ఈ ప్రోటీన్ ఫుడ్స్ ను తీసుకుంటే కీళ్ల నొప్పులు, హెయిర్ ఫాల్, అధిక బరువు వంటి ఎన్నో సమస్యలు తగ్గిపోతాయి..

Protein Rich Foods: ప్రోటీన్లు ఎక్కువగా ఉండే ఆహారాలను తినడం వల్ల కీళ్ల నొప్పులు తగ్గడంతో పాటుగా, హార్మోన్లు సమతుల్యంగా ఉంటాయి. అలాగే జుట్టు కూడా బాగా పెరుగుతుంది. హెయిర్ ఫాల్ సమస్య తగ్గుతుంది.   

ప్రోటీన్ మన శరీరానికి ఎంతో అవసరం. శరీరంలో సరిపడా ప్రోటీన్ ఉంటేనే మన బాడీ సక్రమంగా పనిచేస్తుంది. మన ప్రతి కణానికి ప్రోటీన్ అత్యవసరం కూడా. మన శరీరం కొవ్వులు, కార్బోహైడ్రేట్లు వంటి ప్రోటీన్లును నిల్వ చేయదు. అందుకే మీరు ప్రోటీన్ ఎక్కువగా ఉండే ఆహార పదార్థాలను ఎక్కువ మొత్తంలో తీసుకోవాల్సి ఉంటుంది. ఈ ఆహారాలు ఇది కండరాల పెరుగుదలకే కాదు ఎముకలు, కీళ్ళు, జుట్టు, ప్రతిరోధకాలు, హార్మోన్లు, ఎంజైమ్లకు కూడా అత్యవసరం. 

అనేక వ్యాధులతో, ఇన్ఫెక్షన్లతో పోరాడేండుకు ప్రతిరోధకాలు చాలా అవకసరం. ప్రోటీన్లు ఇందుకు సహాయపడతాయి. అంతేకాదు ప్రోటీన్లు కణాలను ఆరోగ్యంగా ఉంచుతాయి. కొత్త వాటిని పుట్టించడానికి సహాయపడతాయి. 

ప్రోటీన్ ఫుడ్ ను తీసుకోవడం వల్ల తొందరగా ఆకలి అవదు. ఇవి కడుపును ఎక్కువ సేపు నిండుగా ఉంచుతాయి. జీవక్రియను పెంచుతాయి. దీంతో మీరు బరువు తగ్గుతారు. ఏయే ఆహారాల్లో ప్రోటీన్ ఎక్కువ మొత్తంలో ఉంటుందో తెలుసుకుందాం పదండి. 

సాల్మన్ (Salmon)

సాల్మాన్ లో ప్రోటీన్లు ఎక్కువ మొత్తంలో ఉంటాయి. ఒమేగా -3 కొవ్వులు  (Omega-3 fats)కూడా పుష్కలంగా ఉంటాయి. 100 గ్రాముల సాల్మన్ లో కేవలం 206 కేలరీలు మాత్రమే ఉంటాయి. క్రమం తప్పకుండా సాల్మన్ తినడం వల్ల మీరు సులువుగా బరువు తగ్గుతారు. ఎందుకంటే ఇవి ఆకలిని తగ్గించడంలో సహాయపడుతాయి. అలాగే బెల్లీ ఫ్యాట్ ను కూడా తగ్గిస్తుంది. 

గుడ్లు (Eggs)

గుడ్లు సంపూర్ణ ఆహారం. దీనిలో ఎక్కువ మొత్తంలో ప్రోటీన్లు, తక్కువ మొత్తంలో కేలరీలు ఉంటాయి. గుడ్లలో విటమిన్ డి, ఇనుము పుష్కలంగా ఉంటాయి. గుడ్డులోని తెల్లసొన శరీరానికి అవసరమైన ప్రోటీన్ ను అందించే ఉత్తమ ఆహారాలలో ఒకటి. బరువు తగ్గడానికి, కండర నిర్మాణానికి ఈ ప్రోటీన్ ఎంతో ఉపయోగపడుతుంది. 

పెరుగు (curd)

పెరుగు మన  ఆరోగ్యానికి ఎంతో మేలు చేస్తుంది. పెరుగులో ఆరోగ్యకరమైన కొవ్వులకు కొదవుండదు. ఇందులో ప్రోటీన్లు కూడా ఎక్కువగానే ఉంటాయి. ఒక కప్పు గ్రీకు పెరుగులో 17 గ్రాముల ప్రోటీన్ ఉంటుంది. ఇది మన ఆరోగ్యానికి ఎంతగానో సహాయపడుతుంది.

పాల ఉత్పత్తులు (Dairy products)

పాల ఉత్పత్తుల్లో కూడా ప్రోటీన్ ఎక్కువ మొత్తంలో ఉంటుంది. జున్ను, చీజ్, పెరుగు వంటి పాల ఉత్పత్తులలో ప్రోటీన్ పుష్కలంగా ఉంటుంది. అన్ని రకాల పెరుగులో గ్రీకు పెరుగులోనే ప్రోటీన్లు ఎక్కువ మొత్తంలో ప్రోటీన్లు ఉంటాయి.

గుమ్మడికాయ విత్తులు (Pumpkin seeds)

ఒక టేబుల్ స్పూన్ గుమ్మడికాయ విత్తనాల్లో 5 గ్రాముల ప్రోటీన్ ఉంటుంది. ఈ విత్తనాల్లో పోషకాలు ఎక్కువ మొత్తంలో ఉంటాయి. ఈ విత్తనాల్లో బలమైన యాంటీ ఆక్సిడెంట్లు ఉంటాయి. వీటిని తినడం వల్ల ఎన్నో అనారోగ్య సమస్యలు తగ్గిపోతాయి.