నెమలిలా అందంగా కనిపించాలనుకుంటున్నారా..? అయితే ఈ టిప్స్ ను ఫాలో అయిపోండి..

నలుగురిలో తామే అందంగా కనిపించాలని ప్రతి ఒక్కరికీ ఉంటుంది. నిపుణుల అభిప్రాయం ప్రకారం.. కొన్ని రకాల ప్రోటీన్ ఫుడ్స్ ను తింటే నెమలిలా అందంగా మెరిసిపోతారు.  

అందంగా ఉండాలని ప్రతి ఒక్కరూ ఆశపడతారు. అందుకే రకరకాల బ్యూటీ ప్రొడక్ట్స్ ను ఉపయోగిస్తుంటారు. వీటిని ఉపయోగించడం వల్ల అప్పటి మందం అందంగా కనిపించినా.. వాటిలో ఉండే రసాయనాల వల్ల ముఖం దెబ్బతింటుంది. మొటిమలు, మచ్చలు వంటివి అవుతాయి. నిజానికి అందంగా కనిపించాలంటే బ్యూటీ ప్రొడక్ట్స్ నే వాడక్కర్లేదు.. ప్రోటీన్ ఫుడ్ ను తిన్నా.. అందంగా మెరిసిపోతారు.

మీకో విషయం తెలుసా.. నెమళ్లు అంత అందంగా కనిపించడానికి కారణం ప్రోటీన్ ఫుడ్ యే అంటున్నారు నిపుణులు. అవి తినే గింజల్లో, రకరకాల పండ్లలో, కూరగాయల్లో, బెర్రీల్లో ఎన్నో రకాల ప్రోటీన్లు ఉంటాయి. ఈ ప్రోటీన్లు నెమ్మళ్ల ఈకలకు ఉండే అందమైన రంగులను తయారుచేయడంలో కీలక పాత్ర పోషిస్తాయి.  

కానీ మనలో చాలా మందికి ప్రోటీన్ ఫుడ్ అంటే ఏంటో తెలియదు. ఈ ప్రోటీన్ ఫుడ్ మనకు ఏవిధంగా మేలు చేస్తుందో కూడా తెలియదు. దీనివల్ల చాలా మంది ప్రోటీన్ లోపంతో బాధపడుతున్నారు. ఈ ప్రోటీన్ లోపం వల్ల రోగనిరోధక  శక్తిని తగ్గిస్తుంది. అలాగే జుట్టు రాలడానికి కారణం అవుతుంది. కండరాలు, ఎముకలు బలహీనపడతాయి. ఇంతేకాదు చర్మంపై ముడతలు, నల్లని మచ్చలు, కీళ్ల నొప్పులు, శరీర బలహీనత వంటి సమస్యలు వస్తాయి. ముఖ్యంగా ఈ ప్రోటీన్ లోపం కారణంగా పిల్లలు వయసుకు తగ్గ ఎత్తు పెరగరు. బ్రెయిన్ కూడా అభివృద్ధి చెందదు. దీనివల్ల మానసిక సమస్యలు వస్తాయి. 

మన రోజూ వారి ఆహారంలో ప్రోటీన్  ఫుడ్ ఉండేలా చూసుకుంటే ఎన్నో రకాల రోగాలు, అంటువ్యాధులు వచ్చే ప్రమాదం తగ్గుతుంది. ఇమ్యూనిటీ పవర్ కూడా పెరుగుతుంది. ఈ ప్రోటీన్ ఫుడ్స్ మిమ్మల్ని ఆరోగ్యంగా ఉంచడమే కాదు మిమ్మల్ని, మీ జుట్టును, చర్మాన్ని  అందంగా తయారుచేస్తాయి. దీనికోసం ఎలాంటి ఆహారాలను తినాలో ఇప్పుడు తెలుసుకుందాం..

గ్రీకు పెరుగు

గ్రీకు పెరుగు చాల రుచిగా ఉంటుంది. అంతేకాదు దీనిలో యాంటీ ఆక్సిడెంట్లు, ప్రోటీన్లు, ప్రోబయోటిక్స్, రకరకాల విటమిన్లు ఎక్కువ మొత్తంలో ఉంటాయి. ఇవి మిమ్మల్ని ఆరోగ్యంగా ఉంచడంతో పాటుగా అందాన్ని కూడా పెంచుతాయి. 

Quinoa Upma

క్వినోవా

క్వినోవాలో కూడా ప్రోటీన్లు పుష్కలంగా ఉంటాయి. ఇందులో ఉండే ఔషదగుణాలు మిమ్మల్ని ఆరోగ్యంగా ఉంచుతాయి. వీటిలో ఫైబర్ కూడా ఎక్కువ  మొత్తంలో ఉంటుంది. ఇది బరువు తగ్గేందుకు ఎంతో సహాయపడుతుంది. దీనిని వండుకుని తిన్నొచ్చు. లేదంటే సలాడ్ గా చేసుకుని తిన్నా మంచి ఫలితం ఉంటుంది. 

విత్తనాలు

చియా విత్తనాలు, గుమ్మడి విత్తనాలు, జనపనార విత్తనాల్లో ప్రోటీన్లు పుష్కలంగా ఉంటాయి. వీటిని సలాడ్లు లేదా పండ్లు లేదా ఓట్స్ తో కలిపి తినొచ్చు. 

కూరగాయల సలాడ్లు

కూరగాయలతో సలాడ్లు చేసుకుని తీసుకుంటే మీ ఆరోగ్యానికి ఏ ఢోకా ఉండదు. ముఖ్యంగా అందం కూడా పెరుగుతుంది. బచ్చలికూర, బ్రోకలీ, పచ్చి బఠాణీలు వంటి ఆహారాల్లో ప్రోటీన్లు ఎక్కువ మొత్తంలో ఉంటాయి. 

చికెన్

చికెన్ లో కూడా ప్రోటీన్లు ఎక్కువ మొత్తంలో ఉంటాయి. దీన్ని సలాడ్ గా చేసుకుని తిన్నా మంచి ప్రయోజనం ఉంటుంది. నూడుల్స్, పాస్తా వంటి ఆహారాలకు చికెన్ ను జోడించి తీసుకోవచ్చు.