Andhra Pradesh Weather : తెలుగు రాష్ట్రాల ప్రజలు వర్షాలకు మరికొద్ది రోజులు ఎదురుచూడాల్సిన పరిస్థితి ఉందని భారత వాతావరణ శాఖ (IMD)హెచ్చరిస్తోంది. తిరిగి వర్షాలు ఎప్పుడు మొదలవనున్నాయో తెలుసా?
తెలుగు రాష్ట్రాల ప్రజలు వర్షాలకు మరికొద్ది రోజులు ఎదురుచూడాల్సిన పరిస్థితి ఉందని భారత వాతావరణ శాఖ (IMD)హెచ్చరిస్తోంది. ప్రస్తుతం బంగాళాఖాతంలో ఏర్పడిన తీవ్ర అల్పపీడనం తెలంగాణ మీదుగా ఉత్తర, పశ్చిమ దిశగా కదులుతూ నెమ్మదిగా బలహీనపడుతోంది. దీని ప్రభావంతో గత రెండు రోజులుగా భారీ వర్షాలు కురిసినా, తదుపరి కొన్ని రోజులు వర్షాలు తగ్గే అవకాశం ఉంది.
25
మేఘావృత వాతావరణం
నేడు తెలుగు రాష్ట్రాల్లో తరచుగా మేఘావృత వాతావరణం, కొన్ని చోట్ల తేలికపాటి నుంచి మోస్తరు వర్షాలు, అక్కడక్కడా ఉరుములు, మెరుపులతో కూడిన వర్షాలు పడే సూచనలు కనిపిస్తున్నాయి. భారీ వర్షాలకు ఎలాంటి హెచ్చరికలు లేవు. కానీ, తుపాను గాలులు గంటకు 40-50కిమీ వేగంతో వీయే అవకాశం ఉంది, కాబట్టి ప్రజలు అప్రమత్తంగా ఉండాలని సూచన.
35
తెలంగాణ వాతావరణ పరిస్థితి
తెలంగాణలోని హైదరాబాద్లో కనిష్ట ఉష్ణోగ్రత 23 డిగ్రీల సెల్సియస్, గరిష్టంగా 32 డిగ్రీల సెల్సియస్ నమోదు కావచ్చని వాతావరణ శాఖ అంచనా. ఆకాశం మేఘావృతంగా ఉండే అవకాశం ఉంది. అయితే, కొన్ని ప్రాంతాల్లో వాతావరణం పొడి స్థితిలో ఉండే అవకాశముంది.
ఇక ఆంధ్రప్రదేశ్ విషయానికి వస్తే.. ఆగస్టులో 8 నుండి 15 రోజులు వర్షాలు పడే అవకాశం ఉంది. రాయలసీమ, కోస్తా జిల్లాల్లో వచ్చే రెండు రోజుల్లో తేలికపాటి నుంచి మోస్తరు వర్షాలు పడే అవకాశముంది. ఇంకా, ఆగస్టు 5 లేదా 6నుంచి వర్షాలు పెరుగుతాయనీ, ఆగస్టు 7, 8 తేదీల్లో భారీ వర్షాలు కురిసే సూచనలు వాతావరణ శాఖ వెల్లడించింది.
55
ముందస్తు జాగ్రత్తలు
తాజా వర్షపాతం సూచనల నేపథ్యంలో ప్రజలు స్థానిక వాతావరణ శాఖ బులెటిన్లు గమనిస్తూ ఉండాలి. లోతట్టు ప్రాంతాల్లో నివసించే ప్రజలు అప్రమత్తంగా ఉండాలి. తక్కువ దూరాల ప్రయాణాలకు వెంటనే బయలుదేరడం లేదా మానుకోవడం ఉత్తమం. ముఖ్యంగా అలర్ట్ జోన్లుగా గుర్తించిన ప్రాంతాల్లో ప్రయాణాలను తాత్కాలికంగా నిలిపివేయడం బెటర్.
