ఏసీతో పాటు ఫ్యాన్ వేస్తే కరెంట్ బిల్ పెరుగుతుందా? తగ్గుతుందా?

చాలా మంది ఏసీతో పాటు ఫ్యాన్‌ వేయాలా వద్దా అనే సందేహం ఉంటుంది. ఇలా వేయడం వల్ల కరెంటు బిల్లు పెరుగుతుందేమో అని భయపడుతూ ఉంటారు. అయితే ఏసీతో పాటూ ఫ్యాన్ వేయడం వల్ల కరెంటు బిల్లు పెరుగుతుందా లేక తగ్గుతుందా? అసలు విషయం తెలుసుకోండి.

ఏసీతో పాటూ ఫ్యాన్ వేయాలా?

ఇప్పుడు ప్రతి ఇంట్లో ఏసీ, ఫ్యాన్ ఉంటున్నాయి. అయితే చాలా మందిలో ఏసీతో పాటు ఫ్యాన్ వేయాలా వద్దా అనే సందేహం వస్తుంది. ఏసీతో పాటు ఫ్యాన్‌ను సరైన స్పీడ్‌లో ఆన్ చేస్తే, చల్లగాలి ఇల్లంతా వ్యాపిస్తుందని నిపుణులు చెబుతున్నారు. మన ఇంట్లో ఏసీ ఉంటే, దానివల్ల వచ్చే కరెంట్ బిల్లును ఎలా తగ్గించుకోవాలా అని ఆలోచిస్తుంటాం. ఏసీ, ఫ్యాన్ రెండింటినీ సరిగ్గా వాడితే మన కరెంట్ బిల్లును తగ్గించుకోవచ్చు.

ఫ్యాన్ వేస్తే లాభాలు

అసలు ఫ్యాన్ గదిలో గాలిని ఎలా సర్క్యులేట్ చేస్తుందో ముందుగా అర్థం చేసుకుందాం. మన ఇంట్లో ఉండే ఫ్యాన్, గాలిని గది మొత్తం వ్యాపించేలా చేస్తుంది. ఏసీ, ఫ్యాన్ కలిపి వాడటం వల్ల గది ఒక మూలకే పరిమితం కాకుండా, మొత్తం తొందరగా చల్లబడుతుంది. ఇది అక్కడ కూర్చున్న వారికి మరింత హాయినిస్తుంది.

కరెంట్ ఆదా అవుతుంది

కరెంట్ ఆదా చేయడానికి ఏసీ, ఫ్యాన్ రెండింటినీ ఒకేసారి వాడటం ఉత్తమ మార్గం. ఈ పద్ధతిలో ఏసీని 22 డిగ్రీల సెల్సియస్, అలాగే 32 డిగ్రీల సెల్సియస్ వద్ద కూడా నడపవచ్చు. నిపుణులు చెబుతున్న ప్రకారం, ఏసీ టెంపరేచర్‌ను ప్రతి 1 డిగ్రీ పెంచితే 6 శాతం వరకు కరెంట్ ఆదా అవుతుంది. ఈ లెక్కన, ఏసీతో పాటు ఫ్యాన్ వాడితే నెలవారీ కరెంట్ బిల్లులో సుమారు 15 నుంచి 20 శాతం వరకు తగ్గించవచ్చు.