AI Baby : ఇదెక్కడి విడ్డూరం ... ఆర్టిఫిషియల్ ఇంటెలిజెన్స్ ఆమెను తల్లిని చేసిందా..!

ఆర్టిఫిషియల్ ఇంటెలిజెన్స్ రాకతో ఊహకందని సంఘటనలు చోటుచేసుకుంటున్నాయి. అదీఇదని కాదు అన్నిరంగాల్లో ఈ ఏఐ అద్భుతాలు చేస్తోంది. వైద్యరంగంలో కూడా ఈ ఏఐ సేవలు మొదలయ్యింది. చివరకు ఓ మహిళను ఈ ఏఐ తల్లిని చేసింది. ఈ వింత వ్యవహారం గురించి ఇక్కడ తెలుసుకుందాం...  

new born baby

Artificial Intelligence : టెక్నాలజీ కొత్తపుంతలు తొక్కుతున్నకొద్దీ వింతలు, విడ్డూరాలు ఆవిష్కృతం అవుతాయి. అత్యాధునిక టెక్నాలజీని ఉపయోగించి అద్భుతాలు చేయవచ్చు. ఇప్పుడు ఆర్టిఫిషియల్ ఇంటెలిజెన్స్ అదే చేస్తోంది. టెక్నాలజీలో మరో విప్లవంగా పేర్కొంటున్న ఏఐ ఇప్పటికే అనేక రంగాల్లో ప్రవేశించి మానవ మేధస్సుకు మించిన పనులు చేస్తోంది. చివరకు వైద్య రంగంలోనూ ఏఐ ఎంటరయ్యింది. మనిషి ప్రాణాలు కాపాడటమే కాదు ప్రాణం పోసే స్థాయికి ఏఐ డెవలప్ అయ్యింది.

ఓ మహిళ ఏఐ సాయంతో గర్భం దాల్చడమే కాదు పండంటి బిడ్డకు జన్మనిచ్చింది. ఇలా ప్రపంచంలోనే మొదటి ఏఐ బిడ్డ  మెక్సికోలో జన్మించాడు. ఏఐ ఏమిటి... మహిళను తల్లిని చేయడం ఏమిటని ఆశ్చర్చపోతున్నారా? అయితే మీరు ఈ స్టోరీ పూర్తిగా చదవాల్సిందే. 

Artificial Intelligence

ప్రపంచంలోనే తొలి ఏఐ బేబీ జననం... 

సాధారణంగా ఓ ఆడ, మగ శారీరకంగా ఒక్కటయితే పిల్లలు పుడతారు. కానీ వివిధ కారణాల వల్ల పిల్లలులేక బాధపడుతున్న జంటలకు వైద్య పద్దతిలో సంతానం కలిగేలా చేస్తున్నారు. ఇందుకోసమే ప్రతిచోట సంతాన సాఫల్య కేంద్రాలు వెలుస్తున్నాయి. సాధారణంగా గర్భం దాల్చలేకపోతున్న మహిళలకు వివిధ వైద్య పద్దతుల్లో గర్భం దాల్చేలా చేస్తారు. ఇందుకోసం IVF (ఇన్ విట్రో ఫెర్టిలైజేషన్),  IUI (ఇంట్రాయుటెరైన్ ఇన్ సెమినేషన్) వంటి అనేక వైద్య పద్దతులు ఉన్నాయి. 

అయితే ఇప్పుడు ఏఐ రాకతో ఈ వైద్య పద్దతులు కూడా మారిపోయాయి. సాధారణంగా ఐవిఎఫ్ లో ICSI (intracytoplasmic sperm injection) పద్దతిని ఉపయోగిస్తారు. అంటే ఇది వైద్య నిపుణుల పర్యవేక్షణలో జరుగుతుంది. మహిళ నుండి అండాన్ని సేకరించి దానిలో వీర్యకణాన్ని ఇంజెక్ట్ చేసేవరకు అంతా మాన్యువల్ గా జరుగుతుంది. 23 దశల్లో జరిగే ఈ కృత్రిమ గర్భధారణ పద్దతిని నిపుణులైన ఎంబ్రియాలజిస్టుల దగ్గరుండి పర్యవేక్షిస్తారు. 

అయితే ఆర్టిఫిషియల్ ఇంటెలిజెన్స్ రాకతో ఈ గర్భధారణ పద్దతి పూర్తిగా మారిపోతోంది. వీర్యాన్ని సెలెక్ట్ చేయడం దగ్గరినుండి అండంలోకి దాన్ని ఇంజెక్ట్ చేసేవరకు గల 23 స్టెప్స్ ఏఐ సాయంతో అత్యాధునిక వైద్య పరికరాలే చేస్తున్నాయి. మనిషి ప్రమేయం లేకుండానే ఇదంతా జరిగిపోతోంది. కేవలం ఇదంతా ఎలా జరుగుతుందో వైద్య నిపుణులు పర్యవేక్షిస్తే చాలు.  ఇలా ఏఐ ఆధారిత ఐవిఎఫ్ సిస్టమ్ ద్వారా ఓ మహిళ గర్భం దాల్చి పండంటి బిడ్డకు జన్మనిచ్చింది. ఈ శిశువు ఏఐ సాయంతో భూమిపైకి వచ్చిన మొదటి వ్యక్తి. 

Artificial Intelligence

వైద్యరంగంలో ఏఐ అద్భుతం... 

మెక్సికోలోని వాదులహార నగరంలో ఓ 40 ఏళ్ల మహిళ ఏఐ ఆధారిత ఐవిఎఫ్ పద్దతిలో గర్భం దాల్చింది. తాజాగా ఆమె సంపూర్ణ ఆరోగ్యంతో ఉన్న బిడ్డను జన్మనిచ్చింది. ఇలా ఏఐ టెక్నాలజీ సాయంతో ఓ ప్రాణం పోసుకోవడం యావత్ ప్రపంచాన్ని ఆశ్చర్యానికి గురిచేస్తోంది... ఇది ప్రపంచవ్యాప్తంగా చర్చనీయాంశంగా మారింది. 

స్పెర్మ్ ను సెలెక్ట్ చేసుకుని దాన్ని డోనార్ అండంలోకి ఇంజెక్ట్ చేయడంవరకు ఏఐ ఆధారిత యంత్రాలే చేసాయి. ఇలా ఫర్టిలైజేషన్ సక్సెస్ ఫుల్ గా జరిగింది. ఇలా రెడీచేసిన ఐదు అండాల్లో ఆరోగ్యంగం ఉన్నదాన్ని మహిళ గర్భంలోకి చేర్చారు. దీంతో ఆమె గర్భంలో నవమాసాలు పెరిగిన శిశువు ఇటీవలే భూమిపైకి వచ్చాడు.   

ఇలా ఆర్టిఫిషియల్ ఇంటెలిజెన్స్ అందుబాటులోకి రావడంతో వైద్యరంగంలో మరిన్ని అద్భుతాలు జరగనున్నాయి.  ఈ ఏఐ ఆధారిత ఐవిఎఫ్ పై మరిన్ని పరిశోధనలు జరుగుతున్నాయి... త్వరలోనే ఇది అన్నిచోట్ల అందుబాటులోకి వస్తుందని వైద్య నిపుణులు చెబుతున్నారు.