ప్రేమ, పెళ్లి చాలా ప్రత్యేకమైనవి. ఇద్దరు వ్యక్తులు జీవితాంతం సంతోషంగా కలిసి ఉండాలంటే.. వారి మససులు, ఇష్టాలు, అభిప్రాయాలు కలవాలి. ప్రేమ పెళ్లి, పెద్దలు కుదిర్చిన పెళ్లి.. ఏదైనా సరే ఒకరి గురించి ఒకరికి పూర్తిగా తెలియకపోయినా, అర్థం చేసుకోలేకపోయినా కలిసుండటం కష్టం. అలాంటప్పుడు బెస్ట్ ఫ్రెండ్స్ ని పెళ్లి చేసుకుంటే ఎలా ఉంటుంది? ఇక్కడ తెలుసుకుందాం.
ప్రేమ పెళ్లి, పెద్దలు కుదిర్చిన పెళ్లి ఏదైనా ఇష్టాలు కలువనప్పుడు విడిపోవడం ఖాయం. కానీ బెస్ట్ ఫ్రెండ్‌నే పెళ్లి చేసుకుంటే ఇలాంటి సమస్యలు రాకపోవచ్చు అంటున్నారు నిపుణలు. మరి స్నేహితులను పెళ్లి చేసుకోవడం వల్ల ఎన్ని లాభాలు ఉన్నాయో ఇక్కడ చూద్దాం.
స్నేహితులను పెళ్లి చేసుకుంటే?
సాధారణంగా స్నేహితులు ఒకరిపై ఒకరు ఇష్టం కలిగి ఉంటారు. ఒకరినొకరు బాగా అర్థం చేసుకొని ఉంటారు. అలవాట్లు, ఇష్టాలు, కష్టాలు అన్నీ స్నేహితులకు తెలుస్తాయి. కాబట్టి స్నేహితులను పెళ్లి చేసుకుంటే వారి మధ్య కమ్యూనికేషన్ గ్యాప్ ఉండదు. ఎలాంటి విషయాన్ని అయినా ఇద్దరు ఒకరితో ఒకరు పంచుకునే అవకాశం ఉంటుంది.
నమ్మకం, నిజాయితీనే అందమైన స్నేహానికి పునాది. ఆల్రెడీ నమ్మిన వ్యక్తిని పెళ్లి చేసుకుంటే జీవితం ఇంకా బాగుంటుంది. అభద్రత భావం ఉండదు.
చాలామంది స్నేహితులకు అభిరుచులు, ఆసక్తి, అలవాట్లు అన్నీచాలా దగ్గరగా ఉంటాయి. కాబట్టి ఈ జంట జీవితాన్ని బాగా ఎంజాయ్ చేయచ్చు. ఒకరి గురించి మరొకరికి పూర్తిగా తెలిసినప్పుడు వారి మధ్య ఎలాంటి దూరాలకు తావుండదు.
తాళి కట్టిన వెంటనే అక్కడ బలమైన బంధం ఏర్పడుతుందని చెప్పలేం. కానీ స్నేహితుల్లో ఆల్రెడీ ఈ బంధం ఉంటుంది. కాబట్టి వారు పెళ్లి చేసుకోవడం ద్వారా వారి బంధం ఇంకా బలపడుతుంది.
స్నేహితులకు ఒకరి గుణం మరొకరికి తెలుస్తుంది. వారు పెళ్లి చేసుకుంటే ఇద్దరూ జీవితాన్ని సంతోషంగా గడుపుతారు. ఎదుటి వ్యక్తి ఏ విషయాన్ని ఎలా తీసుకుంటారో వారికి ముందుగానే అవగాహన ఉంటుంది.
కుటుంబం ఎలా ఉంది? కుటుంబ సభ్యులు ఎలా ఉన్నారు? గతంలో ఏం జరిగింది అనే దాని గురించి కూడా స్నేహితుల మధ్య చర్చ జరుగుతుంది. కాబట్టి కుటుంబ సభ్యుల గురించి ముందుగానే వరకు తెలిసి ఉంటుంది. పెద్దగా ఆందోళన పడాల్సిన అవసరం ఉండదు.
ఇప్పటికే ఒకరినొకరు అర్థం చేసుకుని ఉంటారు. ఇద్దరి ప్లస్, మైనస్ కూడా తెలిసి ఉండడం వల్ల ఇద్దరూ ఒకరికొకరు సహకరించుకుంటూ ఎదగవచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి