి వాడటం వల్ల ఎన్నో ప్రయోజనాలను పొందుతారు.

కానీ దీన్ని ముఖానికి ఎంత సేపు ఉంచాలో మాత్రం చాలా మందికి తెలియదు. దీనివల్లే తేనె ప్రయోజనాలను పొందలేకపోతుంటారు. అసలు ముఖానికి తేనెను ఎంతసేపు ఉంచాలో ఇప్పుడు తెలుసుకుందాం పదండి. 

ముఖానికి తేనెను ఎంతసేపు ఉంచాలి?

తేనెను ముఖానికి పెట్టడం వల్ల ఒకటి కాదు రెండు కాదు ఎన్నో లాభాలను పొందుతారు. కానీ దీన్ని ఎక్కువ సేపు మాత్రం ముఖానికి ఉంచకూడదు. ఒకవేళ మీరు ముఖానికి తేనెను పెడితే దాన్ని 15 లేదా 20 నిమిషాలకు మించి ఉంచకూడదు. ఇంతకంటే ఎక్కువ సేపు ఉంచితే లాభాలను కాదు నష్టాలను చవిచూస్తారు. 

ముఖానికి తేనెను ఎలా పెట్టాలి? 

తేనెతో మీరు లాభాలను పొందాలనుకుంటే మాత్రం.. ముఖానికి తేనె రాసుకోవడానికి ముందు మీ ముఖాన్ని బాగా శుభ్రం చేయండి. తర్వాత కాటన్ తీసుకుని తేనెలో ముంచండి. ఇప్పుడు దీంతో ముఖానికి తేనెను పెట్టండి. తేనెను ముఖానికి పెట్టడం వల్ల ఎలాంటి లాభాలు ఉన్నాయంటే?

కాంతివంతమైన చర్మం 

తేనెను ముఖానికి ఎప్పుడైనా పెట్టొచ్చు. కానీ మీరు రాత్రిపూట ముఖానికి తేనెను పెట్టినట్టైతే మీ చర్మం నేచురల్ గా అందంగా కాంతివంతంగా అవుతుంది. దీనివల్ల మీ ముఖంపై మొటిమలు, మొటిమల మచ్చలు, నల్ల మచ్చలు పూర్తిగా తగ్గిపోతాయి. అలాగే  మొటిమలు కానే కావు.

డ్రైనెస్ పోతుంది

చాలా మంది చర్మం పొడిగా ఉంటుంది. పొడివల్ల ముఖానికి ఎంత మేకప్ వేసుకున్నా అందంగా కనిపించరు. అయితే ముఖానికి తేనెను అప్లై చేయడం వల్ల ఈ డ్రైనెస్ పూర్తిగా తొలగిపోతుందని నిపుణులు చెబుతున్నారు. తేనె మీ ముఖానికి తేమను అందించి అందంగా చేస్తుంది. 

మృదువైన చర్మం 

రోజూ మీరు మీ ముఖానికి తేనెను వాడినట్టైతే మీ ముఖ చర్మం మృదువుగా మారుతుంది. అందులోనూ డ్రై స్కిన్ ఉన్నవారికి తేనె ఎంతో ప్రయోజనకరంగా ఉంచుతుంది. ఇది మీ చర్మాన్నితేమగా మార్చి ముఖాన్ని అందంగా కనిపించేలా చేయడానికి సహాయపడుతుంది. 

కలబంద రసం

అయితే తేనెను నేరుగా ముఖానికి వాడకూడదు. ఎదుంకంటే దీనివల్ల మీ ముఖం జిగటగా మారుతుంది. అందుకే తేనెలో కొద్దిగా అలోవెరా జెల్ లేదా రోజ్ వాటర్ మిక్స్ ను ముఖానికి అప్లై చేయండి. తేనెను ముఖానికి పెట్టిన తర్వాత చేతులతో మీ ముఖాన్ని కాసేపు మసాజ్ చేయండి. ఇది మీ చర్మాన్ని మృదువుగా, మెరిసేలా చేస్తుంది.