Airport: ఐటీ సిటీలో మరో ఎయిర్పోర్ట్.. స్థలాలను పరిశీలించిన అధికారులు
సిలికాన్ వ్యాలీ ఆఫ్ ఇండియాగా పిలుచుకునే బెంగళూరు పట్టణంలో మరో ఎయిర్ పోర్ట్ అందుబాటులోకి రానుంది. పెరుగుతోన్న అవసరాలకు అనుగుణంగా నగరంలో మరో అంతర్జాతీయ విమానాశ్రయం రావాలని చాలా రోజుల నుంచి ప్రతిపాదనలు వస్తున్నాయి. ఈ క్రమంలోనే ఎట్టకేలకు ఈ దిశగా కేంద్ర ప్రభుత్వం అడుగులు వేస్తోంది. ఇందులో భాగంగానే తాజాగా ఎయిర్ పోర్ట్ అథారిటీ ఆఫ్ ఇండియా అధికారులు నగరంలో పలు స్థలాలను పరిశీలించారు. ఈ వివరాలను పరిశ్రమల శాఖ మంత్రి ఎంబి పాటిల్ గురువారం మీడియాకు తెలిపారు.
బెంగళూరులో నిర్మించనున్న రెండవ విమానాశ్రయం కోసం రాష్ట్ర ప్రభుత్వం గుర్తించిన మూడు స్థలాలను ఎయిర్పోర్ట్స్ అథారిటీ ఆఫ్ ఇండియా (AAI) బృందం పరిశీలించింది. అధికారులు వచ్చే నెలలో తమ అభిప్రాయాన్ని తెలియజేస్తారు. అనంతరం పూర్తి అధ్యయనం కోసం విమానాశ్రయాన్ని అభివృద్ధి చేస్తున్న కంపెనీలకు పంపుతారని, ఆ తర్వాత ప్రభుత్వం స్థలాన్ని ఖరారు చేస్తుందని మంత్రి పాటిల్ తెలిపారు.
గురువారం ఆయన మీడియాతో మాట్లాడుతూ.. "AAI బృందం వచ్చి వెళ్లిపోయిన మాట నిజమే" అని అన్నారు. విమానాశ్రయాన్ని ఎక్కడ నిర్మించాలనేది ప్రయాణీకుల సంఖ్య, కార్గో ట్రాఫిక్, పారిశ్రామిక అవసరాలపై ఆధారపడి ఉంటుంది. దేవనహళ్లి దగ్గర ఇప్పుడు విమానాశ్రయం ఉంది. ఇక్కడి నుండి 2033 వరకు 150 కి.మీ.. చాలా దూరంలో మరో విమానాశ్రయం నిర్మించకూడదనే షరతు ఉంది. మనం ఇప్పుడే ప్రారంభిస్తే 2030 నాటికి రెండవ విమానాశ్రయం అందుబాటులోకి వస్తుందని తెలిపారు.