Mouse Prevention Tips: ఈ సింపుల్ ట్రిక్ చాలు.. ఇంట్లో ఎలుకల బెడదకు పెన్సిల్ తో చెక్
Mouse Prevention Tips: ఇంట్లో ఎలుకలు తిరుగుతూ ఇబ్బంది పెడుతున్నాయా? ఎక్కడి నుంచి వస్తున్నాయో అర్థం కావడం లేదా? అయితే ఓ చిన్న పెన్సిల్ తో వాటికి అడ్డుకట్ట వేయొచ్చు. పెన్సిల్ లోని ఎరేజర్ తో ఎలుకలు దూరే బొరియలు గుర్తించి, వాటిని ఎలా మూసేయాలో చూద్దాం.
వాతావరణం మారినప్పుడల్లా ఇంట్లో ఎలుకల బెడద పెరగడం కామన్. రాత్రి పూట గోడల వెనుక శబ్దాలు రావడం, ఫర్నిచర్‌ను కొరికేయడం, వంటగదిలో ఎలుకల మలం కనిపించడం లాంటివి ఇంట్లోకి ఎలుకలు వచ్చాయనడానికి సంకేతాలు. ఈ సమస్యను ముందుగానే గుర్తించి, అవి లోపలికి వచ్చే దారులను మూసేయడం చాలా ముఖ్యం. దీనికోసం 'పెన్సిల్ ట్రిక్' (Pencil Trick) బాగా పనిచేస్తుంది. పెన్సిల్ వెనకాల ఉండే ఎరేజర్ సైజును బట్టి ఎలుకలు దూరే చిన్న చిన్న కన్నాలను సులభంగా కనిపెట్టొచ్చు.
అసలు ఈ పెన్సిల్ ట్రిక్ ఏంటి?
ఎలుకలు చాలా చిన్న సందుల నుంచి కూడా ఇంట్లోకి దూరిపోతాయి. కేవలం 5 మిల్లీమీటర్ల గ్యాప్ ఉన్నా సరే అవి లోపలికి వచ్చేస్తాయి. ఇది దాదాపు పెన్సిల్ ఎరేజర్ వెడల్పుతో సమానం.
మనుషుల్లాగా ఎలుకల కాలర్ బోన్స్ గట్టిగా అతుక్కుని ఉండవు. వాటి శరీరం చాలా ఫ్లెక్సిబుల్‌గా ఉంటుంది. అందుకే ఎంత చిన్న సందులోంచైనా తమ శరీరాన్ని కుదించుకుని మరీ దూరిపోతాయి. కంటికి కనిపించనంత చిన్న సందులు కూడా వీటికి రాజమార్గాలు లాంటివే.
అందుకే పెన్సిల్ ఎరేజర్‌ను ఒక కొలమానంగా వాడాలని నిపుణులు చెబుతున్నారు. గోడలు, తలుపులు, పైపులు, కరెంటు వైర్ల దగ్గర పెన్సిల్ ఎరేజర్ పట్టేంత గ్యాప్ ఉందో లేదో చెక్ చేయండి. అయితే, ఈ ట్రిక్ ద్వారా ఎలుకలు వచ్చే దారులను మాత్రమే కనిపెట్టగలం. ఆ తర్వాత వాటిని మూసేయడం మన బాధ్యత.