భారత్‌ కంటే పాకిస్థాన్‌ ప్రజలు ఎందుకు సంతోషంగా ఉన్నారు? అసలు ఇదెక్కడి లాజిక్‌

Happiness index: 'అంతర్జాతీయ సంతోష దినోత్సవం' సందర్భంగా, ఐక్యరాజ్యసమితి 'సంతోష సూచిక 2025' ను విడుదల చేసింది . ఈ జాబితాలో 147 దేశాలకు స్థానం లభించింది. అత్యంత సంతోషకరమైన దేశాల జాబితాలో ఫిన్లాండ్ అగ్రస్థానంలో నిలిచింది. ఈ దేశం గత 8 సంవత్సరాలుగా సంతోష సూచికలో మొదటి స్థానంలో ఉంది. ఇది కాకుండా, ఈ జాబితాలో డెన్మార్క్ రెండవ స్థానంలో, ఐస్లాండ్ మూడవ స్థానంలో, తరువాత స్వీడన్ మరియు నెదర్లాండ్స్ ఐదవ స్థానంలో ఉన్నాయి.   

ప్రపంచంలోని 147 దేశాల జాబితాలో భారతదేశం 118వ స్థానంలో ఉంది. అంటే గత సంవత్సరంతో పోలిస్తే భారతదేశ పరిస్థితి మెరుగుపడినప్పటికీ, ప్రజల ఆనందం పరంగా భారతదేశ పరిస్థితి అంత బాగా లేదు. గత సంవత్సరం భారతదేశం 126వ స్థానంలో ఉంది. ఆశ్చర్యకరమైన విషయం ఏమిటంటే, 2025 సంతోష సూచికలో పాకిస్తాన్ స్థానం మనకంటే మెరుగ్గా ఉంది. భారతదేశంతో పోలిస్తే, పాకిస్తాన్ 9 స్థానాలు పైకి వచ్చి 109వ స్థానంలో ఉంది. మరి నిజంగానే పాకిస్థాన్‌ ప్రజలు, భారతదేశం కంటే ఎక్కువ సంతోషంగా ఉన్నారా.? దీని వెనకాల ఉన్న అసలు విషయం ఏంటో ఇప్పుడు తెలుసుకుందాం. 

ఉగ్ర నీడలో ఉన్న పాకిస్థాన్‌లో సంతోషం ఎలా.? 

హ్యాపీనెస్‌ ఇండెక్స్‌లో పాకిస్థాన్‌, భారత్‌ కంటే మెరుగైన స్థానంలో ఉండడం అందరినీ ఆశ్చర్యానికి గురి చేస్తోంది. నిజానికి పాకిస్తాన్ గత కొన్ని సంవత్సరాలుగా ఆర్థిక సంక్షోభాన్ని ఎదుర్కొంటోంది. గతేడాది పాకిస్థాన్‌లో పెద్ద రాజకీయ తిరుగుబాటు కనిపించింది. ఈ సమయంలో ద్రవ్యోల్బణం కారణంగా పాకిస్తాన్ ప్రజలు ఆకలితో అలమటిస్తున్న ఇలాంటి అనేక వీడియోలు బయటకు వచ్చాయి. అంతేకాదు పాకిస్థాన్‌లో ఉగ్రవాద సంఘటనలు కూడా పెరిగాయి. ప్రతిరోజూ ఇక్కడ ఏదో ఒక పేలుడు సంభవిస్తూనే ఉంది, ఈ దాడుల్లో వందలాది మంది ప్రాణాలు కోల్పోతున్నారు. పాకిస్థాన్‌తో పోల్చితే భారతదేశం చాలా సురక్షితమైన దేశం. ప్రపంచంలోనే అతిపెద్ద ప్రజాస్వామ్య దేశం. అయినా పాకిస్థాన్‌ భారత్‌ ఉన్నత స్థానంలో ఉండడం అందరినీ ఆశ్చర్యానికి గురి చేసింది. 

happy

ఆనందాన్ని ఎలా నిర్ణయిస్తారు.? 

నివేదిక ప్రకారం ఒక దేశం శ్రేయస్సును నిర్ణయించడానికి అనేక పేరామిటర్స్ ఉన్నాయి. ఆర్థికాభివృద్ధి మాత్రమే కాకుండా, పరస్పర నమ్మకం, సామాజిక బంధం, ఆరోగ్యం,  స్వేచ్ఛ కూడా పరిగణలోకి తీసుకుంటారు. దేశ ప్రజలను వారి జీవితాల గురించి కూడా ప్రశ్నలు అడుగుతారు. భారతదేశం, పాకిస్తాన్ విషయానికొస్తే, సర్వే నమూనా పరిమాణం కూడా ముఖ్యమైన పాత్ర పోషిస్తుంది. నిజానికి పాకిస్తాన్ జనాభా భారతదేశంలో అత్యధిక జనాభా కలిగిన ఉత్తరప్రదేశ్ రాష్ట్రం కంటే కొంచెం ఎక్కువ. కాగా భారతదేశం ప్రపంచంలోనే అత్యధిక జనాభా కలిగిన దేశం. అటువంటి పరిస్థితిలో రెండు దేశాల నమూనా పరిమాణంలో పెద్ద వ్యత్యాసం ఉంది. 

afghanistan Earthquake

చివరి స్థానంలో ఏ దేశం ఉందంటే.? 

హ్యాపీనెస్‌ ఇండెక్స్‌లో ప్రపంచంలోని 147 దేశాలను చేర్చారు. ఈ జాబితాలో ఆఫ్ఘనిస్తాన్ అట్టడుగున నిలిచింది. అంటే ఇది ప్రపంచంలోనే అత్యంత దురదృష్టకర దేశం. ఆఫ్ఘనిస్తాన్ పైన సియెర్రా లియోన్, లెబనాన్, మలావి, జింబాబ్వే ఉన్నాయి. ప్రపంచంలో అత్యంత సంతోషంగా లేని ఐదు దేశాలు ఇవే.