ఈ కాలంలో చిన్న చిన్న ఏజ్ వారికి కూడా తెల్ల జుట్టు వస్తోంది. ఈ తెల్ల జుట్టు కనిపించకూడదని చాలా మంది హెయిర్ కలర్స్ ను వాడుతుంటారు. అయితే ఇంట్లో తయారుచేసిన కొన్ని నూనెలను వాడినా కూడా తెల్ల జుట్టు కనిపించకుండా ఉంటుంది.
చిన్న ఏజ్ లోనే జుట్టు తెల్లబడటం, జుట్టు రాలడం వంటి సమస్యలు చాలా మందికి ఉంటాయి. ఇవి సర్వ సాధారణ సమస్యలుగా మారిపోయాయి. అయితే చాలా మంది తెల్ల జుట్టును దాచడానికి కలర్స్ వాడుతుంటారు. ఈ కలర్స్ వారం రోజుల్లోనే పూర్తిగా తొలగిపోతాయి. జుట్టు మళ్లీ తెల్లగా కనిపిస్తుంది.
అంతేకాకుండా.. ఈ రంగుల్లో రసాయనాలు ఉండటం వల్ల అవి జుట్టుకు ఎంతో హాని చేస్తాయి. అందుకే ఇంట్లో తయారుచేసిన హెయిర్ ఆయిల్స్ ను వాడితే తెల్ల జుట్టు కాస్త నల్లగా మారుతుంది. జుట్టు రాలడం కూడా తగ్గుతుంది.
నెత్తిమీద మెలనిన్ ఉత్పత్తి తగ్గడం వల్ల జుట్టు తెల్లబడటం ప్రారంభమవుతుంది. అలాగే ఒత్తిడి, పోషకాహార లోపం, జెనెటిక్స్ వంటి అంశాలు కూడా తెల్ల వెంట్రుకలు ఎక్కువగా వచ్చేలా చేస్తాయి. ముఖ్యమైన పోషకాలు, యాంటీ ఆక్సిడెంట్లు పుష్కలంగా ఉన్న.. ఇంట్లో తయారుచేసిన హెయిర్ ఆయిల్స్ జుట్టును ఆరోగ్యంగా ఉంచుతాయి.
అలాగే తెల్ల జుట్టును రాకుండా చేయడానికి సహాయపడతాయి. తెల్లబడిన జుట్టును సహజంగా నల్లగా చేయడానికి సహాయపడే 5 ప్రభావవంతమైన ఇంట్లో తయారుచేసిన హెయిర్ ఆయిల్స్ ఏంటో ఇప్పుడు తెలుసుకుందాం పదండి.
ఉసిరి, కొబ్బరి నూనె
ఉసిరిలో విటమిన్ సి, యాంటీ ఆక్సిడెంట్ లక్షణాలు పుష్కలంగా ఉంటాయి. కొబ్బరి నూనెలో ఉసిరి రసాన్ని కలిపి తలకు పట్టించడం వల్ల నెత్తిమీద మెలనిన్ ఉత్పత్తి పెరుగుతుంది. అలాగే తెల్ల వెంట్రుకలు రావడాన్ని తగ్గిస్తుంది. అంతేకాదు ఈ నూనె మీ జుట్టును బలంగా కూడా చేస్తుంది.
బృంగరాజ్, నువ్వుల నూనె
జుట్టు సంరక్షణ కోసం "మూలికల రాజు" అని పిలువబడే బృంగరాజ్ తెల్ల జుట్టు మరింత పెరకుండా చేయడంలో చాలా ఎఫెక్టీవ్ గా పనిచేస్తుంది. ఈ నూనెలో అవసరమైన కొవ్వు ఆమ్లాలు, యాంటీ ఆక్సిడెంట్లతో నిండిన నువ్వుల నూనెతో కలిపినప్పుడు ఇది జుట్టుకు మంచి పోషణను అందిస్తుంది, జుట్టు తెల్లబడకుండా చేయడానికి ఇద సహాయపడుతుంది. అలాగే సహజ జుట్టు రంగును కూడా పునరుద్ధరిస్తుంది.
గోరింటాకు. బాదం నూనె
గోరింటాకును జుట్టును ఎన్నో ఏండ్లుగా ఉపయోగిస్తున్నారు. ఇది సహజ రంగు, కండిషనర్‌గా బాగా ఉపయోగపడుతుంది. విటమిన్ ఇ, విటమిన్ బి లు ఎక్కువగా ఉండే బాదం నూనెలో గోరింటాకును కలిపినప్పుడు, ఇది సూక్ష్మమైన ఎరుపు రంగును జోడిస్తుంది. అలాగే జుట్టు కుదుళ్లను బలపరుస్తుంది. ఈ మిశ్రమం సహజంగా తెల్లబడిన జుట్టును కవర్ చేస్తుంది. అలాగే జుట్టు ఆరోగ్యాన్ని మెరుగుపరుస్తుంది.
రోజ్మెరీ నూనె, ఆలివ్ ఆయిల్
రోజ్మేరీ జుట్టు పెరగడానికి బాగా సహాయపడుతుంది. అలాగే దీనిలో స్కాల్ప్ ఆరోగ్యాన్ని మెరుగుపరిచే సామర్థ్యం కూడా ఉంది. ఇకపోతే ఆలివ్ ఆయిల్ లోతైన తేమను అందిస్తుంది. రోజ్మేరీ ఆకులను ఆలివ్ ఆయిల్‌లో కలిపి మసాజ్ చేయడం వల్ల జుట్టు బలంగా మారుతుంది. అలాగే రంగు కూడా మెరుగుపడుతుంది. మొత్తం స్కాల్ప్ ఆరోగ్యాన్ని పెంపొందించడానికి, తెల్లబడే ప్రక్రియను తగ్గించేందుకే ఇది పర్ఫెక్ట్ గా సరిపోతుంది.
బ్లాక్ టీ, జొజోబా నూనె
బ్లాక్ టీలో టానిన్లు పుష్కలంగా ఉంటాయి. ఇవి సహజంగా జుట్టును నల్లగా చేయడానికి, మంచి రంగును ఇవ్వడానికి బాగా సహాయపడతాయి. జొజోబా నూనె, స్కాల్ప్ సహజ నూనెలను పోలి ఉంటుంది. ఇది జుట్టును హైడ్రేట్ చేయడానికి, సమతుల్యం చేయడానికి సహాయపడుతుంది.
ఈ కలయిక తెల్లబడిన జుట్టు రూపాన్ని మెరుగుపరుస్తుంది, పోషణను అందిస్తుంది. అలాగే పొడిబారడాన్ని తగ్గిస్తుంది. ఈ నూనె జుట్టును హెల్తీగా ఉంచుతుంది. జుట్టు రాలడాన్ని కూడా తగ్గిస్తుంది.