మీరు పిల్లలను ఉదయాన్నే తిట్టడం లాంటివి చేస్తే అది వారిపై నెగిటివ్ ప్రభావం ఎక్కువగా చూపిస్తుంది. కాబట్టి,...మనం వారితో మాట్లాడే మాటల విషయంలో చాలా జాగ్రత్తగా ఉండాలి.
ప్రతి పేరెంట్స్ పిల్లల నుంచి చాలా ఆశిస్తారు. తమ పిల్లలు ఇలా ఉండాలి.. అలా ఉండాలి అని ఎన్నో హోప్స్ పెట్టుకుంటారు. అయితే... పేరెంట్స్ కి అయితే ఎలా పిల్లలపై అంచనాలు పెట్టుకుంటారో... పిల్లలు కూడా పేరెంట్స్ నుంచి కొన్ని విషయాలను ఆశిస్తూ ఉంటారు. ముఖ్యంగా ఉదయం లేవగానే.. పిల్లలు తమ పేరెంట్స్ దగ్గర నుంచి కొన్ని వినాలని అనుకుంటూ ఉంటారట. మరి అవేంటో ఓసారిచూద్దాం..
మనం ఉదయాన్నే పిల్లలతో మాట్లాడే మాటలు వారి రోజంతా ప్రభావం చూపిస్తాయి. మనం వారితో పాజిటివ్ గా మాట్లాడితే.. వారి రోజంతా పాజిటివ్ గా గడుపుతారు. అలా కాకుండా మీరు పిల్లలను ఉదయాన్నే తిట్టడం లాంటివి చేస్తే అది వారిపై నెగిటివ్ ప్రభావం ఎక్కువగా చూపిస్తుంది. కాబట్టి,...మనం వారితో మాట్లాడే మాటల విషయంలో చాలా జాగ్రత్తగా ఉండాలి.
పిల్లలు ఉదయం లేవగానే.. వాళ్లను బ్రష్ చెయ్యి, టిఫిన్ చెయ్యి.. స్కూల్ కి టైమ్ అవుతోంది అనే కంగారు పెట్టకూడదు. ముందు.. వాళ్లను ప్రేమగా దగ్గరకు తీసుకొని, చక్కగా కౌగిలించుకొని గుడ్ మార్నింగ్ చెప్పాలి. అది నువ్వుకుంటూ హ్యాపీ ఫేస్ తో చెప్పాలి. ఈ ఒక్క గుడ్ మార్నింగ్ పిల్లలు ఆ రోజంతా ఉత్సాహంగా, హ్యాపీగా ఉండటానికి సహాయపడుతుంది.
ఉదాయాన్నే పిల్లలకు స్కూల్, మనకు ఆఫీసులు చాలా హర్రీగా ఉంటుంది. అయితే.. ఎంత హడావిడిగా ఉన్నా కూడా కాసేపు అయినా పిల్లలతో క్వాలిటీ సమయం కేటాయించాలి. కాసేపు పిల్లలతో ప్రశాంతంగా మాట్లాడటానికి ప్రయత్నించండి. ఆ మాటలు కూడా అర్థవంతంగా ఉండేలా చూసుకోవాలి.
నిద్రలో చాలా మందికి కలలు వస్తూ ఉంటాయి. అయితే.. మనకే కాదు... పిల్లలకు కూడా కలలు వస్తూ ఉంటాయి. అయితే.. మీ పిల్లలకు కూడా అలాంటి కలలు వచ్చాయేమో అడిగి తెలుసుకోండి. ఉదయం పూట మీరు మాట్లాడటమే కాదు.. పిల్లలను కూడా మాట్లాడనివ్వాలి. వారి ఆలోచనలను కూడా మీతో పంచుకునే ఛాన్స్ ఇవ్వాలి. అప్పుడు వారి టెన్షన్స్, యాంక్సైటీ ఇష్యూస్ ఏమైనా ఉంటే.. తగ్గిపోతాయి.
పిల్లలకు రోజూ ఒక్కసారైనా వారికి మీరంటే ఎంత ఇష్టమో వారికి తెలియజేయాలి. అది కూడా ఉదయాన్నే వారికి ఐలవ్ యూ చెప్పడం.. వారి ఫేస్ చూడటం వల్ల మీకు ఎంత సంతోషం కలిగిందో వారికి తెలియజేయాలి.
మీ పిల్లలకు ఈరోజు ప్లాన్స్ ఏంటి,,? ఏం చేయాలి అనుకుంటున్నావ్..? లాంటివి అడగాలి. దాని వల్ల.. వారికి కూడా రోజూ ఈ ప్రశ్నకు సమాధానం చెప్పడానికి చాలా ఎక్సైటింగ్ గా ఫీలౌతారు. కొత్తివి నేర్చుకోవడానికి, వాటి గురించి మీకు చెప్పడానికి ఎక్కువ ఆసక్తి చూపిస్తారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి