ఇండియాలో టాప్ 10 విద్యాసంస్థలివే.. ర్యాంకింగ్ లో ఫస్ట్ 3 మన దక్షిణాదివే
NIRF rankings 2025 : కేంద్ర ప్రభుత్వం దేశవ్యాప్తంగా ఉన్న విద్యాసంస్థల ర్యాంకింగ్స్ ప్రకటించింది. ఇందులో దక్షణాదికి చెందిన కాలేజీలు దుమ్మురేపాయి… ఓవరాల్ గా టాప్ 3 ఇక్కడివే. వివిధ కేటగిరీల్లో టాప్ 10 లో నిలిచిన కాలేజీల గురించి తెలుసుకుందాం.
Top Educational Institutes in India : ఏ పేరెంట్స్ అయినా తమ పిల్లలకు మంచి పేరున్న విద్యాసంస్థలోనే చదివించాలని కోరుకుంటారు. ముఖ్యంగా ఉన్నత చదువుల కోసం ఎంతయినా ఖర్చు చేసి మంచి కాలేజీని ఎంపికచేసుకోవాలని అనుకుంటారు... అందుకే చాలామంది తమ పిల్లలను విదేశాల్లో చదివించడానికి కూడా వెనకాడటం లేదు. అయితే మన దేశంలో కూడా వరల్డ్ క్లాస్ విద్యాబోధన, సౌకర్యాలు కలిగిన ఎడ్యుకేషనల్ ఇన్స్టిట్యూట్స్ ఉన్నాయి. దేశవ్యాప్తంగా వివిధ విభాగాల్లో అత్యుత్తమ విద్యాసంస్థలను తాజాగా కేంద్రం ప్రకటించింది.
కేంద్ర విద్యాశాఖ ప్రతిఏటా ప్రముఖ విద్యాసంస్థలను వివిధ అంశాల ఆధారంగా పరిశీలించి ర్యాంకింగ్స్ ఇస్తుంది... తాజాగా 2025కు గాను నేషనల్ ఇన్ట్సిట్యూట్ ర్యాంకింగ్ ప్రేమ్ వర్క్ (NIRF) కింద ర్యాంకింగ్స్ ప్రకటించారు. దేశ రాజధాని న్యూడిల్లిలో భారత్ మండప్ లో ఈ ర్యాంకుల విడుదల కార్యక్రమం జరిగింది... కేంద్ర మంత్రి ధర్మేంద్ర ప్రధాన్ 10వ ఎడిషన్ ర్యాంకింగ్స్ ప్రకటించారు.
వివిధ కేటగిరీల్లో విద్యాసంస్థలకు ర్యాంకులను ప్రకటించారు. ఇందులో ఓవరాల్ (మొత్తం), యూనివర్సిటీలు, కాలేజీలు, రీసెర్చ్ ఇన్స్టిట్యూట్స్, ఇంజనీరింగ్, మేనేజ్మెంట్, ఫార్మసీ, మెడికల్, డెంటల్, లా, ఆర్టిటెక్చర్ ఆండ్ ప్లానింగ్,అగ్రికల్చర్ ఆండ్ అనుబంధ రంగాలు, ఓపెన్ యూనివర్సిటీలు, స్కిల్ యూనివర్సిటీలు, స్టేట్ పబ్లిక్ యూనివర్సిటీస్ వారిగా ర్యాంకులు కేటాయించారు. ఇలా దేశవ్యాప్తంగా అత్యుత్తమ యూనివర్సిలు, కాలేజీలు, ప్రత్యేక విద్యాలయాల జాబితా విడుదల చేశారు. ఈ ర్యాంకింగ్ ఉన్నత విద్యాసంస్థల పనితీరును తెలియజేస్తాయి.