Old Sarees: మన ఇళ్లల్లో పాత చీరలు ఉంటే ఎవరికైనా ఇచ్చేయడమో, లేకపోతే వంట పాత్రలు దించడానికో, స్టీల్ సామానులు కొనుక్కోవడానికో వాడేస్తుంటాం. అలా కాకుండా వాటితో ఇంటికి అందం తెచ్చే కర్టెన్లు తయారు చేసుకోవచ్చు తెలుసా?
పాత మోడల్ పట్టు చీరలు…ఇప్పుడు ట్రెండ్ కు సరిపోవు. అలా అని బీరువాలో పెట్టుకుందామంటే ప్లేస్ వృథా. అందుకని ఇలా చేయండి. మీ దగ్గర పాత పట్టు లేదా బెనారసీ చీరలు ఉంటే, వాటితో చక్కగా ఇంటికి రాయల్ లుక్ తీసుకొచ్చే అద్భుతమైన కర్టెన్లు తయారు చేసుకోవచ్చు. ఇవి మీ లివింగ్ రూమ్కు కాస్ట్లీ అందాన్ని ఇస్తుంది. ఓసారి ట్రై చేయండి.
25
కాటన్ చీరలతో ఇంటికి కూలింగ్
వేసవిలో కాటన్ దుస్తులు వేసుకుంటే శరీరానికి చల్లదనాన్ని ఇస్తాయి. అయితే అవి ఒంటికే కాదు…ఇంటికి కూడా కూలింగ్ ఇస్తాయి. అదెలాగంటే..కాటన్ చీరలతో చేసిన కర్టెన్లను పెట్టుకోండి. అవి గదిలోకి గాలి, వెలుతురు బాగా వచ్చేలా చేస్తాయి. ఇవి బెడ్రూమ్ లేదా బాల్కనీకి చాలా బాగుంటాయి. బాల్కనీ దగ్గర సూర్యరశ్మి పడుతుంది కాబట్టి. ఆ వేడి ఇంట్లోకి రాకుండా చేస్తుంది. బెడ్ రూంలో ఉంటే గదిని చల్లగా ఉంచుతుంది.
35
రెండు మూడు పాత చీరలను కలిపి ప్యాచ్వర్క్ డిజైన్ కర్టెన్లు
ఒక చీర సరిపోకపోతే, రెండు మూడు చీరలను కలిపి ట్రెండీ ప్యాచ్వర్క్ కర్టెన్లను తయారు చేయండి. ఇది మీ ఇంటికి సృజనాత్మక రూపాన్ని ఇస్తుంది. అంతేకాకుండా వాటిని కుషన్స్ లా వాడుకోవచ్చు. సోఫాకు వేసుకోవచ్చు. కర్టెన్ల పక్కనే ఇవి ఉన్నాయనుకోండి. ఆ లుక్కే వేరు. అదిరిపోద్ది. వచ్చినవాళ్లంతా అక్కడి నుంచి అస్సలు కదలరు.
కర్టెన్ల అందాన్ని పెంచడానికి లేసులు లేదా పూసలు అంచులకు పెట్టుకోండి. ఇది మీ కర్టెన్లకు ఒక ఫెస్టివల్ లుక్ తీసుకొస్తుంది. ఇల్లు కూడా కళకళలాడిపోతుంది. పండుగవేళ వీటిని ఇంట్లో ఏర్పాటు చేస్తే చాలా బాగుంటాయి. ఖర్చు లేకుండా లుక్ ఇస్తుంది.
55
పాత చీరలతో కర్టెన్లు తయారు చేయడం చాలా సులభం
చీరను ఉతికి, ఇస్త్రీ చేసి, కిటికీ సైజుకు కత్తిరించండి. కర్టెన్ రాడ్ కోసం పైభాగాన్ని మడిచి కుట్టండి. అంతే, అందమైన కర్టెన్లు రెడీ.
