ముఖ్యంగా ఒకే బిడ్డ ఉన్న పేరెంట్స్ ఈ పొరపాట్లు చాలా ఎక్కువ చేస్తూ ఉంటారట. పేరెంట్స్ చేసే తప్పులు.. పిల్లల అభివృద్ధికి ఆటంకం కలిగిస్తాయట. మానసికంగా, ఎమోషనల్ గా వారి ఆరోగ్యాన్ని చాలా ప్రభావితం చేస్తుందట. మరి పిల్లలను పెంచే క్రమంలో ఎలాంటి తప్పులు చేయకూడదో తెలుసుకుందాం....
పిల్లలను ఉన్నతంగా పెంచడం పేరెంట్స్ కి పెద్ద ఛాలెంజ్ లాంటిదే. పిల్లలు ఎలాంటి తప్పులు చేయకుండా, మంచిగా ఎదగాలనే పేరెంట్స్ కోరుకుంటారు. అయితే.. ఈ క్రమంలో పేరెంట్స్ చాలా తప్పులు చేస్తూ ఉంటారు. ముఖ్యంగా ఒకే బిడ్డ ఉన్న పేరెంట్స్ ఈ పొరపాట్లు చాలా ఎక్కువ చేస్తూ ఉంటారట. పేరెంట్స్ చేసే తప్పులు.. పిల్లల అభివృద్ధికి ఆటంకం కలిగిస్తాయట. మానసికంగా, ఎమోషనల్ గా వారి ఆరోగ్యాన్ని చాలా ప్రభావితం చేస్తుందట. మరి పిల్లలను పెంచే క్రమంలో ఎలాంటి తప్పులు చేయకూడదో తెలుసుకుందాం....
ఇద్దరు పిల్లలు ఉన్నవారు.. వారి ఫోకస్ ఇద్దరిపై పెడుతూ ఉంటారు. కానీ... సింగిల్ కిడ్ ఉన్నవారు మాత్రం.. ఇద్దరూ కలిసి ఒకే బిడ్డపై ఫోకస్ పెడతారు. ఓవర్ ప్రొటెక్షన్ చూపిస్తారు. ఒక్కగానొక్క బిడ్డ అని..వారు చూపించే అతి ప్రేమ... కొంప ముంచుతుంది.ప్రతి ఆపద నుంచి బిడ్డను కాపాడే పేరుతో బయటి ప్రపంచంతో మమేకం కానివ్వరు. ఇది చాలా పెద్ద తప్పు. ఈ తప్పు పేరెంట్స్ అసలు చేయకూడదు. . పిల్లల భద్రతకు సంబంధించి శ్రద్ధ తీసుకోవడం ఎంత ముఖ్యమో, బయటి ప్రపంచం గురించి వారికి అవగాహన ఉండటం కూడా అంతే ముఖ్యం. ఇలా చేయకపోవడం వల్ల పిల్లలు సామాజికంగా ఎదగలేరు.
తాము కష్టపడేది, సంపాదించేది కేవలం తమ పిల్లల కోసమే అని.. వారు సంపాదించినది అంతా తమ పిల్లల కోసమే అని, అలాంటిది వారి కోరికలు తీర్చుకుంటే ఏలా అని చాలా మంది పేరెంట్స్ అంటూ ఉంటారు. కానీ ఈ ఆలోచన చాలా తప్పు అని నిపుణులు చెబుతున్నారు. ఈ ఆలోచన కారణంగా చాలా మంది తల్లిదండ్రులు పిల్లల ప్రతి డిమాండ్‌ను నెరవేరుస్తున్నారు. కానీ అది చాలా ప్రమాదం.
బిడ్డకు ప్రేమ, ఆప్యాయత అనే పేరుతో కొందరు తల్లిదండ్రులు క్రమశిక్షణకు పరిమితులు మరిచిపోతుంటారు. పెద్దలు , ఇతర వ్యక్తులతో ఎలా ప్రవర్తించాలో , క్రమ శిక్షణగా ఉండటం నేర్పరు. శ్రద్ధ చూపకపోతే, అటువంటి పిల్లలలో హింసాత్మక ధోరణులు పెరిగే అవకాశం ఉంది. తరువాత, ఈ స్వభావం ప్రతి ఒక్కరికీ ప్రాణాంతకం.
పిల్లలకు తగినంత సమయం ఇవ్వడం చాలా ముఖ్యం. తన భావాలను పంచుకోవడానికి అతనికి సోదరుడు లేదా సోదరి ఎవరూ లేనందున, ఒకే బిడ్డ విషయంలో ఇది మరింత ముఖ్యమైనది. కొన్నిసార్లు తల్లిదండ్రులు తమ సమయాన్ని ఆఫీసులో గడుపుతారు , పిల్లల మంచి పెంపకం కోసం పని చేస్తారు. ఇది పిల్లల మానసిక వికాసానికి చాలా హానికరం. మంచి పెంపకం అంటే డబ్బు మాత్రమే కాదు.
పిల్లలను సంతోషంగా ఉంచడానికి, తల్లిదండ్రులు తరచుగా అతని భావోద్వేగాలను అణిచివేస్తారు. పిల్లవాడు ఏదయినా ఏడుస్తుంటే, అంత చిన్న విషయానికి ఏడవకూడదని చెప్పారు. అలా చేయడం ద్వారా, తల్లిదండ్రులు అతని భావోద్వేగాలను పరిమితం చేస్తారు. ఇది చేయవద్దు. పిల్లవాడు శబ్దానికి భయపడితే, అటువంటి పరిస్థితిలో భయపడటం సహజమని అతనికి వివరించండి. అలాగే, అతను తన భయాన్ని నియంత్రించగల మార్గాల గురించి చెప్పండి. ఇలా చేయడం వల్ల పిల్లల్లో ఎమోషన్స్ పెరగడమే కాకుండా భావోద్వేగాలను అదుపులో ఉంచుకోవడం కూడా నేర్చుకుంటారు.
ప్రపంచంలో ఎవరూ పర్ఫెక్ట్ కాదు. కానీ చాలా మంది పేరెంట్స్ తమ పిల్లలు అన్ని విషయాల్లో పర్ఫెక్ట్ గా ఉండాలని అనుకుంటారు. కొన్నిసార్లు పిల్లల నుండి పరిపూర్ణతను ఆశించడం కూడా అతనిపై ప్రతికూల ప్రభావాన్ని చూపుతుంది. కొంతమంది తల్లిదండ్రులు తమ పిల్లల సంతోషం కోసం అన్ని ప్రయత్నాలు చేస్తున్నందున, బిడ్డ కూడా వారి అంచనాలకు అనుగుణంగా జీవించాలని భావిస్తారు. కొన్నిసార్లు ఈ అంచనాలు కెరీర్‌కు సంబంధించినవి కూడా. ఇందులో బిడ్డ తనకు ఏమి కావాలో తెలుసుకోలేరు. దాని వల్ల పిల్లలు ఎక్కువగా నిరాశ చెందుతారు. కాబట్టి... ఈ విషయంలో పేరెంట్స్ జాగ్రత్తగా ఉండాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి