రాములోరి అనుగ్రహం ఉంటే చాలు జీవితంలో ఎలాంటి అడ్డంకులైనా తొలగిపోతాయని నమ్ముతారు. ఇక ఎన్నో ఏండ్ల నుంచి ఈ లోకం ఎదురుచూసిన అద్బుతమైన ఘట్టం ఈ రోజు రానే వచ్చేసింది. ఈ రోజు రామ మందిర ప్రతిష్ట కాబట్టి.. రాములోరి ఆలయం గురించి కొన్ని ఇంట్రెస్టింగ్ విషయాలను ఇప్పుడు తెలుసుకుందాం పదండి..
అయోధ్య రామ మందిర నిర్మాణం హిందూ భక్తుల చిరకాల కల. ఈ కల నెరవేరి ఈ రోజు రాములోరి అయోధ్య రామ మందిరంలో కొలువుదీరారు. ఈ ఆలయం రాముడికి అంకితం చేయబడింది. అయోధ్యను శ్రీరాముడి జన్మస్థలంగా భావిస్తారు. ఈ రోజే అయోద్య రామమందిర ప్రారంభోత్సవం. ఈ ఉత్సవానికి ఎంతో మంది అతిథులు హాజరయ్యారు. రామ మందిరి ప్రతిష్ట సందర్భంగా ఈ రోజు మనం శ్రీరాముడి ఆలయం గురించి కొన్ని ఇంట్రెస్టింగ్ విషయాలను ఇప్పుడు తెలుసుకుందాం..
1.1988 లో అహ్మదాబాద్ కు చెందిన సోంపురా కుటుంబం అయోధ్యలో రామ మందిరం కోసం ఫస్ట్ ప్రణాళికను రూపొందించింది. ఈ కుటుంబానికి ఆలయాల రూపకల్పనలో ప్రావీణ్యం ఉంది. సోమనాథ్ ఆలయంతో పాటుగా ప్రపంచవ్యాప్తంగా ఉన్న ఎన్నో దేవాలయాలను సోంపుర కుటుంబానికి చెందిన తరాల వారే ప్రణాళికలు వేశారు.
2. ప్రధాన ఆర్కిటెక్ట్ శ్రీ చంద్రకాంత్ సోంపురా, అదే తరానికి చెందిన ఆయన ఇద్దరు కొడుకులు శ్రీ నిఖిల్ సోంపురా, శ్రీ ఆశిష్ సోంపురాలు ఎన్నో మార్పులు చేసిన తర్వాత 2020లో ఒక కొత్త డిజైన్ తయారుచేశారు.
3. అయోధ్య ఆలయం కొలతలు ఇలా ఉన్నట్టు అంచనా వేశారు. 250 అడుగుల పొడవు, 380 అడుగుల వెడల్పు, 161 అడుగులు.
4. అయోధ్య ఆలయంలో శివుడు, శిష్ణువుల అవతారాలు ప్రధానంగా ఉంటాయి.
5. అయోధ్య రామ మందిర ఆలయంలో ప్రధాన దైవం శ్రీరాముడు.
అయోధ్య రామ మందిర విశేషాలు
శ్రీరామ జన్మభూమి తీర్థ క్షేత్రం ప్రకారం.. ఈ ఆలయాన్ని సంప్రదాయ నాగర నిర్మణ శైలిలో నిర్మించారు.
ఈ ఆలయం మూడు అంతస్తులు ఉంది. ఒక్కో అంతస్తు ఇరవై అడుగుల ఎత్తులో ఉంది. ఈ ఆలయానికి మొత్తం 44 ద్వారాలు, 392 స్తంభాలు ఉన్నాయి. ఐదు మండపాలు లేదా హాళ్లు ఉన్నాయి.
ఇక ఈ ఆలయం ప్రవేశ ద్వారం తూర్పు నుంచి ఉంటుంది. యాత్రికులు సింగ్ ద్వారం గుండా 32 మెట్లు ఎక్కాలి. అయితే వయసు మళ్లిన వారు, వికలాంగుల కోసం లిఫ్టులు, ర్యాంపులు అందుబాటులో ఉన్నట్టు ట్రస్ట్ పేర్కొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి