Bed Sheet Care: చాలా మంది బెడ్ షీట్లు, దిండు కవర్లు నెలల తరబడి ఉతకరు. దానివల్ల రోగాలు తప్పవు. మరి ఎన్నిరోజులకు ఉతకాలి? ఎప్పుడు వాష్ చేసినా కొత్త వాటిలా తళతళ మెరవాలంటే ఏం చేయాలి? అయితే ఈ సింపుల్ టిప్స్ పాటిస్తే చాలు.
మన ఆరోగ్యం మన చేతిలోనే ఉంటుంది. అందులో తినే ఆహారం, తాగే నీరు పక్కనపెడితే…మనం రోజూ వాడే బెడ్ షీట్లు, దిండు కవర్లు చాలా ముఖ్యం. గంటల తరబడి వాడే బెడ్షీట్లపై మన నుంచి వచ్చే చెమట, దుమ్ము, మృతకణాలు, కంటికి కనిపించని సూక్ష్మక్రిములు చేరతాయి. వాటిని సరిగ్గా శుభ్రం చేయకపోతే చెడు వాసన వస్తుంది. అంతేకాకుండా శరీరంపై అలర్జీ, చర్మ సమస్యలు, తుమ్ములు, గొంతునొప్పి, దగ్గు వచ్చే ప్రమాదం ఉంది. అయితే ఈ సింపుల్ టిప్స్ పాటిస్తే చాలు మీ బెడ్షీట్లను ఎక్కువకాలం కొత్తవాటిలా ఉంచుకోవచ్చు.
210
వారానికి ఒకసారి ఉతకడం మంచి అలవాటు
బెడ్షీట్లను కనీసం వారానికి ఒకసారి ఉతకాలి. వేసవిలో చెమట ఎక్కువగా పడుతుంది కాబట్టి, 5 నుంచి 7 రోజులకు ఒకసారి ఉతికితే ఇంకా మంచిది. చిన్నపిల్లలు లేదా పెంపుడు జంతువులు వాడే బెడ్షీట్లను ఇంకాస్త తరచుగా శుభ్రం చేయాలి. మరీ ముఖ్యంగా కాస్త వేడి నీళ్లు వాడితే మరీ మంచిది.
310
సరైన డిటర్జెంట్ వాడండి
ఎక్కువ రసాయనాలు ఉన్న డిటర్జెంట్లు వాడితే బట్టల రంగు, మృదుత్వం త్వరగా పోతాయి. వాటికి బదులుగా మైల్డ్ డిటర్జెంట్ లేదా సున్నితమైన సోపులను ఎంచుకోవడం మంచిది. దీనివల్ల బెడ్షీట్ల నాణ్యత ఎక్కువ కాలం నిలిచి ఉంటుంది.
ఉతికేటప్పుడు కొద్దిగా బేకింగ్ సోడా లేదా వైట్ వెనిగర్ కలపడం వల్ల మంచి ఫలితం ఉంటుంది. ఇది చెమట వాసన, సబ్బు అవశేషాలు, బట్టల్లో పేరుకుపోయిన మురికిని తగ్గించడంలో సహాయపడుతుంది. అదే సమయంలో బట్టలకు మంచి సువాసన వస్తుంది.
510
ఎండలో ఆరబెట్టాలి
ఉతికిన బెడ్షీట్లను నేరుగా ఎండలో ఆరబెట్టడం చాలా ప్రయోజనకరం. సూర్యరశ్మి తేమను పూర్తిగా తొలగించడమే కాకుండా, మిగిలిపోయిన సూక్ష్మక్రిములను చంపేస్తుంది. పూర్తిగా ఆరని బట్టలను మడతపెట్టి పెట్టకూడదు. అలా చేస్తే మురికి వాసన వచ్చి నిద్ర పట్టనివ్వదు.
610
గాలి తగలడం చాలా అవసరం
ఉదయం నిద్రలేవగానే వెంటనే దుప్పటి మడవకుండా, 15 నుంచి 20 నిమిషాల పాటు బెడ్షీట్లను అలాగే పరచి ఉంచండి. దీనివల్ల రాత్రిపూట చేరిన తేమ ఆవిరైపోయి, దుర్వాసన రాకుండా ఉంటుంది.
710
అల్మారాలో జాగ్రత్తగా సర్దండి
ఉతికి బాగా ఆరిన తర్వాతే బెడ్షీట్లను మడతపెట్టి అల్మారాలో పెట్టాలి. వాటితో పాటు నాఫ్తలీన్ గోళీలు, కర్పూరం లేదా ఎండిన పువ్వులను ఉంచితే ఎక్కువసేపు మంచి వాసన వస్తుంది. అల్మారా ఎప్పుడూ పొడిగా ఉండేలా చూసుకోండి.
810
మార్చి మార్చి వాడండి
ఒకే బెడ్షీట్ను రోజూ వాడకుండా, రెండు లేదా మూడు సెట్లను మార్చి మార్చి వాడటం మంచిది. దీనివల్ల ప్రతి బెడ్షీట్కు విశ్రాంతి దొరికి, దాని లైఫ్ పెరుగుతుంది. అదే సమయంలో ఎప్పుడూ శుభ్రమైన బెడ్షీట్ను వాడుకునే సౌలభ్యం ఉంటుంది.
910
ఐరన్ చేసుకోవాలి
ఉతికిన తర్వాత తేలికగా ఐరన్ చేస్తే బట్టలపై ఉన్న ముడతలు పోయి అందంగా కనిపిస్తాయి. అంతేకాకుండా, వేడికి కొన్ని సూక్ష్మక్రిములు చనిపోయే అవకాశం కూడా ఉంది. ముఖ్యంగా కాటన్ బెడ్షీట్లకు ఇది మంచి సంరక్షణ పద్ధతి.
1010
ఎప్పుడూ కొత్తవాటిలా మెరుస్తాయి!
బెడ్షీట్లను శుభ్రంగా ఉంచుకోవడం కేవలం శుభ్రత కోసమే కాదు, మంచి ఆరోగ్యం, నాణ్యమైన నిద్రకు కూడా అవసరం. వారానికోసారి ఉతకడం, సరిగ్గా ఆరబెట్టడం, శుభ్రంగా దాచుకోవడం వంటి సింపుల్ టిప్స్ పాటిస్తే చాలు. మీ బెడ్షీట్లు ఎక్కువ కాలం మన్నికొస్తాయి. కొత్తవాటిలా మృదువుగా, సువాసనతో ఉంటాయి.
