ఈ ఖనిజ లోపం వల్ల కూడా బీపీ పెరుగుతుంది తెలుసా..!

ఈ రోజుల్లో చిన్న వయసు వారు కూడా అధిక రక్తపోటు సమస్యతో బాధపడుతున్నారు. రక్తపోటు పెరగడానికి కారణాలెన్నో ఉంటాయి. ఏదేమైనా దీన్ని అదుపు చేయకుంటే గుండెపోటు, స్ట్రోక్ వంటి సమస్యలొచ్చే ప్రమాదం ఉంది.   

అధిక రక్తపోటు దీర్థకాలం ఉండే అనారోగ్య సమస్య. ఇది మన గుండెకు ఒత్తిడికి గురిచేస్తుంది. అంతేకాదు గుండె సంబంధిత రోగాల (సివిడి) ప్రమాదాన్ని కూడా పెంచుతుంది. 

సాధారణంగా మన కార్యకలాపాలను బట్టి ఈ రక్తపోటులో హెచ్చుతగ్గులు వస్తుంటాయి. అయినప్పటికీ సాధారణం కంటే మరీ ఎక్కువగా ఉంటే మీరు అధిక రక్తపోటు బారిన పడ్డారని అర్థం చేసుకోవాలి. మాయో క్లినిక్ ప్రకారం.. ఎలివేటెడ్ రక్తపోటును సిస్టోలిక్ పీడనం 120 నుంచి 129, డయాస్టొలిక్ పీడనం 80 కంటే తక్కువ నిర్వచించారు. సాధారణ రక్తపోటు 120/80 మిమీ హెచ్డి లేదా అంతకంటే తక్కువ. రక్తపోటు 180/120 మిమీ హెచ్డీ కంటె ఎక్కువ రక్తపోటు ఉంటే ప్రమాదకరం. ఇది మీ ప్రాణాలను తీస్తుంది. 

పొటాషియం లోపం రక్తపోటును పెంచుతుంది

మన శరీరానికి పొటాషియం అనే ఖనిజం చాలా చాలా అవసరం. ఇది మన కణాల లోపలి ద్రవం సాధారణ స్థాయిని నిర్వహించడానికి సహాయపడుతుంది. హెల్త్ హార్వర్డ్ ప్రకారం.. ఇది హార్ట్ బీట్ ను నియంత్రిస్తుంది. కండరాలు, నరాల పనితీరును మెరుగుపరుస్తుంది. ప్రోటీన్ సంశ్లేషణకు, కార్భోహైడ్రేట్లను జీవక్రియ చేయడానికి ఇది చాలా ముఖ్యం. 

పొటాషియం మన రక్తనాళాల గోడలను సడలిస్తుంది. రక్తపోటును తగ్గిస్తుంది. అలాగే కండరాల తిమ్మిరి నుంచి కాపాడుతుంది. 

పొటాషియం లోపం సంకేతాలు

మన శరీరంలో పొటాషియం స్థాయిలు తగ్గితే ఎన్నో లక్షణాలు కనిపిస్తాయి. అవేంటంటే.. 

మలబద్దకం

గుండె దడ లేదా గుండె కొట్టుకోడం ఆపేసినట్టు

అలసట

కండరాల నష్టం

కండరాల బలహీనత లేదా దుస్సంకోచాలు

జలదరింపు లేదా తిమ్మిరి

పొటాషియం తక్కువగా ఉందా అన్న సంగతిని ఎలా తెలుసుకోవాలి

మీలో పై లక్షణాలను గుర్తించినట్టైతే వెంటనే హాస్పటల్ కు వెల్లడం మంచిది. రక్తపరీక్ష చేసుకుంటే మీలో పొటాషియం స్థాయిలు ఎన్ని ఉన్నాయో తెలుస్తుంది. ఆరోగ్య నిపుణుల అభిప్రాయం ప్రకారం.. సాధారణంగా పొటాషియం స్థాయి 3.5 నుంచి 5.2 వరకు ఉంటుంది. అయితే పొటాషియం స్థాయిలు 3, 3.5 mEq / L ఉంటే మీరు హైపోకలేమియా బారిన పడ్డారని అర్థం. అంతే మీ శరీరంలో పొటాషియం స్థాయిలు తక్కువగా ఉన్నాయని. 

పొటాషియం రోజుకు ఎంత తీసుకోవాలి

మాయో క్లినిక్ ప్రకారం.. శరీరంలో పొటాషియం లోపించడం చాలా అరుదు. ఇక అసలు విషయానికొస్తే.. పెద్దలకు రోజుకు 1600 నుంచి 2000 మి.గ్రా పొటాషియం సరిపోతుంది. 

పొటాషియం ఎక్కువగా ఉండే ఆహారాలు

పొటాషియం చాలా ఆహారాల్లో పుష్కలంగా ఉంటుంది. ఆకు కూరలు, పాలు, పాల ఉత్పత్తులు, బీన్స్, కాయలు, ట్యూనా, కాడ్, ట్రౌట్ వంటిచేపలు, చలికాలపు స్క్వాష్ వంటి పండి కూరగాయల్లో పొటాషియం ఎక్కువ మొత్తంలో లేదు. 

అంతేకాదు నారింజ, అరటిపండ్లు, నేరేడు పండ్లు, కాంటాలౌప్, ద్రాక్షపండు వంటి పండ్లలో పొటాషియం పుష్కలంగా ఉంటుంది. 

కిడ్నీ బీన్స్, కాయధాన్యాలు, సోయాబీన్స్, లిమా బీన్స్ తో సహా అన్ని రకాల బీన్స్, చిక్కుళ్లలో పొటాషియం ఎక్కువ మొత్తంలో ఉంటుంది.