పిల్లల పెంపకం విషయంలో పేరెంట్స్ ఎలా ఉండాలి లాంటి చాలా విషయాలు ఎప్పటికప్పుడు చెబుతూనే ఉంటారు. కాగా.. అసలు ఆమె నుంచి మనం ఎలాంటి పేరెంటింగ్ టిప్స్ నేర్చుకోవాలో ఇప్పుడు చూద్దాం...
ఇన్ఫోసిస్ వ్యవస్థాపకుడు నారాయణమూర్తి భార్య సుధామూర్తి తెలియని వాళ్లు ఉండరు. ఆమె చాలా పుస్తకాలు రాశారు. ఒక మంచి రచయితగా ఆమెకు మంచి పేరు ఉంది. అయితే.. సుధామూర్తి ఎప్పటికప్పుడు భార్యభర్తల మధ్య సంబంధం ఎలా ఉండాలి..? పిల్లల పెంపకం విషయంలో పేరెంట్స్ ఎలా ఉండాలి లాంటి చాలా విషయాలు ఎప్పటికప్పుడు చెబుతూనే ఉంటారు. కాగా.. అసలు ఆమె నుంచి మనం ఎలాంటి పేరెంటింగ్ టిప్స్ నేర్చుకోవాలో ఇప్పుడు చూద్దాం...
పిల్లలు చాలా విషయాలు తమ పేరెంట్స్ నుంచే నేర్చుకుంటారు. అందుకే.. మనం పిల్లల నుంచి ఏది ఆశిస్తున్నామో.. ముందుగా దానిని మనం ఆచరించాలి. సుధామూర్తి ఇదే ఫార్ములాను ఉపయోగించారట. ఆమె తెలివి, ఎంత ఎదిగినా ఒదిగి ఉండేలక్షణం ఇవన్నీ.. ఆమెతో పాటు.. ఆమె పిల్లలు కూడా నేర్చుకున్నారు.
సుధామూర్తి బ్యాగ్రౌండ్ గురించి అందరికీ తెలుసు. వారి దగ్గర కోట్లలో సంపదన ఉంది. కానీ అయినా ఆమె మాత్రం చాలా సింపుల్ గానే ఉంటారు. హంగు, ఆర్భాటాలకు ఏరోజుపోలేదు. అంబానీ ఇంట పెళ్లికి వెళ్లినా.. ఆమె తనను తాను మార్చుకోలేదు. చాలా సింపుల్ గా ఉంటారు. పేరెంట్స్ డబ్బు ఉందని అహం చూపిస్తే.. పిల్లలు కూడా అదే నేర్చుకుంటారు. కాబట్టి.. ముందు ఎంత ఎదిగినా.. ఒదిగి ఉండే స్వభావాన్ని పేరెంట్స్ ఫాలో అయితే... పిల్లలు కూడా ఆ లక్షణం నేర్చుకుంటారు.
సుధామూర్తి చదువుకు చాలా విలువ ఇస్తారు. పిల్లల చదువు విషయంలో పేరెంట్స్ కచ్చితంగా జాగ్రత్తలు తీసుకోవాలట. పిల్లలకు చదువును ప్రేమగా నేర్చుకునేలా ప్రోత్సహించాలట. చదువు అనేది కేవలం పిల్లల కెరీర్ కోసం మాత్రమే కాదు... వారి పర్సనల్ గ్రోత్, ఫుల్ ఫిల్మెంట్ కోసం నేర్పించాలి అని ఆమె చెబుతున్నారు.
సుధామూర్తి తన జీవితంలో చాలా కష్టపడ్డారు. చాలా మంది మనం కష్టపడ్డాం కదా.. మన పిల్లలకు ఆ కష్టం తెలియకూడదు అని వారికి అన్నీ స్పూన్ ఫీడింగ్ చేస్తూ ఉంటారు. కానీ.. అలా కాకుండా... పిల్లలకు కూడా కష్టం విలువ తెలిసేలా చేయాలని ఆమె అంటుంటారు. డెడికేషన్ లేకుండా... విజయం ఎవరి సొంతం కాదు.
ఇక.. ఆమె తన పిల్లలను ఇతరుల పట్ల దయతో ఉండేలా ఎంకరేజ్ చేస్తూ ఉంటారు. సమాజం పట్ల దయగా, ఇతరులకు సహాయం చేసేలా ఉండాలని నేర్పించారట. ఇక పిల్లలను ఎవరిమీద ఆధారపడకుండా... స్వతంత్రంగా ఉండేలా నేర్పించాలని ఆమె చెబుతూ ఉంటారు. వారి నిర్ణయాలు వారు తీసుకునేలా ప్రోత్సహించాలని చెబుతుంటారు.
ఇక మనం ఎక్కడ ఉన్నా మన సంస్కృతీ, సంప్రదాయాలకు కచ్చితంగా విలువ ఇవ్వాలని ఆమె చెబుతుంటారు. ఇది కూడా పిల్లలు... తమ పేరెంట్స్ నుంచే నేర్చుకుంటారు. కొత్త విషయాలు, కొత్త సంస్కృతులు తెలుసుకుంటూనే... మన సంప్రదాయాలకు విలువ ఇవ్వాలని ఆమె చెబుతుంటారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి