Curd vs Yogurt: పెరుగుకు, యోగర్ట్కు మధ్య తేడా ఏంటి? ఏది ఆరోగ్యానికి మంచిది?
Curd vs Yogurt: పెరుగు గురించి అందరికీ తెలిసిందే.. కానీ యోగర్ట్ అంటేనే ఎక్కువ మంది అదేంటో అనుకుంటూ ఉంటారు. అసలు అంతేకాదు పెరుగుకన్నా యోగర్ట్ ధర కూడా ఎక్కువగా ఉంటుంది. అసలు ఈ రెండింటి మధ్య తేడా ఏమిటో తెలుసా?
పెరుగు ప్రతి ఇంట్లోనూ ఉంటుంది. భోజనం చివరలో ఒక పెరుగు ముద్ద తిననిదే సంపూర్ణంగా తిన్నట్టు అనిపించదు. కానీ యోగర్ట్ మాత్రం అందరిళ్లల్లో ఉండదు. దాన్ని కొనుక్కుని తినాలి. పెరుగు, యోగర్ట్.. ఈ రెండూ పాల నుంచి తయారయ్యే ఆహార పదార్థాలే. అయినప్పటికీ వీటి తయారీ విధానం, ఆరోగ్య ప్రయోజనాల్లో కొన్ని తేడాలు ఉన్నాయి. మన ఇళ్లలో రోజూ చేసుకునే పెరుగును పాలల్లో తోడు వేసి సహజంగా పులియబెట్టడం ద్వారా తయారుచేస్తారు. ఇందులో సహజంగా లభించే ల్యాక్టోబాసిల్లస్ బాక్టీరియా ఉంటుంది. దీనివల్ల పెరుగు రుచి, చిక్కదనం.. మన చుట్టూ ఉండే వాతావరణం, వేసిన తోడును బట్టి ప్రతిరోజూ మారుతూ ఉంటుంది. ఇక యోగర్ట్ మాత్రం ఒక నియయం ప్రకారం తయారవుతుంది. పాలను ప్రత్యేకమైన మంచి బ్యాక్టీరియాతో పులియబెట్టడం ద్వారా తయారుచేస్తారు. ముందుగా పాలను వేడి చేసి చల్లారనిస్తారు. తర్వాత అందులో కల్చర్ కలిపి కొన్ని గంటలు వెచ్చని ప్రదేశంలో ఉంచుతారు. బ్యాక్టీరియా.. పాలలోని లాక్టోస్ను లాక్టిక్ యాసిడ్గా మార్చడంతో పాలు చిక్కగా మారి, పుల్లటి రుచితో యోగర్ట్ తయారవుతుంది.