ప్రెగ్నెన్సీ టైంలో టీ, కాఫీలను తాగే అలవాటు చాలా మందికి ఉంటుంది. అసలు ఈ సమయంలో టీ, కాఫీలు తాగొచ్చా? తాగితే ఏమౌతుంది? అసలు గర్భిణులు రోజుకు ఎంత కెఫిన్ తీసుకోవాలో ఇప్పుడు తెలుసుకుందాం పదండి.
ప్రెగ్నెన్సీ సమయంలో ఆడవాళ్లు ఫుడ్ విషయంలో చాలా జాగ్రత్తగా ఉండాలి. శారీరక శ్రమ నుంచి జీవనశైలి వరకు రోజువారీ కార్యకలాపాలలో చేసే చిన్న చిన్న పొరపాట్లు కూడా గర్భధారణ సమయంలో తల్లి, బిడ్డ ఆరోగ్యానికి ప్రమాదకరం. మరి ప్రెగ్నెన్సీ సమయంలో టీ, కాఫీలు తాగొచ్చా? తాగితే ఎంత మొత్తం సురక్షితమో ఇప్పుడు తెలుసుకుందాం పదండి.
ప్రెగ్నెన్సీ టైంలో కెఫిన్ ను ఎక్కువ ఎందుకు తీసుకోకూడదు?
పబ్మెడ్ సెంట్రల్ ప్రచురించిన అధ్యయనం ప్రకారం.. కెఫిన్ శరీరంలో.. ముఖ్యంగా మహిళల్లో చాలా నెమ్మదిగా జీవక్రియ అవుతుంది. గర్భిణుల గురించి మాట్లాడితే కెఫిన్ శరీరం నుంయి బయటకు రావడానికి ఒకటిన్నర నుంచి మూడు రెట్లు ఎక్కువ సమయం పడుతుంది. మీరు ప్రెగ్నెన్సీ టైంలో కెఫిన్ ఎక్కువ తీసుకుంటే అది మీ శరీరంలో ఎక్కువ కాలం ఉంటుంది. దీని వల్ల ఇది మావిలో చేరి బిడకడ రక్తప్రవాహంలోకి చేరుతుంది. ఇది రక్తప్రవాహంలోకి చేరితే పిల్లల ఆరోగ్యంపై చాలా ప్రతికూల ప్రభావం పడుతుంది.
నేషనల్ లైబ్రరీ ప్రచురించిన ఒక అధ్యయనం ప్రకారం.. ప్రెగ్నెన్సీ టైంలో కెఫిన్ మహిళల్లో రక్తపోటు, హృదయ స్పందన రేటును పెంచుతుంది. అంతేకాదు శరీరంలో మూత్రం పరిమాణం కూడా పెరుగుతుంది. కెఫిన్ మహిళల్లో చంచలతను పెంచుతుంది. నిద్ర సమస్యలను కూడా కలిగిస్తుంది. చాలా మంది మహిళలు గర్భధారణ సమయంలో కెఫిన్-సున్నితంగా మారుతారు. ఎందుకంటే అవి రక్తం నుంచి శుభ్రపడటానికి ఎక్కువ సమయం పడుతుంది. దీనివల్ల తలనొప్పి, నీరసం, వికారం వంటి సమస్యలను ఎదుర్కోవాల్సి వస్తుంది. ఆడవారి ఆరోగ్యానికి సంబంధించిన ఈ పరిస్థితి ప్రభావం పిల్లల ఆరోగ్యంపై కూడా పడుతుంది.
గర్భస్రావం
పలు పరిశోధనల ప్రకారం.. ఎక్కువ మొత్తంలో కెఫిన్ తీసుకోవడం వల్ల గర్భస్రావం అయ్యే ప్రమాదం పెరుగుతుంది. అంతేకాదు ఇది వంధ్యత్వంతో ముడిపడి ఉంటుంది కూడా. ఇది ఇంకా పూర్తిగా రుజువు కాలేదు. అందుకే ప్రెగ్నెన్సీలో ఎలాంటి రిస్క్ తీసుకోకుండా టీ, కాఫీలను నివారించడం మంచిది.
నేషనల్ ఇన్స్టిట్యూట్ ఆఫ్ హెల్త్ ప్రచురించిన ఒక అధ్యయనం ప్రకారం.. ఒక మహిళ ప్రతిరోజూ 200 మి.గ్రా కంటే ఎక్కువ కెఫిన్ తీసుకుంటే.. గర్భస్రావం ప్రమాదం పెరుగుతుంది. అందుకే మీరు కెఫిన్ ను సాధ్యమైనంత వరకు పరిమితం చేయండి.
గర్భధారణలో కెఫిన్ సురక్షితమైన మొత్తం ఎంత?
నేషనల్ లైబ్రరీ ఆఫ్ మెడిసిన్ ప్రచురించిన అధ్యయనం ప్రకారం.. గర్భిణీ స్త్రీలు లేదా గర్భధారణను ప్లాన్ చేసే ఆడవారు వారి ఆహారంలో తక్కువ మొత్తంలో కెఫిన్ ను చేర్చాలి. రోజుకు 200 మి.గ్రా కంటే తక్కువ కెఫిన్ ను తీసుకోవడానికి ప్రయత్నించండి. దీనివల్ల మీకు ఎలాంటి ప్రమాదం ఉండదు.