Face Tan: ఈ పండు గుజ్జుతో రుద్దారంటే ముఖంపై ఉన్న ట్యాన్ మొత్తం మాయం

Face Tan: ఎండకు ముఖం నల్లగా మారిపోతుంది. దీనికి కారణం ట్యాన్ పట్టేయడమే.  కేవలం 10 నిమిషాల్లోనే ముఖంపై ట్యాన్‌ను తొలగించుకుని, మళ్లీ కాంతివంతంగా మారొచ్చు. దీనికి మీరు ఉపయోగించాల్సిన పండు ఒకటుంది.

ట్యాన్ వల్ల అందవిహీనంగా

వేసవిలో ఒక్కసారి ఎండలో బయటికి వెళ్లినా చాలు  ముఖంపై ట్యాన్ పట్టేస్తుంది. నల్లటి మచ్చలు కూడా వస్తాయి. దీని వల్ల అందవిహీనంగా కనిపిస్తారు. ఇంట్లోనే సహజమైన పద్ధతుల్లో ఈ ట్యాన్‌ను  చాలా సులువుగా వదిలించుకోవచ్చు. ఇందుకు మీకు బొప్పాయి పండు అద్భుతంగా పనిచేస్తుంది. అ పండు చాలా తక్కువ ధరకే మార్కెట్లో దొరుకుతుంది.

ఫేస్ ప్యాక్ తయారీ

ముఖంపై ఉన్న ట్యాన్ పోవడానికి బొప్పాయితో  ఫేస్ ప్యాక్ వేసుకోవాలి. ఇందుకోసం బొప్పాయి, తేనె అవసరం. ముందుగా, కొన్ని బొప్పాయి ముక్కలు తీసుకుని మెత్తగా గుజ్జులా చేసుకోవాలి. ఇప్పుడు ఒక గిన్నెలో అర కప్పు బొప్పాయి గుజ్జు, ఒక చెంచా తేనె తీసుకోండి. దాన్ని బాగా కలిపాలి.

వాడే విధానం ఇలా

ఈ రెండు పదార్థాలను బాగా కలిపి, మెత్తటి పేస్ట్‌లా తయారు చేసుకోండి. ఇప్పుడు ఈ పేస్ట్‌ను ముఖం, మెడ భాగాలకు ఫేస్ ప్యాక్‌లా బాగా పట్టించాలి. ఈ మిశ్రమంలో పోషకాలు పుష్కలంగా ఉంటాయి. 

మంచి ఫలితాలు రావాలంటే, ఈ ప్యాక్‌ను ముఖంపై సుమారు 10 నిమిషాల పాటు ఉంచుకోవాలి. పది నిమిషాల తర్వాత చల్లటి నీటితో ముఖం కడుక్కోవాలి. అయితే, ప్యాక్ వేసుకునే ముందు ప్యాచ్ టెస్ట్ చేసుకోవడం మర్చిపోవద్దు. ప్యాక్ తీసేశాక కనీసం 4 నుంచి 5 గంటల వరకు ముఖానికి సబ్బు పెట్టకపోతే పూర్తి ప్రయోజనం ఉంటుంది.

మంచి ఫలితాల కోసం

ట్యాన్‌ను సహజంగా తొలగించడానికి బొప్పాయి, తేనె మిశ్రమం బాగా పనిచేస్తుంది. ఈ ఫేస్ ప్యాక్ వాడితే చర్మం కాంతివంతంగా మారుతుంది. పొడి చర్మాన్ని మృదువుగా మార్చడానికి కూడా ఇది ఉపయోగపడుతుంది. ఎప్పుడైనా స్వచ్ఛమైన తేనెనే వాడటానికి ప్రయత్నించండి. రసాయనాలు కలిపిన తేనె చర్మానికి హాని చేస్తుంది.